MAZMUR 4:7 - Hakcipta - Biatah Bidayuh

⁷ Pak pinyigaŭn adi nggen Mai di aku rabis dŭ so adi re ngara biyŭn samŭn gandom ngga wain.

MAZMUR 4:7 ပူးပေါင်းရင်းမြစ်များ

MAZMUR 31:17

Aku bagan Kaam, TUHAN; dŭhnyah bada aku dog pimangŭh. Isa-i bara adi ginaka dog pimangŭh; isa-i ngara pajam mūn ka sibayan.

MAZMUR 37:4

Jiroh udip sanang ngan di TUHAN, ka Ayŭh re nggen di angān pinyiraan atin ngan.

MAZMUR 43:4

Komŭnŭ aku re di ka mija-sambah Mai, O Tapa; Kaam inŭh atak udip sanang ku. Aku re mambak kachapi ku ka nang ragu puji ka Kaam. O Tapa, Tapa ku.

MAZMUR 67:2

isa sopŭrŭg daya di ong puan pinyiraan Mai; isa barang bangsa puan pinyiramat Mai.

MAZMUR 80:4

Ndŭg sinde, Tapa Bisa-pŭrŭg, Kaam re baji ngga dua daya Mai?

MAZMUR 92:4

Pingandai bās Mai, O TUHAN, bada aku gaŭn; sabab kayuh adi Kaam mbŭh ndai, aku biragu amai gaŭn.

RAGU 1:4

Taban aku, ka ata duwŭh bikaduh bu; jadi raja ku ka taban aku ka birit mu. Ata re gaŭn udip samah, kubo nok, ka ata rŭ rŭ darŭm pinyiawang. Patut inŭh meh sopŭrŭg dayung awang kuu!

ISAIAH 9:3

Kaam mbŭh nggen di ngara pinyigaŭn adi bās, TUHAN; Kaam mbŭh bada ngara sanang. Ngara pawŭn angan kayuh adi Kaam mbŭh ndai, mun daya pawŭn kan ngara mbŭh ngatŭm gandom ngara puan kah kan ngara kutung pinyikaya adi ngara mbŭh sirapas.

JEREMIAH 48:33

Pinyigaŭn ngga pawŭn mbŭh miyap so tarun tana damŭn Moab. Aku mbŭh bada wain ko ruah so tarun yŭn daya mŭ anggor; mating tia daya tukang ndai wain ka nyirais ngga gaŭn.

PINYIKIANG 6:25

Isa-i TUHAN mandis ka masi di angān;

PINGANDAI 14:17

Pak Ayŭh mbŭh siraru kiren adŭp-I sawŭ agi so ka kraja kana adi-I ndai: mun nggen ujen so rangit ka buwa buwa di tika jajak di angān; Ayŭh nggen di angān pinguman ka bada atin ngan gaŭn.”

1 PETER 1:8

Angān rindu Ayŭh, sunggu angān bŭn kiris Ayŭh; angān sabah di Ayŭh, sunggu tong-i angān dŭh kiris Ayŭh. Jadi angān gaŭn ngga pinyigaŭn adi rabis so tungang manusia kira

AKIM 9:27

Sopŭrŭg ngara di ka teya anggor ngara ka ngatŭm buwa anggor, ndai wain ngga ju anggor, ka ngara kuka gawai. Ngara di ka bari-sambah tapa ngara, di yŭn ngara man nok ka ndai tapat di tunduh Abimelech.