MAZMUR 43:2 - Hakcipta - Biatah Bidayuh

² Kaam inŭh pinyigrindung ku; mani Kaam mbŭh tagan aku? Mani aku dŭh siŭn dŭh babŭ sangsara bada gaok pinganyu ku?

MAZMUR 43:2 ပူးပေါင်းရင်းမြစ်များ

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

MAZMUR 140:7

TUHAN adi Raja ku, pingibān ku adi bake, Kaam grindung aku di tika biperang.

MAZMUR 28:7

TUHAN grindung ka ngibān aku; aku sabah di Ayŭh. Ayŭh turung aku ka bada aku gaŭn; aku muji Ayŭh ngga ragu gaŭn.

MAZMUR 31:4

Bada aku siramat so jarat adi mbŭh dog tŭŭn ngga nakap ku; grindung aku so pinyusah.

MAZMUR 42:10

Aku mbŭh sangsara bada pinganang ngamun ngara, darŭm ngara dŭh ko ko siken aku, “Diki Tapa mu?”

MAZMUR 42:9

Di Tapa, adi pingibān ku, aku nang, “Mani Kaam kambŭt aku? Mani aku dŭh siŭn dŭh babŭ sangsara bada gaok pinganyu ku?”

MAZMUR 44:9

Pak madin Kaam mbŭh tirawan kieh ka tandah kieh dog ngarah; Kaam mbŭh dŭh tia ruah baris ngga bara soldadu ami.

MAZMUR 71:9

Dŭhnyah tirawan aku amai aku mbŭh minyamba madin; dŭhnyah tagan aku amai aku mbŭh ramah madin.

MAZMUR 77:7

“Re siraru kah Tapa tirawan ata? Re dŭh tia kah Tapa munos asŭng di ata?

MAZMUR 88:15

So aku gi-sŭ, aku sangsara ka mbŭh sindŭk re kabŭs; aku mbŭh rarah so jera ukum Mai.

MAZMUR 94:14

TUHAN dŭh re tagan daya-I; Ayŭh dŭh re tingge ngara adi Ayŭh dapu.

PINYIRUAH 15:2

TUHAN inŭh pingibān ku adi tagap; Ayŭh inŭh sianŭ adi mbŭh nyiramat aku. Ayŭh inŭh Tapa ku, ka aku re kibās Ayŭh, Tapa sama ku, ka aku re biragu kibās Ayŭh.

ISAIAH 40:31

Pak ngara adi sabah di TUHAN yŭn pinurung re dapŭd pinyibake ngara dog pibauh. Ngara re mun beuh mikabur ngga pinyibake urad-i. Ngara re bikaduh ka dŭh re rarah; ngara re panu ka dŭh re kawŭk.

ISAIAH 45:24

“Ngara re nang kaŭs-i so Aku adŭ pimanang ngga pinyibake bisa dog dapŭd; pak sopŭrŭg adi tiru di Aku re mangŭh.

ZECHARIAH 10:12

Aku re bada daya Ku bake; ngara re nyambah ka nundok di Aku.” TUHAN mbŭh minyu.

EPHESUS 6:10

Sikasŭn-i, nagap adŭp ngan udip ndi ngga Tuhan ngga kuasa bās-I.

PHILIPPI 4:13

Aku biyŭn pinyibake so kuasa adi Kristus mbŭh nggen di aku ngga nura sopŭrŭg kayuh.