Komŭnŭ aku tingga dinge ka kiris sopŭrŭg daya dog kinanyuh di barang yŭn di ong. Daya adi dog kinanyuh sien, ka mating daya turung ngara. Mating daya an turung ngara, sabab bara adi kinanyuh ngara inŭh daya adi bikuasa.
“Ngapŭi meh, ati inŭh kayuh adi Aku, adi TUHAN Bisa-pŭrŭg, nang pasar bara nabi di Jerusalem: Aku re nggen di ngara pimuruh adi pa'it bada ngara man ka rasun ndu piin nok, sabab ngara mbŭh bada sopŭrŭg daya di ndi tarun tana rais dŭh tŭtŭd di Aku.”
“Mani ata dŭh ndai ani ani?” Daya Tapa siken. “Ja ata bikaduh ka kupo kupo adi bikuta, ka kabŭs diginŭ. TUHAN adi Tapa ta mbŭh nunggu ata ka tandah ata kabŭs; Ayŭh mbŭh nggen di ata rasun bada ata nok, sabab ata mbŭh bidosa rawan Ayŭh.
Ngapŭi dingah kayuh adi Aku, adi TUHAN Bisa-pŭrŭg, adi Tapa Israel, re ndai: Aku re nggen di daya Ku anak anak kayuh-udip adi pa'it bada ngara man ka rasun bada ngara nok.
Ndi ngarŭm ngarŭm ayŭh sien; randang batŭh misa paŭp-i. Ndi naan so bara jerā-i mating gŭh an nyaduh ayŭh. Bara pambit-i mbŭh tagan ayŭh ka sopŭrŭg mbŭh rawan ayŭh madin.
Pinyikais-i tungang dog kiris, pak ayŭh dŭh mbit piduri. Pinyirabu-i re bisā; mating daya re dapŭd nyaduh ayŭh. Pinganyu-i mbŭh manang, ka ayŭh sien mite masi so TUHAN.
Ndi so ngara bikaduh taban rimut karang, misa-i ngga wain adi kurang brega, ka na-i di tŭbŭn sikuwang. Komŭnŭ ayŭh ton-i ka bibis Jesus ka nang, “Kajŭn! Ata tingga kambŭi Elijah sawŭ mandŭg di bisor Ayŭh so rigang!”
Nakit ingat, dari, dayung, rawang puan kah tibaran-asar adi agi sua mijog digiti andu ati dŭh siŭn nyipunok TUHAN adi Tapa ta ka nyambah tapa tapa daya bangsa bŭkŭn. Anŭ re jadi keya ka uat anak kayuh-udip adi timbu jadi kayuh adi pa'it ka adi birasun.