MAZMUR 41:9 - Hakcipta - Biatah Bidayuh

⁹ Ndŭg ka jerā ku adi ruai aku sabah, sianŭ adi ndi tubi kudos ngga aku, mbŭh rawan aku.

MAZMUR 41:9 ပူးပေါင်းရင်းမြစ်များ

2 SAMUEL 15:12

Ka sitadŭn Absalom jugan sadis, ayŭh pait daya ka kupo Gilo bada bagan Ahithophel, ndi naan daya adi tukang pitayan yŭn Raja David. Pekat rawan raja mbŭh jadi rabis bake, ka bara pinunda Absalom mbŭh bitambah bagŭ.

JOB 19:13

Tapa mbŭh bada rawang ku tagan aku; aku daya saruh di ngara adi puan aku;

JOB 19:19

Bara jerā ku sidōt di aku; ngara adi aku siabo rindu mbŭh tingge aku.

MAZMUR 101:3

ka dŭh re nurut arap. Aku tiru urah ngara adi bu so Tapa; Aku dŭh re bigaur ngga ngara.

JEREMIAH 20:10

Aku dingah barang naan daya sigayas, “Pinyitaru mbŭh di barang yŭn! Ja di ripot ayŭh di ngara adi bikuasa!” Ndŭg ka bara jerā ku kajŭn pinyirabu ku. “Kadŭ ayŭh dapŭd dog ngarah pakai aran tipu,” ngara nang; “ka ata dapŭd nakap ayŭh ka maras dendam.”

OBADIAH 1:7

Pambit ngan mbŭh nipu angān; ngara mbŭh pibu angān so rais ngan. Daya adi ko bidamai ngga angān mbŭh nyerang angān madin. Bara jerā ngan adi ko samah man ngga angān mbŭh tŭŭn jarat ngga nakap angān; ngara nang pasar angān, ‘Diki meh sopŭrŭg pinyipitar ngara?’

MICAH 7:5

Dŭhnyah sabah rasū ngan bait bisangan di jerā ngan. Nakit kan angān minyu, bait-i di sawŭn ngan.

MATTHEW 26:23

Jesus nam, “Sianŭ adi njug ruti-i di pinggen ngga Aku inŭh adi re jua Aku.

JOHN 13:18

“Dŭh-i pasar sopŭrŭg ngan Aku nang sakanŭ tejah. Aku puan daya adi Aku ko mien. Pak pinganang Surat-kudus dŭh siŭn dŭh an jadi bitŭtŭk, adi nang, ‘Daya adi samah man pinguman Ku mbŭh makat rawan Aku.’

DITRONOMI 32:15

“Daya TUHAN jadi kaya, pak raru an birawan; ngara gamu ka badŭg ngga pinguman. ngara tagan Tapa adi Pinapa ngara, ka tirawan pinyikudip ngara adi bikuasa.