MAZMUR 51:12 - Hakcipta - Biatah Bidayuh

¹² Nggen di aku dinge pinyigaŭn adi mandŭg so pinyiramat Mai, ka bada aku raan tunda pinganang Mai.

MAZMUR 51:12 ပူးပေါင်းရင်းမြစ်များ

MAZMUR 119:133

Nanyam ka janji Mai, dŭhnyah bada aku rabu; dŭhnyah bada arap nguasa aku.

MAZMUR 13:5

Aku bisangan di pinyirindu Mai adi dŭh bisa birubah; Aku re gaŭn, sabab Kaam re nyiramat aku.

MAZMUR 17:5

Aku mbŭh ari udip nanyam ka pinyiraan Mai ka bŭn aku miriseu.

MAZMUR 19:13

Bada aku siramat so dosa adi saji dog ndai gŭh; dŭhnyah bada-i nguasa aku. Komŭnŭ aku re sukup kana jo so arap dosa.

MAZMUR 21:1

Raja munos asŭng, O TUHAN, sabab Kaam mbŭh nggen pinyibake di ayŭh; ayŭh gaŭn sabab Kaam mbŭh nggen di ayŭh pimanang.

MAZMUR 24:4

Ngara adi bisig darŭm pingandai ngga pikir-kira, adi dŭh nyambah tibudo bait adi dŭh ndai janji kadong.

MAZMUR 35:9

Komŭnŭ aku re gaŭn sabab TUHAN; aku re gaŭn sabab TUHAN nyiramat aku.

ISAIAH 41:10

Dŭhnyah taru — Aku agi ngga angān! Aku ati Tapa ngan — dŭhnyah bada ani ani pitaru angān! Aku re bada angān bake ka turung angān; Aku re grindung angān ka nyiramat angān.

ISAIAH 49:13

Biragu meh, rangit! Nyirais amai gaŭn, ong! Isa darŭd darŭd biragu ngga gaŭn! TUHAN re nyaduh daya-I; Ayŭh re masi di daya-I adi sangsara.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

JEREMIAH 10:23

TUHAN, aku puan mating daya bikuasa di tunduh pimudip adŭp-i; mating daya dapŭd nguasa aran pimudip adŭp-i.

LUKE 1:47

simangi ku gaŭn sabab Tapa adi Pinyikudip ku,

ROME 14:4

Asi meh kuu adi an nyarah daya-gaji adi daya bŭkŭn dapu? Adŭp Tuan ngara inŭh adi bisa natu batur bait dŭh pingandai ngara, ka Tuhan inŭh adi bada ngara ndai kayuh adi batur.

ROME 8:15

Amai Roh adi Tapa nggen di angān dŭh-I bada angān jadi urun ka bada angān taru; Roh Kudus bada angān jadi bara anak Tapa kidŭ-i, ka sabab Roh Kudus ata bagan Tapa, “Sama! Sama ku!”

2 CORINTH 3:17

“Tuhan” adi dog nyabŭt di ayat ati inŭh Roh; asi asi adi biyŭn Roh Tuhan, ayŭh anŭ mbŭh dog pirupas.

1 PETER 1:5

Berkat anŭ mbŭh yŭn ngan, angān adi so ka pinyabah mbŭh pagŭng dog jaga Tapa ngga kuasa-I yŭn pinyiramat anŭ adi mbŭh dog sidia re dog pinandŭng di andu sikasŭn.

JUDE 1:24

Jugan puji ka Tapa adi Pinyikudip ta sabab Tuhan ta Jesus Kristus! Tapa sadi adŭ adi tungang kingat angān isa angān dŭh rabu, ka bada angān bisig ka gaŭn di sirung jawin bragah-I. So jah diŭ so sopŭrŭg kayuh jadi, madin ka ndŭg situi tui, ka Tapa inŭh bragah, stabi, bisa-pŭrŭg, ngga kuasa. Amen