MAZMUR 39:6 - Hakcipta - Biatah Bidayuh

⁶ mating rabis-i so singangi. Sopŭrŭg kayuh ndai ngara inŭh yŭn au-tarun; ngara nguruk buat-rata, pak dŭh puan asi re dapu-i.

MAZMUR 39:6 ပူးပေါင်းရင်းမြစ်များ

JOB 14:1

Ata dog biranak ramah ka dŭh bigaya. Sopŭrŭg kinyam pimudip purok ka adi susah.

JOB 7:16

Aku mbŭh reju; aku mbŭh kawŭk udip. Tandah aku sadi. Pimudip ku mbŭh dŭh tia biyŭn rati.

JOB 7:7

Ingat, O Tapa, udip ku inŭh abus asŭng adŭ; pinyigaŭn ku mbŭh mungan.

MAZMUR 127:2

Dŭh-i biguna nŭŭh nyiraja ngga nyiran adŭp nŭh, makat awar ka bŭŭs rambat. Amai TUHAN inŭh adi nggen di ngara adi-I rindu, di tika ngara bŭŭs.

MAZMUR 144:4

Ngara mbŭh keya ka abus sabak; tipuh ngara keya ka singangi.

MAZMUR 89:48

Asi bisa udip ka dŭh kabŭs? Simuki manusia re bisa pijo adŭp-i so rubang kubur?

PITAS 13:22

Daya kana re biyŭn buat-rata an-i tingge di bara anak-i, pak buat-rata daya bidosa re di ka tangan daya tŭnggŭn.

PITAS 23:5

Duit mu bisa miyap ngga ndi kidap batŭh, mun kah duit anŭ biyŭn urad ka mikabur bu mun beuh.

PITAS 27:24

sabab pinyikaya dŭh tan tui. Sirabi ka bangsa dŭh gŭh re tan adu adu.

EKLISIASTIS 1:14

Aku mbŭh kiris bagŭ pingandai daya di ong, ka aku nang, sopŭrŭg-i dŭh biguna. Anŭ mbŭh keya ka tadak sabak.

EKLISIASTIS 11:10

Dŭhnyah tandah daya nyusah angān puan kah kandam angān. Angān dŭh re tui mara.

EKLISIASTIS 12:13

Pungus-i, ndi adŭ kayuh an nŭŭh nang: stabi di Tapa, ka tunda pinyipesan-I, amai yŭn anŭ inŭh manusia dog napa.

EKLISIASTIS 12:8

Sopŭrŭg anŭ dŭh biyŭn rati, nang Philosopha. Manŭn dŭh biyŭn rati.

EKLISIASTIS 2:26

Tapa nggen pinyibijak, pinyipuan, ka pinyanang di ngara adi pimunos asŭng-I, pak Ayŭh bada daya bidosa nyiraja, trima gaji ngara ka nyikŭn duit, isa kayuh adi ngara dapŭd bisa dog nggen di ngara adi pimunos asŭng-I. Sopŭrŭg-i dŭh biyŭn rati, keya ka tadak sabak.

EKLISIASTIS 2:8

Aku nguruk pirak ngga mas so pinyirikŭn rais adi darŭm kuasa ku. Dari ngga dayung agi tukang biragu yŭn ku, ka sopŭrŭg dari bait dayung adi aku biguna, sadi agi.

EKLISIASTIS 5:14

ka komŭnŭ kinanyap sopŭrŭg-i darŭm kraja pingandai ngga nasip arap, ndŭg ka mating dŭm re-i nggen di anak-i.

ISAIAH 55:2

Mani miris kayuh adi dŭh pimunos asŭng? Mani nyiraja yŭn kayuh adi dŭh bada nŭŭh bisoh? Dingah Aku ka ndai kayuh adi Aku bada, ka angān re munos man pinguman adi siabo sidi.

LUKE 12:26

Kambŭi angān dŭh gŭh tungang ngatur kayuh adi siit, mani sah gapang pasar kayuh adi bŭkŭn?

LUKE 12:29

“Dŭhnyah meh nyusah adŭp ngan, marar bipikir pasar kayuh adi re ngan man puan kah kayuh adi re ngan nok.

1 CORINTH 7:31

ngara adi bidagang kayuh, re mun adi dŭh batur bidagang. Amai ong ati, mun adi madin tong-i, dŭh re tan tui.

JAMES 4:14

Angān dŭh re puan munki pimudip ngan sipagi! Angān mbŭh keya ka asuh, adi tatŭng nyitiro ka komŭnŭ mating.

JAMES 5:3

Mas pirak ngan mbŭh bitagar, ka tagar anŭ re jadi saksi rawan angān ka re man isin ngan mun apui. Angān mbŭh nguruk pinyikaya di sikasŭn tipuh ati.

1 PETER 1:24

Sak adi nang Surat-kudus, “Sopŭrŭg manusia agi keya ka kupai, ka sopŭrŭg bragah-i agi keya ka rarak bunga tarun. Kupai rayu, ka rarak-i ruruh,

1 PETER 5:7

Pasan sopŭrŭg pinyusah ngan di Ayŭh, sabab Ayŭh kingat angān.