MAZMUR 51:14 - Hakcipta - Biatah Bidayuh

¹⁴ Dŭhnyah bada aku kabŭs, O Tapa, ka nyiramat aku, ka aku re ngga atin gaŭn piagah pinŭnggŭn Mai.

MAZMUR 51:14 ပူးပေါင်းရင်းမြစ်များ

TIBIRIK 42:22

Reuben nang, “Aku ko kidaan di angān nang dŭhnyah ida ida ngga ayŭh, pak angān dŭh dingah kayuh nang ku. Jadi madin ata mbŭh trima baras pinyikabŭs-i.”

TIBIRIK 9:6

Manusia dog napa nunda gayŭn Tapa, ngapŭi asi asi adi siŭ tadŭ tadŭ so ngara re dog siŭ daya bŭkŭn.

2 SAMUEL 12:9

Mani kuu dŭh dingah pinganang Ku? Mani kuu ndai kayuh arap adi mun anŭ? Kuu bada Uriah dog siŭ darŭm perang; kuu bada daya Ammon siŭ ayŭh, ka komŭnŭ kuu tambit sawŭn-i!

2 SAMUEL 21:1

Di jaman pinyipritah David agi apag adi bisā sitŭkŭd taruh sawa. Jadi David siken TUHAN pasar anŭ, ka TUHAN nang, “Saul ngga rawang-i mbŭh sarah amai ko siŭ daya; ayŭh nggen ukum kabŭs di daya Gibeon.”

2 SAMUEL 3:28

Kan David dingah har anŭ, ayŭh nang, “TUHAN puan nang rayat ku ngga aku dŭh sarah di pinyikabŭs Abner adi dog siŭ daya.

EZRA 9:13

Sunggu ripas barang masam kayuh adi mbŭh nyatŭk kieh ngga ngukum kieh amai dosa ngga sarah ami, kieh puan Kaam, adi Tapa ami, mbŭh ngukum kieh kurang so adi patut kieh trima ka mbŭh nyibandar kieh babŭ udip.

NEHEMIAH 9:33

Dŭh inŭh sarah Kaam ngukum kieh; Kaam tŭtŭd ngga kieh, sunggu kieh mbŭh bidosa.

MAZMUR 25:5

Ngajar aku udip nanyam ka pinyiraan Mai, amai Kaam inŭh Tapa ku, adi nyiramat aku. Aku siraru sabah di Kaam.

MAZMUR 26:9

Dŭhnyah pirabur aku ngga daya bidosa; kadi aku so nasip daya pinyiŭ —

MAZMUR 35:28

Komŭnŭ aku re piagah pinŭnggŭn Mai, ka aku re ndi andu andu muji Kaam.

MAZMUR 38:22

Turung aku madin, O TUHAN adi pinyikudip ku!

MAZMUR 55:23

Pak Kaam, O Tapa, re taban pinyiŭ ngga daya pingadong anŭ ka darŭm kubur ngara sibayuh ngara ndŭg rapŭt umbur. Ka aku ati, aku re sabah di Kaam.

MAZMUR 68:20

Tapa ta inŭh Tapa adi nyiramat; Ayŭh inŭh TUHAN, adi pirupas ata so pinyikabŭs.

MAZMUR 88:1

TUHAN Tapa, adi pinyikudip ku, aku bagan ndi andu andu, ka singarŭm aku mandŭg ka sirung jawin Mai.

ISAIAH 12:2

Tapa inŭh pinyikudip ku; aku re sabah di Ayŭh ka dŭh re taru. TUHAN nggen di aku kuasa ngga pinyibake; Ayŭh inŭh pinyikudip ku.

ISAIAH 45:17

Pak Israel dog nyiramat TUHAN, ka pimanang-i tan adu adu; daya-I re dŭh dog pimangŭh.’ ”

EZEKIEL 33:8

Kambŭi Aku nggen puan nang daya adi arap re kabŭs pak kuu dŭh bakan ayŭh bada ngubah aran pimudip-i isa ayŭh dapŭd nyiramat adŭp-i, ka ayŭh kabŭs gibabŭ daya bidosa, Aku re bada kuu dapu tanggong di pinyikabŭs-i.

DANIEL 9:16

Kaam ngibān kieh di jaman adi mbŭh, ka dŭhsah baji di Jerusalem tia. Anŭ inŭh kupo Mai, sandah kudus Mai. Sopŭrŭg daya di rais rais adi sindŭk ngamun Jerusalem samun daya Mai sabab dosa ami ngga arap adi tayung-babuk ami mbŭh ndai.

DANIEL 9:7

Kaam, TUHAN, ari ndai kayuh adi batur, pak kieh mbŭh ari nggen mangŭh di adŭp ami. Kayuh ati inŭh sawŭ pasar sopŭrŭg ami adi rŭŭ di Judea ngga di Jerusalem, simŭnŭ gŭh pasar bara daya Israel adi Kaam mbŭh bada papar sasah di barang yŭn di rais rais adi sindŭk ngga adi jo sabab ngara dŭh tŭtŭd di Kaam.

HOSEA 4:2

Ngara ndai janji ka miranggar-i; ngara kadong, siŭ daya, naku, ka bikandak. Sarah adi barang ka mun-i bitambah, ka birijut adŭ daya dog siŭ.

HABAKKUK 3:18

aku babŭ gŭh re gaŭn ka sanang asŭng, sabab TUHAN Tapa inŭh pinyikudip ku.

PINGANDAI 18:6

Kan ngara natang ayŭh buang nang kayuh arap pasar ayŭh, ayŭh ngambar kadi dabu so piraka-i ngga matah ka nang di ngara, “Kambŭi angān manyap, adŭp ngan tanggong adŭp ngan! Aku dŭh re tanggong. So madin aku re di ka daya adi dŭh bangsa Jahudi.”

PINGANDAI 20:26

Jadi aku nakit kidaan di angān andu ati: kambŭi agi so angān manyap, dŭh aku dapu tanggong.

ROME 10:3

Ngara gibayuh puan munki gaya Tapa bada daya bamai ngga adŭp-I, pak gŭt-i ngara mbŭh pakai aran adi adŭp ngara ndai; ka mbŭh dŭh na adŭp ngara ka darŭm aran anŭ adi ngga Tapa bada daya bamai.