MAZMUR 27:6 - Hakcipta - Biatah Bidayuh

⁶ Jadi aku re manang ngarah bara pinganyu ku adi kirurung aku. Ngga sirais gaŭn aku re jugan sadis di Ramin-I; aku re biragu, aku re muji TUHAN.

MAZMUR 27:6 ပူးပေါင်းရင်းမြစ်များ

TIBIRIK 40:13

Dŭm taruh andu so madin, raja re piruah kuu, re apun kuu ka re bada kuu pari ndai kraja mu. Kuu re nggen saker di ayŭh nimun dawŭ-i kuu jadi pingidang wain-i.

TIBIRIK 40:20

Di andu pinyibranak-i taruh andu ripas anŭ raja ndai gawai ka bagan sopŭrŭg pinurung-i; ayŭh piruah so ramin jer pingidang wain-i ngga pingubak tukang ndai ruti-i ka taban ngara ka sirung jawin bara pinurung-i.

2 SAMUEL 22:1

Ripas TUHAN nyiramat David so bara pinganyu-i, David nang ragu ati ka TUHAN:

2 SAMUEL 22:49

ka nyiramat aku so pinganyu ku. O TUHAN, Kaam nggen di aku pimanang ngarah pinganyu ku, ka grindung aku so daya adi ganas.

2 SAMUEL 7:9

Aku agi ngga kuu di barang ka yŭn mu mbŭh di, ka Aku muko ngarah sopŭrŭg pinganyu mu di barang saba kuu nyurong di nyerang. Aku re bada kuu timagah mun pinguru pinguru adi bās di ong.

2 RAJA 25:27

Di sawa adi ngga-i jadi raja Babylonia, Evilmerodach mandis ngga Jehoiachin adi raja Judah ka pirupas ayŭh so ramin jer. Kayuh anŭ jadi di andu adi 27 darŭm buran simŭng duwŭh di sawa adi 37 ripas Jehoiachin mbŭh dog taban ngga bu jadi daya-takap.

1 KRONIKEL 22:18

Ayŭh nang, “TUHAN adi Tapa mu agi ngga kuu ka mbŭh nggen di kuu damai di ndi tarun tana rais mu. Ayŭh muko bada aku ngarah sopŭrŭg daya adi muko dawŭ-i rŭŭ di tarun tana ati, ka ngara madin mbŭh nundok di kuu ka di TUHAN.

MAZMUR 107:22

Ngara dŭh siŭn dŭh nggen trima kaseh di Ayŭh ngga sadis, ka ngga ragu pinyigaŭn dŭh siŭn dŭh kidaan sopŭrŭg kayuh adi Ayŭh mbŭh ndai.

MAZMUR 110:7

Raja re nok so anak sungi di bŭngŭn aran, ka kan mbŭh bake, raja re manang.

MAZMUR 119:108

Kambat dua trima kaseh ku, O TUHAN, ka ngajar aku pesan Mai.

MAZMUR 138:5

Ngara re biragu pasar kayuh adi Kaam mbŭh ndai ka pasar bragah bās Mai.

MAZMUR 21:1

Raja munos asŭng, O TUHAN, sabab Kaam mbŭh nggen pinyibake di ayŭh; ayŭh gaŭn sabab Kaam mbŭh nggen di ayŭh pimanang.

MAZMUR 21:13

Kieh muji Kaam, O TUHAN, amai pinyibake bās Mai! Kieh re biragu ka muji kuasa Mai.

MAZMUR 3:3

Pak Kaam, O TUHAN, adi ari jadi pinangin ku so pinyusah; Kaam nggen pimanang di aku ka bada aku pagan dinge.

MAZMUR 3:4

Aku bagan, mite turung so TUHAN, ka so sandah kudus-I Ayŭh nam aku.

MAZMUR 47:1

Nupap tangan ngan amai gaŭn, sopŭrŭg bangsa! Muji Tapa ngga ragu adi bana!

MAZMUR 57:8

Makat, simangi ku! Makat, kachapi ngga gambus ku! Aku re kies batŭh andu.

MAZMUR 81:1

Nyirais amai gaŭn ka Tapa adi pingibān ta; nang ragu puji ka Tapa Jacob!

MAZMUR 95:1

Mandŭg, ja ata muji TUHAN! Ja ata biragu ngga gaŭn yŭn Tapa, adi grindung ata!

ISAIAH 12:6

Bada barang naan adi rŭŭ di Zion nyirais ka nyanyi! Tapa kudus Israel inŭh bās, ka Ayŭh rŭŭ di ruang daya-I.”

JEREMIAH 31:7

TUHAN nang, “Biragu ngga gaŭn yŭn Israel, bangsa adi siabo bās. Nang ragu puji ngan, ‘TUHAN mbŭh nyiramat daya-I; Ayŭh mbŭh nyiramat sopŭrŭg adi dŭm.’

JEREMIAH 33:11

sirais gaŭn ngga pawŭn ka jawŭn rami gawai banan sawan. Angān re dingah daya biragu darŭm ngara taban pinganggen trima kaseh ka Ramin Ku; ngara re nang, ‘Nggen trima kaseh di TUHAN Bisa-pŭrŭg, sabab Ayŭh kana ka pinyirindu-I tan adu adu.’ Aku re bada tarun tana ati mujur mun dawŭ-i. Aku, adi TUHAN, mbŭh minyu.”

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

HEBREW 13:15

Ja ata siraru jugan puji ka Tapa ndu sadis ta so ka Jesus, adi pinganggen so baba adi ngaku Ayŭh Tuhan.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.

PINANDŬNG 15:3

ka biragu ragu Moses, adi urun Tapa, ngga ragu Anak Biri: “Tuhan Tapa Bisa-pŭrŭg, munki masam bās ka grua inŭh pingandai Mai! Raja barang bangsa, munki masam batur ka sawŭ inŭh pingatur Mai!

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.