MAZMUR 67:6 - Hakcipta - Biatah Bidayuh

⁶ Tana mbŭh piruah buwa pingatŭm-i; Tapa, Tapa ta, mbŭh nyiberkat ata.

MAZMUR 67:6 ပူးပေါင်းရင်းမြစ်များ

TIBIRIK 17:7

“Aku re kingat janji Ku di kuu ka di sesang mu di turap turap adi re, da jadi simanya adi tan adu adu. Aku re jadi Tapa mu ka Tapa bara sesang mu.

MAZMUR 48:14

“Tapa ati inŭh Tapa ta ndŭg situi tui; Ayŭh re adu adu nguru ata.”

PINYIRUAH 3:15

Kidaan di bara daya Israel nang Aku, adi TUHAN, adi Tapa tayung-babuk ngara, Tapa Abraham, Isaac ka Jacob inŭh adi pait kuu ka ngara. Anŭ inŭh dŭn Ku ndŭg situi tui; anŭ inŭh dŭn adi turap bauh re pakai ngga kadŭn Aku.

ISAIAH 1:19

Kambŭi angān tunda pinganang Ku, angān re trima buwa tana ngan adi kana.

JEREMIAH 31:1

TUHAN nang, “Tika-i re mandŭg adi ngga Aku jadi Tapa sopŭrŭg tibaran-asar Israel, ka ngara re jadi daya Ku.

JEREMIAH 31:33

Simanya bauh adi Aku re ndai ngga daya Israel inŭh ati: Aku re na ukum-adat Ku darŭm asŭng ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

LEVITICUS 25:19

Tana anŭ re piruah buwa buwa pimuruh, ka angān re biyŭn sopŭrŭg adi angān raan man ka re udip ngga siramat.

LEVITICUS 26:4

Aku re pait ujen ka angān di tipuh-i adi batur, isa tana piruah buwa buwa pimuruh ka tŭngŭn tŭngŭn kayuh buān.