MAZMUR 56:7 - Hakcipta - Biatah Bidayuh

⁷ Ngukum ngara, O Tapa, amai arap ngara; ngarah ngara darŭm baji Mai!

MAZMUR 56:7 ပူးပေါင်းရင်းမြစ်များ

MAZMUR 55:23

Pak Kaam, O Tapa, re taban pinyiŭ ngga daya pingadong anŭ ka darŭm kubur ngara sibayuh ngara ndŭg rapŭt umbur. Ka aku ati, aku re sabah di Kaam.

HABAKKUK 1:13

Pak simuki Kaam tan kiris daya adi arap buang ginaka mun ngara? Batŭh Mai raru kudus re tingga kayuh adi arap, ka Kaam dŭh tan kiris daya ndai sarah. Ka mani meh Kaam pajam kan ngara bada daya adi rabis tŭnggŭn so adŭp ngara sangsara?

JEREMIAH 10:25

Taran baji Mai di bangsa bangsa adi dŭh nyambah Kaam ka di tunduh daya adi tirawan Kaam. Ngara mbŭh siŭ daya Mai; ngara mbŭh bandar bandar pirabur kieh ka bada rais ami jadi tibawang.

JEREMIAH 7:10

Angān ndai kayuh kayuh anŭ adi Aku tiru, ka komŭnŭ angān mandŭg ka mijog di sirung jawin Ku, darŭm Ramin Ku, ka nang, ‘Kieh siramat!’

ISAIAH 28:15

Angān ngangŭn adŭp ngan mbŭh ndai simanya ngga pinyikabŭs ka ndai janji ngga ong daya adi mbŭh kabŭs. Angān nang adŭp ngan tatu re dŭh dog nyatŭk pinyusah kan-i mandŭg, sabab angān bisangan di pinganang kadong ngga tipu ngga nyiramat adŭp ngan.

EKLISIASTIS 8:8

Mating daya dapŭd bitan puan kah ngana andu adi ngga-i kabŭs. Pinyikabŭs inŭh keya ka perang adi ata dŭh tungang mangān, bait-i ata pakai tadŭ mun akar puan kah tipu.

MAZMUR 55:15

Isa-i bara pinganyu ku kabŭs diŭ so tipuh-i; isa-i ngara gibabŭ udip darŭm ngara mūn ka sibayan. Ramin arŭn ngara ngga atin ngara inŭh puno ngga arap.

MAZMUR 55:9

Bada riruk pinganang pinganyu ku, O TUHAN! Aku kiris pinyiganas ka pito darŭm kupo,

MAZMUR 36:12

Tingga tarun yŭn daya adi arap mbŭh rabu. Diginŭ ngara guring, ka dŭh dapŭd makat.

MAZMUR 37:32

Daya adi ginaka nyibatŭh daya adi kana ka suba an siŭ ngara;

MAZMUR 49:6

ka ngara adi sabah di pinyikaya ngara ka mingangŭn di buat-rata bās ngara.

MAZMUR 59:4

dŭh sabab aku mbŭh sarah, O TUHAN, adi bada ngara bigaut di natang aku.