MAZMUR 60:2 - Hakcipta - Biatah Bidayuh

² Kaam mbŭh bada tana bigugoh, ka Kaam mbŭh bada-i tipire; madin nguri tawan-i, sabab-i rubuh.

MAZMUR 60:2 ပူးပေါင်းရင်းမြစ်များ

2 SAMUEL 22:8

Komŭnŭ tana kimŭtŭr ka bigŭgŭs; Pimŭnŭs rangit bigagar ka biguyut amai Tapa mbŭh baji!

2 SAMUEL 8:1

Mua tian ripas anŭ Raja David nyerang daya Philistine dinge, ngarah ngara, ka sirabut tana ngara.

1 KRONIKEL 18:12

Abishai, adi Zeruiah dŭn sindŭ-i, ngarah daya Edom di Rubān Garo ka siŭ 18,000 naan ngara.

1 KRONIKEL 18:3

Ripas anŭ, David nyerang Raja Hadadezer, adi pimritah di Zobah, sindŭk tarun tana Hamath di tarun tana rais Syria, sabab Hadadezer suba an nguasa tarun tana sindŭk sijo Yang Euphrates.

1 KRONIKEL 18:5

Kan bara daya Syria so Damascus pait ndi bara tibaran soldadu bada turung Raja Hadadezer, David nyerang-i ka siŭ 22,000 naan daya.

2 KRONIKEL 7:14

kambŭi ngara bidua ka Aku ka marik pimudip ngara pari ka Aku ka dŭh tia ndai arap, Aku re dingah ngara so shorga, apun dosa ngara, ka bada tana ngara pari damŭn.

JOB 5:18

Tapa bada tawan, pak Ayŭh adi marut tawan anŭ; tangan-I kinaman kuu, ka tangan-I pibua kuu.

JOB 9:6

Tapa adi bada tana bigugoh ka adi bada tana bigŭgŭs; Ayŭh ngagar tiang tiang adi yŭn ong bisangan.

MAZMUR 104:32

Ayŭh tingga ong, ka-i kimŭtŭr; Ayŭh tama darŭd, ka ngara piruah asuh.

MAZMUR 114:7

Bigagar meh, tana, kan TUHAN mandŭg, di sirung jawin Tapa Jacob,

MAZMUR 18:7

Komŭnŭ tana bigagar ka bigugoh; ka sigŭn darŭd gimŭgŭs ka biguyut, amai Tapa mbŭh baji.

MAZMUR 89:40

Kaam mbŭh nyirubuh sindung kupo-i ka tandah kuta-i rubuh.

PINYIRUAH 15:11

“TUHAN, asi adi dupan bara tapa re mun Kaam? Asi re mun Kaam, bibragah buang kudus? Asi re bisa ndai pingandai-nginga ka pingandai bās mun jamai?

ISAIAH 30:26

Buran re jawa mun batŭh andu, ka batŭh andu re pikuju kari jawa so adi mbŭh, mun jawa ju andu dog nyekar ndi sidah. Sopŭrŭg kayuh anŭ re jadi kan TUHAN marut ka pibua tawan adi-I mbŭh ndai di daya-I.

ISAIAH 5:25

TUHAN baji di daya-I ka mbŭh pakat tangan-I re ngukum ngara. Darŭd re bigugoh, ka tadang ngara adi kabŭs re dog tingge di aran raya mun sapok. Pak sunggu mŭnŭ, baji TUHAN dŭh re ko, ka re babŭ pakat tangan-I re ngukum daya-I.

ISAIAH 7:8

Mani? Sabab Syria dŭh bake dŭ so Damascus adi sindŭ kupo-i, ka Damascus dŭh bake dŭ so Raja Rezin. Jeja ka Israel, darŭm nŭm puru rimŭh sawa adi re, ayŭh re rubuh ndŭg ka dŭh dapŭd pari jadi ndi bangsa.

JEREMIAH 10:10

Pak Kaam, TUHAN, inŭh Tapa adi sawŭ, Kaam inŭh Tapa adi udip ka raja adi tan adu adu. Kan Kaam baji, ong bigagar; bangsa bangsa dŭh tan nura baji Mai.

JEREMIAH 14:17

TUHAN pesan aku bada kidaan di daya pasar pinyusah ku. Aku patut nang: “Isa-i randang batŭh ku pripasog ruah sandu ngga singarŭm, isa-i aku dŭh ko muās, amai daya ku mbŭh biragan ka mbŭh bana sangsara.

JEREMIAH 30:17

Aku re bada angān pari bua; Aku re pibua tawan ngan, sunggu angān nang, ‘Zion mbŭh dog taran; mating daya piduri ayŭh.’ Aku, adi TUHAN, mbŭh minyu.”

JEREMIAH 4:24

Aku tingga darŭd, sopŭrŭg-i bigagar, ka sandah sandah biguyut.

JEREMIAH 48:38

Di tibung sopŭrŭg ramin di Moab ka di sopŭrŭg pakan taŭn mbŭh yŭn daya ngurid adŭ, sabab Aku mbŭh pirandŭk Moab mun tipayan adi dŭh daya raan.

PUĀS 2:13

O Jerusalem, kupo adi dog rindu, ani bisa ku nang? Aku dŭh dapŭd nyaduh kuu. Gi-bŭn daya sangsara mun kuu. Pinyirusag mu raru bayah mun rawŭt; mating pingarap mu tia.

EZEKIEL 34:16

“Aku re jiroh ngara adi manyap, taban pari ngara adi miriseu, marut ngara adi tawan, pibua ngara adi mandam; pak ngara adi gamu buang bake Aku re pirabur, sabab Aku ati pingingat-biri adi ndai kayuh adi batur.

HOSEA 6:1

Daya Israel nang, “Ja pari ka TUHAN! Ayŭh kinaman ata, pak Ayŭh tatu re pibua ata; Ayŭh bada ata tawan, pak Ayŭh tatu re marut tawan ta.

AMOS 8:8

Ngapŭi tana re bigugoh, ka barang naan daya di tarun tana anŭ re muās. Ndi tarun tarun tana rais re bigugoh; tana re mūn maad mun Yang Nile.

HABAKKUK 3:10

Kan darŭd darŭd kiris Kaam, ngara kimŭtŭr; ujen rabu so rangit. Piin di ribo tana magā, ka girumbang-i raru bigatung.

MATTHEW 27:51

Komŭnŭ banang tabir adi di darŭm Ramin Tuhan tiratak nyinuwŭh so sambu ndŭg sagān-i. Tana bigugoh, batuh batuh butah,