MAZMUR 50:7 - Hakcipta - Biatah Bidayuh

⁷ “Dingah, daya Ku, ka Aku re minyu; Aku re nyarah kuu, Israel. Aku ati Tapa, adi Tapa ngan.

MAZMUR 50:7 ပူးပေါင်းရင်းမြစ်များ

1 RAJA 18:39

Kan bara daya kiris kayuh anŭ, ngara mŭŭb di tana ka nang, “TUHAN inŭh Tapa; TUHAN sadi adŭ Tapa!”

2 RAJA 17:13

TUHAN mbŭh pait bara pinyisung-I ngga bara nabi bada bakan Israel ngga Judah: “Dŭh tia udip ginaka pak tunda pesan Ku, adi agi darŭm Ukum-adat adi Aku muko nggen di tayung-babuk ngan ka adi Aku mbŭh nggen di angān so urun urun Ku adi bara nabi.”

2 KRONIKEL 28:5

Sabab Raja Ahaz bidosa, TUHAN adi Tapa-i tandah raja Syria ngarah ayŭh ka taban raru bagŭ daya Judah jadi daya-takap ka Damascus. TUHAN gŭh tandah Pekah raja Israel, anak Remaliah, ngarah Ahaz ka siŭ 120,000 naan soldadu daya Judah adi siabo pagan darŭm ndi andu. TUHAN adi Tapa tayung-babuk ngara, nyibandar kayuh anŭ jadi simŭnŭ, sabab daya Judah mbŭh tagan Ayŭh.

MAZMUR 49:1

Dingah ati, sopŭrŭg daya! Nyiringa, sopŭrŭg daya di barang yŭn,

MAZMUR 81:8

Dingah, daya Ku, di pinyibakan Ku; Israel, mbŭh raru kana-i kambŭi angān an dingah pinganang Ku!

MAZMUR 81:9

Angān dŭh siŭn nyambah tapa adi bŭkŭn.

PINYIRUAH 20:2

“Aku ati TUHAN adi Tapa ngan adi taban angān ruah so Egypt, adi yŭn ngan ko jadi urun.

ISAIAH 1:18

TUHAN nang, “Ja, ngatur har ati. Angān mbŭh bitameg bireh bada dosa, pak Aku re ngu angān bada bisig mun salju. Sunggu kais ngan takod bireh, angān re buda mun buruh biri.

JEREMIAH 2:9

“Ngapŭi Aku re taban angān ngga bisara ka nyarah angān. Aku re nyarah gŭh bara sesang ngan.

EZEKIEL 20:5

Kidaan di ngara kayuh adi Aku nang. Kan Aku mien Israel, Aku bijanji ngga ngara. Aku pinandŭng adŭp Ku di ngara di Egypt ka kidaan di ngara: Aku ati TUHAN adi Tapa ngan.

EZEKIEL 20:7

Aku kidaan di ngara bada taran tibudo tibudo adi sipŭ anŭ adi ngara rindu ka dŭh kinais adŭp ngara ngga tapa tapa-kadong daya Egypt, sabab Aku ati TUHAN adi Tapa ngara.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”