MAZMUR 72:12 - Hakcipta - Biatah Bidayuh

¹² Ayŭh re pirupas daya sirata adi mite turung so ayŭh, ngga ngara adi dŭh biyŭn ani ani ka adi dog nyibireu.

MAZMUR 72:12 ပူးပေါင်းရင်းမြစ်များ

2 SAMUEL 14:16

Aku pikir kaam an dingah kayuh nang ku ka nyiramat aku so daya anŭ adi an siŭ anak ku samŭn adŭp ku buang an kadi kieh so tana adi Tapa mbŭh nggen di daya-I.

JOB 29:12

Kan daya sirata bagan mite turung, aku turung ngara; aku turung anak tumang adi dŭh biyŭn daya yŭn-i nyigura.

JOB 36:15

Pak Tapa ngajar daya ngga udip sangsara ka pakai pinyusah ngga kuka batŭh ngara.

MAZMUR 10:17

Kaam re dingah, O TUHAN, dua daya adi pirapat adŭp; Kaam re nggen pingatat di ngara.

MAZMUR 102:17

Ayŭh re dingah daya-I adi-I ko tagan ka dŭh turak pimite ngara.

MAZMUR 102:20

Ayŭh dingah sidaing bara daya-takap ka pirupas ngara adi dog nggen ukum kabŭs.

MAZMUR 55:17

Isan isan, kumbeng, ka singarŭm aku ngadu ngga nyidaing, Ayŭh dingah aku; Ayŭh re dingah sirŭŭn ku.

MAZMUR 72:4

Isa-i raja ngibān daya adi sirata; isa-i ayŭh turung daya adi dŭh biyŭn ani ani ka ngarah daya adi kinanyuh ngara.

PITAS 29:7

Daya kana puan hak daya sirata, pak daya ginaka dŭh mirati kayuh adi mun anŭ.

EKLISIASTIS 4:1

Komŭnŭ aku tingga dinge ka kiris sopŭrŭg daya dog kinanyuh di barang yŭn di ong. Daya adi dog kinanyuh sien, ka mating daya turung ngara. Mating daya an turung ngara, sabab bara adi kinanyuh ngara inŭh daya adi bikuasa.

ISAIAH 41:17

“Kan daya Ku adi sirata jiroh piin, kan gungong ngara badŭh an nok, ka, Aku, adi TUHAN, re nam dua ngara; Aku, adi Tapa Israel, re dŭh tagan ngara.

LUKE 4:18

“Roh Tuhan agi ngga Aku, sabab Ayŭh mbŭh mien Aku da taban agah kana ka daya sirata. Ayŭh mbŭh pait Aku da piagah pinyirupas di daya-takap, pinyibua di daya adi karak, ka pinyirupas di daya adi dog kinanyuh,

LUKE 7:22

Ayŭh nam pinyisung pinyisung John, “Pari angān ka kidaan di John ani adi angān mbŭh kiris ka dingah: daya karak dapŭd kiris, daya bajang dapŭd panu, ngara adi naman andam kurit adi bisā dog pibisig, adi bangam dapŭd dingah, adi kabŭs dog pakat udip bauh, ka Agah Kana mbŭh dog nyuse di daya sirata.

2 CORINTH 8:9

Angān puan pinyirasi-mandis Tuhan ta Jesus Kristus; Ayŭh adi kaya, pak sabab angān Ayŭh bada adŭp-I sirata, siŭn angān bisa jadi kaya.

HEBREW 7:25

Ka sawŭ Ayŭh tungang, madin ngga siraru, nyiramat daya adi mandŭg ka Tapa so ka adŭp-I, sabab Ayŭh udip adu adu an bidua ka Tapa yŭn ngara.

1 SAMUEL 22:2

Daya adi dog kinanyuh, adi birutang, puan kah adi dŭh munos asŭng-i, di ka yŭn-i. Agi pat ratus naan sopŭrŭg ngara, ka ayŭh jadi pinguru ngara.