MAZMUR 26:11 - Hakcipta - Biatah Bidayuh

¹¹ Pak aku ati, aku ndai kayuh adi batur; masi di aku ka nyiramat aku!

MAZMUR 26:11 ပူးပေါင်းရင်းမြစ်များ

NEHEMIAH 13:14

Ingat, O Tapa ku, sopŭrŭg kayuh anŭ adi aku mbŭh ndai yŭn Ramin TUHAN ka yŭn bisambah diginŭ.

NEHEMIAH 13:22

Aku nggen ukum bada bara daya Levi pibisig adŭp ngara ka jaga tiban-bās isa andu Sabbath kudus. Ingat aku, O Tapa, yŭn ati ani, ka masi di aku amai pinyirindu bās Mai.

NEHEMIAH 13:31

Aku ngatur bada uwang adi dog pakai ngga badang sadis dog taban di tika adi patut, ka tika adi ngga daya taban pinganggen ngara adi buwa bungas ngga buwa pimuruh adi mbŭh masak. Ingat sopŭrŭg ati, O Tapa, ka nyiberkat aku amai pingandai kana adi mbŭh ku ndai yŭn bangsa ati.

NEHEMIAH 5:15

Sopŭrŭg gabenor adi diŭ so aku mbŭh jadi pinyirabis bat di rayat ka mbŭh mite 40 kiping duit pirak barang andu yŭn pinguman ngga wain. Bara pinurung ngara ani agi kinanyuh rayat. Pak aku dŭh an mun anŭ, sabab aku taru buang stabi di Tapa.

JOB 1:1

Agi ndi naan daya dŭn Job, rŭŭ di tarun tana Uz, adi nyambah Tapa ka tŭtŭd di Ayŭh. Ayŭh daya adi kana, adi raru nakit ngga adŭp-i dŭh ndai kayuh arap.

MAZMUR 101:2

Urah rakah ku dŭh re sarah. Sinde Kaam re mandŭg ka yŭn ku? Aku re udip bisig di ramin ku,

MAZMUR 26:1

Kadŭn aku dŭh sarah, O TUHAN, sabab aku ndai kayuh adi batur ka ruai sabah di Kaam.

MAZMUR 49:15

Pak Tapa re pirupas aku; Ayŭh re nyiramat aku so kuasa pinyikabŭs.

MAZMUR 49:7

Daya dŭh dapŭd nubos adŭp-i; ayŭh dŭh dapŭd bayar Tapa rega asŭng-i,

MAZMUR 69:18

Mandŭg ka aku ka nyiramat aku; pirupas aku so pinganyu ku.

ISAIAH 38:3

“Ingat, TUHAN, aku mbŭh bituan di Kaam ngga tŭtŭd ka ngga siabo atin ku, ka aku mbŭh ari ndai kayuh adi Kaam raan aku ndai.” Ka ayŭh nyisakuk sien.

LUKE 1:6

So-duwŭh ngara mbŭh daya tŭnggŭn di sirung jawin Tapa ka mbŭh sita ukum ukum-adat ngga pinyipesan Tuhan.

1 THESSALONICA 2:10

Adŭp ngan jadi saksi ami, simŭnŭ gŭh adŭp Tapa, munki atur pimudip ami di ruang ngan adi sabah di Kristus, mbŭh bisig, batur, ka dŭh biyŭn takar sarah.

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.