MAZMUR 26:1 - Hakcipta - Biatah Bidayuh

¹ Kadŭn aku dŭh sarah, O TUHAN, sabab aku ndai kayuh adi batur ka ruai sabah di Kaam.

MAZMUR 26:1 ပူးပေါင်းရင်းမြစ်များ

2 RAJA 20:3

“Ingat, TUHAN, aku mbŭh bituan di Kaam ngga atin tŭtŭd ka stabi, ka aku mbŭh siraru bandar bandar ndai kayuh adi Kaam bada aku ndai.” Ka-i nyisakuk sien.

JOB 2:3

“Agi kuu kiris urun Ku Job?” TUHAN siken. “Mating daya di ong re tŭtŭd buang kana mun ayŭh. Ayŭh nyambah Aku ka mbŭh nakit ngga adŭp-i dŭh re ndai kayuh arap. Kuu ngasu Aku bada nyibandar kuu nyerang ayŭh ngga dŭh biyŭn pada, pak Job taŭn-i babŭ tŭtŭd.”

JOB 4:6

Kuu nyambah Tapa, ka pimudip mu dŭh biyŭn sarah; ngapŭi kuu an biyŭn atin sabah ngga pingarap.

MAZMUR 121:3

Ayŭh dŭh re tandah angān rabu; pinyigrindung ngan dŭh re bŭŭs.

MAZMUR 15:2

Ngara adi tunda pinganang Tapa darŭm sopŭrŭg kayuh ka ari ndai kayuh adi batur; pinganang ngara agi batur ngga sawŭ,

MAZMUR 21:7

Raja sabah di TUHAN Bisa-pŭrŭg; ka sabab pinyirindu TUHAN adi dŭh bisa birubah Ayŭh re ari siramat.

MAZMUR 25:2

Dŭhnyah tandah aku dog pimangŭh; dŭhnyah bada bara pinganyu ku tawŭh aku!

MAZMUR 25:21

Isa-i pinyikana ku ngga atin jujur ku grindung aku, sabab aku sabah di Kaam.

MAZMUR 26:11

Pak aku ati, aku ndai kayuh adi batur; masi di aku ka nyiramat aku!

MAZMUR 28:7

TUHAN grindung ka ngibān aku; aku sabah di Ayŭh. Ayŭh turung aku ka bada aku gaŭn; aku muji Ayŭh ngga ragu gaŭn.

MAZMUR 31:14

Pak atin sabah ku inŭh di Kaam, O TUHAN; Kaam inŭh Tapa ku.

MAZMUR 35:24

Kaam inŭh tŭnggŭn, O TUHAN, ka kiren aku dŭh sarah; dŭhnyah bada pinganyu ku tawŭh aku.

MAZMUR 37:31

Ngara nyikŭn ukum-adat Tapa ngara darŭm atin ngara ka bŭn miriseu so ukum-adat anŭ.

MAZMUR 4:5

Jugan sadis adi batur ka TUHAN, ka sabah di Ayŭh.

MAZMUR 43:1

O Tapa, kiren aku dŭh sarah, ka ngibān aku so daya adi dŭh stabi di Tapa; pirupas aku so daya adi pingadong ngga adi arap!

MAZMUR 54:1

Nyiramat aku ngga kuasa Mai, O Tapa; pirupas aku ngga pinyibake Mai!

MAZMUR 62:2

Ayŭh sadi adi grindung ka nyiramat aku; Ayŭh inŭh pingibān ku, ka aku dŭh re tungang dog ngarah.

MAZMUR 62:6

Ayŭh sadi adi grindung ka nyiramat aku; Ayŭh inŭh pingibān ku, ka aku dŭh re dog ngarah.

MAZMUR 7:8

Kaam inŭh arang yŭn sopŭrŭg manusia. Tingga arap kana ku, O TUHAN; Kaam puan nang aku dŭh sarah.

MAZMUR 94:18

Aku nang, “Aku rabu”; pak pinyirindu Mai, O TUHAN, agi digŭng aku.

PITAS 20:7

Bituah inŭh anak anak adi biyŭn sama adi jujur ka adi ndai kayuh adi batur.

PITAS 29:25

Taru kayuh adi daya pikir pasar kuu, bisa nyusah kuu. Sabah di TUHAN bisa nyiramat kuu.

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

HEBREW 10:23

Ja ata bidigŭng tagap di pingarap adi ata ngaku, sabab ata sabah Tapa ta taŭn ingat janji-I.

1 PETER 1:5

Berkat anŭ mbŭh yŭn ngan, angān adi so ka pinyabah mbŭh pagŭng dog jaga Tapa ngga kuasa-I yŭn pinyiramat anŭ adi mbŭh dog sidia re dog pinandŭng di andu sikasŭn.

2 PETER 1:10

Jadi meh, bara dingan ku, angān dŭh siŭn dŭh ngga situngang ngan kiren darŭm pimudip ngan Tapa sawŭ ko bagan ka mien angān. Kambŭi angān ndai simŭnŭ, angān dŭh re udah pasan pinyabah ngan;

1 SAMUEL 2:9

“Ayŭh grindung pimudip daya-I adi tŭtŭd, pak adi ginaka miyap darŭm karŭm; manusia dŭh-i mujur bada pinyibake adŭp-i.

1 SAMUEL 24:15

TUHAN re tingga asi so ata duwŭh manak adi sarah. Isa-i Ayŭh nakit tingga kayuh ati, grindung aku, ka nyiramat aku so kaam.”