MAZMUR 68:8 - Hakcipta - Biatah Bidayuh

⁸ tana bigugoh, ka ujen rabu so rangit, sabab pimandŭg Tapa Sinai, pimandŭg Tapa Israel.

MAZMUR 68:8 ပူးပေါင်းရင်းမြစ်များ

MAZMUR 114:7

Bigagar meh, tana, kan TUHAN mandŭg, di sirung jawin Tapa Jacob,

MAZMUR 41:13

Puji ka TUHAN, adi Tapa Israel! Muji Ayŭh madin ka ndŭg situi tui! Amen! Amen!

MAZMUR 68:35

Munki masam taru nŭŭh kiris Tapa darŭm Ayŭh mandŭg so yŭn pinyirŭŭ-I, Tapa Israel! Ayŭh nggen pinyibake ngga kuasa di daya-I. Ja ata muji Tapa!

MAZMUR 77:18

Jawŭn dudū raru tui, ka mikirab kijat pijawa ong; ka ong bigagar ka gimŭgŭs.

PINYIRUAH 13:18

Ngapŭi meh TUHAN taban ngara kadŭg aran adi bikaring so tarun tana-pajam nuju Rawŭt Bireh. Bara daya Israel mbŭh bisinyata sidia re biperang.

PINYIRUAH 19:16

Isan isan andu adi taruh agi dudū ngga kijat, abun adi tabar tatŭng di tibung darŭd, ka jawŭn trompet adi raru bana dog dingah. Sopŭrŭg daya di bari kimŭtŭr taru.

PINYIRUAH 19:18

Darŭd Sinai mbŭh dog nutu asuh, sabab TUHAN mbŭh mūn ka tunduh-i darŭm apui. Asuh anŭ maad ka rangit mun asuh so buwang apui, ka sopŭrŭg daya mbŭh bana kimŭtŭr taru.

ISAIAH 45:3

Aku re nggen di kuu pinyikaya so tarun adi karŭm ka adi bisukan; komŭnŭ kuu re puan nang Aku ati TUHAN, nang Tapa Israel mbŭh bagan kuu ngga dŭn mu.

ISAIAH 64:1

Mani Kaam dŭh nyiratak adŭ rangit bada tikuka, ka nŭŭh mūn ka sagān?

ISAIAH 64:3

Dawŭ-i Kaam mandŭg ka ndai pingandai tikŭnŭd adi dŭh kieh sangka; darŭd kiris Kaam ka bigŭgŭs sabab taru.

HABAKKUK 3:13

Kaam ruah di nyiramat daya Mai, di nyiramat raja adi Kaam mbŭh mien. Kaam pirabu pinguru daya ginaka ka pirarap bara pinunda-i.

HEBREW 12:26

Di tika anŭ sirŭŭn-I ngugoh ong, pak madin Ayŭh mbŭh bijanji, “Dŭm ndi sidah Aku re ngugoh, dŭh-i ong adŭ pak rangit ani.”

PINANDŬNG 11:19

Ramin Tapa di shorga mbŭh tikuka, ka Pati Simanya agi dog kiris diginŭ. Ka rasu agi kijat, jawŭn dudū, tana-bigugoh, ka ujen batuh.

AKIM 4:14

Komŭnŭ Deborah nang di Barak, “Panu! TUHAN agi ngga kuu! Andu ati Ayŭh mbŭh nggen di kuu pimanang ngarah Sisera.” Jadi Barak mūn so Darŭd Tabor ngga simŭng ribu naan soldadu-i.