11 Bara dingan ngga rasū ku dŭh re nyindŭk aku, sabab gadag ku; ndŭg ka rawang ku pijo adŭp-i so aku.
Tibaran daya arap agi maning aku; keya ka kaban kasong ngara nyindŭk aku; ngara nyirigat tangan ngga kaja ku.
Sopŭrŭg pinganyu ku, ka rabis-i bara rasū ku, mbŭh ngamun aku; ngara adi puan aku mbŭh taru di aku; kan ngara kiris aku di aran, ngara bikaduh bu.
Kaam mbŭh bada ndŭg ka jerā rapat ku tagan aku, ka karŭm sadi adŭ jerā ku.
“Pak ayŭh sibatur-i sangsara yŭn ata, andam adi ata patut kinyam. Tian-ti ata pikir sangsara-i ukum so Tapa.
Ayŭh dog nakap ka dog bisara ka dog taban yŭn dog siŭ, ka mating daya piduri nasip-i. Ayŭh dog nggen ukum kabŭs amai dosa bangsa ta.
Pak sopŭrŭg ati mbŭh jadi siŭn kayuh adi bara nabi ko nuris di Surat-kudus jadi bitŭtŭk.” Komŭnŭ sopŭrŭg murid babak bu, tingge Ayŭh.
Ngara nakap Jesus ka taban Ayŭh bu ka ramin Imam Bās; Peter tunda so jo.
Sopŭrŭg dingan Jesus, samŭn bara dayung adi tunda Ayŭh so Galilee, mijog so jo ka kiris sopŭrŭg kayuh anŭ.
Tipuh-i re mandŭg, ka mbŭh mandŭg, kan sopŭrŭg ngan re pambar, barang naan ka ramin adŭp-i, tingge Aku sadi. Pak Aku sawŭ dŭh sadi, sabab Sama agi ngga Aku.