MAZMUR 27:14 - Hakcipta - Biatah Bidayuh

¹⁴ Sabah di TUHAN. Sabab meh, dŭhnyah jimŭ. Sabah di TUHAN.

MAZMUR 27:14 ပူးပေါင်းရင်းမြစ်များ

ISAIAH 40:31

Pak ngara adi sabah di TUHAN yŭn pinurung re dapŭd pinyibake ngara dog pibauh. Ngara re mun beuh mikabur ngga pinyibake urad-i. Ngara re bikaduh ka dŭh re rarah; ngara re panu ka dŭh re kawŭk.

MAZMUR 31:24

Jadi bake ka birani meh, sopŭrŭg ngan adi harap di TUHAN.

ISAIAH 30:18

Pak TUHAN taŭn-i kajŭn tika-I masi di angān. Ayŭh mbŭh sidia an masi di angān sabab Ayŭh taŭn ari ndai kayuh adi batur. Sanang inŭh ngara adi na pinyabah ngara di TUHAN.

MAZMUR 37:34

Na pingarap ngan di TUHAN ka tunda pinyipesan-I; Ayŭh re nggen di angān tarun tana ati ngga-I stabi di angān, ka angān re kiris daya adi ginaka dog pibu.

MAZMUR 130:5

Aku kajŭn pinurung so TUHAN, ka di pinganang-I aku sabah.

PHILIPPI 4:13

Aku biyŭn pinyibake so kuasa adi Kristus mbŭh nggen di aku ngga nura sopŭrŭg kayuh.

HABAKKUK 2:3

Nuris-i, sabab gibayuh tika-i jadi bitŭtŭk. Pak tika-i re rikas mandŭg, ka kayuh adi Aku kiren di kuu re sawŭ jadi. Mun adi sais, pak kajŭn adŭ; kayuh anŭ manŭn re jadi, ka dŭh-i re dog pirambat.

EPHESUS 6:10

Sikasŭn-i, nagap adŭp ngan udip ndi ngga Tuhan ngga kuasa bās-I.

MAZMUR 62:5

Aku bisangan di Tapa sadi; aku na pingarap ku di Ayŭh.

COLOSSAE 1:11

Isa-i angān dog nyibake ngga sopŭrŭg pinyibake adi mandŭg so bragah kuasa-I, isa angān tungang nyijŭn sopŭrŭg kayuh ngga atin sabar. Ka ngga atin gaŭn nggen trima kaseh di Sama, adi mbŭh bada angān tibirang kambat tung jangān utung adi-I mbŭh sidia yŭn daya-I darŭm pinyipritah jawa.

MAZMUR 138:3

Kaam nam aku kan aku bagan Kaam; ngga pinyibake Mai Kaam nyibake aku.

PITAS 20:22

Dŭhnyah kuu maras dendam. Sabah di TUHAN ka Ayŭh re turung kuu.

MAZMUR 33:20

Ata harap di TUHAN; Ayŭh inŭh adi grindung ka turung ata.

ROME 8:25

Pak kambŭi ata harap kayuh adi ata dŭh tungang kiris, ata kajŭn ngga atin sabar.

PUĀS 3:26

Ngapŭi raru kana inŭh ata kajŭn ngga atin tŭtŭd, ndŭg ka Ayŭh mbŭh nyiramat ata.

1 CORINTH 16:13

Bijaga meh, mijog tagap darŭm pinyabah, dŭhnyah taru pak bada adŭp ngan bake.

ISAIAH 25:9

Kan anŭ mbŭh jadi, barang naan re nang, “Ayŭh Tapa ta! Ata mbŭh na pinyabah ta di Ayŭh, ka Ayŭh mbŭh nyiramat ata. Ayŭh TUHAN! Ata mbŭh na pinyabah ta di Ayŭh, ka madin ata mbŭh gaŭn pawŭn sabab Ayŭh mbŭh nyiramat ata.”

MAZMUR 25:21

Isa-i pinyikana ku ngga atin jujur ku grindung aku, sabab aku sabah di Kaam.

MAZMUR 25:3

Ngara adi sabah di Kaam dŭh re arah, pak ngara adi rikas rawan Kaam inŭh.

TIBIRIK 49:18

“Aku kajŭn pinyirupas so Kaam, TUHAN.

LUKE 2:25

Di tika anŭ agi ndi naan daya dŭn Simeon rŭŭ di Jerusalem. Ayŭh daya adi kana, tŭnggŭn buang kajŭn Israel dog nyiramat. Roh Kudus agi ngga ayŭh

ISAIAH 8:17

TUHAN mbŭh sukan adŭp-I so daya-I, pak aku sabah di Ayŭh ka na pingarap ku di Ayŭh.

EPHESUS 3:16

Aku mite Tapa so kaya bragah-I nyibake simangi ngan ngga Roh-I,

MAZMUR 62:1

Aku kajŭn, ngga atin tŭtŭd, Tapa nyiramat aku; aku bisangan di Ayŭh sadi.

MAZMUR 40:1

Aku ngga atin tŭtŭd kajŭn TUHAN turung; komŭnŭ Ayŭh dingah aku ka dingah sirŭŭn ku.

ISAIAH 26:8

Kieh tunda pinyiraan Mai ka na pingarap ami di Kaam; Kaam sadi adŭ adi kieh rindu.

LUKE 2:38

Di jam anŭ ayŭh mandŭg ka nggen trima kaseh di Tapa, ka minyu pasar Anak anŭ di sopŭrŭg ngara adi kajŭn Tapa pirupas Jerusalem.

PINGANDAI 28:15

Daya adi sabah di Jesus di Rome agi dingah pasar kieh, ka mbŭh mandŭg ka Passar Appius samŭn ka ramin nupang adi dŭn Taruh Ramin Nupang an bidapŭd ngga kieh. Kan Paul kiris ngara, ayŭh nggen trima kaseh di Tapa amai kayuh adi mun anŭ taŭn-i ngatat ayŭh.

MAZMUR 37:7

Tŭtŭd ka kajŭn TUHAN ndai kraja-I; dŭhnyah susah pasar ngara adi mujur puan kah pasar ngara adi mujur di pusar arap ngara.