MAZMUR 66:2 - Hakcipta - Biatah Bidayuh

² Biragu yŭn bragah adŭn-I; jugan ka Ayŭh bragah puji!

MAZMUR 66:2 ပူးပေါင်းရင်းမြစ်များ

NEHEMIAH 9:5

Bara daya Levi ati bagan bara daya bada simayang: Jeshua, Kadmiel, Bani, Hashabneiah, Sherebiah, Hodiah, Shebaniah, ngga Pethahiah. Ngara nang: “Mijog ka nggen puji ka TUHAN adi Tapa ngan; muji Ayŭh ndŭg situi tui! Muji adŭn-I adi bibragah sopŭrŭg ngan, sunggu puji manusia dŭh re sukup bās.”

MAZMUR 106:2

Asi tungang kidaan sopŭrŭg pingandai bās adi mbŭh-I ndai? Asi tungang muji Ayŭh ngga sukup-i?

MAZMUR 107:15

Ngara dŭh siŭn dŭh nggen trima kaseh di TUHAN amai pinyirindu-I adi dŭh bisa birubah, amai kayuh saruh adi-I mbŭh ndai yŭn ngara.

MAZMUR 107:22

Ngara dŭh siŭn dŭh nggen trima kaseh di Ayŭh ngga sadis, ka ngga ragu pinyigaŭn dŭh siŭn dŭh kidaan sopŭrŭg kayuh adi Ayŭh mbŭh ndai.

MAZMUR 68:33

ka Ayŭh adi panu di rangit, rangit ndun jah. Dingah Ayŭh nyirais sirais adi raru bana.

MAZMUR 72:18

Muji meh TUHAN, adi Tapa Israel! Ayŭh sadi adŭ adi ndai pingandai bās ati.

MAZMUR 79:9

Turung kieh, O Tapa, ka nyiramat kieh; pirupas kieh ka apun dosa ami amai yŭn kana stabi adŭp Mai.

ISAIAH 42:12

Isa ngara adi rŭŭ di rais adi jo muji ka nyibragah TUHAN!

ISAIAH 49:13

Biragu meh, rangit! Nyirais amai gaŭn, ong! Isa darŭd darŭd biragu ngga gaŭn! TUHAN re nyaduh daya-I; Ayŭh re masi di daya-I adi sangsara.

ISAIAH 6:3

Ngara bagan dingan-i sakati: “Kudus, kudus, kudus! TUHAN adi Bisa-pŭrŭg inŭh kudus! Bragah-I ngisi ong.”

PINANDŬNG 5:13

Ka aku dingah sopŭrŭg dāng adi ko dog napa di shorga, di ong, di ong di sagān, ka di rawŭt; sopŭrŭg-i, di rangit bait di ong samah samah biragu nang: “Di Ayŭh adi guru di takta ngga di Anak Biri, puji ngga stabi, bragah ngga bisa-pŭrŭg, ndŭg situi tui!”