MAZMUR 25:3 - Hakcipta - Biatah Bidayuh

³ Ngara adi sabah di Kaam dŭh re arah, pak ngara adi rikas rawan Kaam inŭh.

MAZMUR 25:3 ပူးပေါင်းရင်းမြစ်များ

TIBIRIK 49:13

“Zebulum re rŭŭ sindŭk rawŭt. Tabing-i re kapar yŭn birabuh. Abong tarun tana-i re ndŭg Sidon.

1 KRONIKEL 10:13

Saul kabŭs sabab ayŭh dŭh tŭtŭd di TUHAN. Ayŭh nyibireu pesan TUHAN; ayŭh bisiken ngga roh roh daya adi mbŭh kabŭs

MAZMUR 109:3

ka ngara nang kayuh arap pasar aku, nyerang aku ngga dŭh biyŭn pada.

MAZMUR 119:78

Isa-i ngara adi sambuh dog pimangŭh amai napŭ aku; pak aku re nakit bipikir di ajar Mai.

MAZMUR 123:2

Nimun urun bisangan di tuan-i, nimun pinguses bisangan di tuan dayung-i, simŭnŭ inŭh kieh re nyigura ka Kaam, O TUHAN adi Tapa ami, ndŭg ka Kaam mbŭh masi di kieh.

MAZMUR 132:18

Aku re bada pinganyu-i mangŭh, pak pinyipritah-i re mujur ka kambang.”

MAZMUR 22:6

Pak aku dŭh tia manusia; aku ati ŭrŭd, dog ngamun ka dog pimangŭh sopŭrŭg daya!

MAZMUR 27:14

Sabah di TUHAN. Sabab meh, dŭhnyah jimŭ. Sabah di TUHAN.

MAZMUR 31:17

Aku bagan Kaam, TUHAN; dŭhnyah bada aku dog pimangŭh. Isa-i bara adi ginaka dog pimangŭh; isa-i ngara pajam mūn ka sibayan.

MAZMUR 31:18

Bada pajam ngara anŭ adi pingadong — sopŭrŭg adi sambuh ngga adi miruap adi ngamun daya tŭnggŭn.

MAZMUR 33:20

Ata harap di TUHAN; Ayŭh inŭh adi grindung ka turung ata.

MAZMUR 35:26

Isa-i ngara adi tawŭh sangsara ku bandar bandar dog ngarah ka riruk; isa-i ngara adi nang adŭp-i kana dŭ so aku raru mangŭh ka nyesar.

MAZMUR 37:34

Na pingarap ngan di TUHAN ka tunda pinyipesan-I; Ayŭh re nggen di angān tarun tana ati ngga-I stabi di angān, ka angān re kiris daya adi ginaka dog pibu.

MAZMUR 6:10

Bara pinganyu ku re mangŭh amai arah; darŭm riruk ngara re rikas dog pibu.

MAZMUR 62:1

Aku kajŭn, ngga atin tŭtŭd, Tapa nyiramat aku; aku bisangan di Ayŭh sadi.

MAZMUR 62:5

Aku bisangan di Tapa sadi; aku na pingarap ku di Ayŭh.

MAZMUR 69:4

Ngara adi tiru di aku ngga dŭh biyŭn pada agi bagŭ dŭ so sirah ubok ku. Pinganyu ku kidaan pinganang kadong rawan aku; ngara bake ka raan siŭ aku. Ngara bada aku pari kayuh adi aku dŭh naku.

MAZMUR 69:6

Dŭhnyah bada aku nggen mangŭh di ngara adi sabah di Kaam, TUHAN Raja adi Bisa-pŭrŭg! Dŭhnyah bada aku nggen mangŭh di ngara adi nyambah Kaam, O Tapa Israel!

MAZMUR 71:13

Isa-i ngara adi nyerang aku dog ngarah ka dog pirabur. Isa-i ngara adi suba kandam aku dog pimangŭh ka dog kinarap.

ISAIAH 25:9

Kan anŭ mbŭh jadi, barang naan re nang, “Ayŭh Tapa ta! Ata mbŭh na pinyabah ta di Ayŭh, ka Ayŭh mbŭh nyiramat ata. Ayŭh TUHAN! Ata mbŭh na pinyabah ta di Ayŭh, ka madin ata mbŭh gaŭn pawŭn sabab Ayŭh mbŭh nyiramat ata.”

ISAIAH 40:31

Pak ngara adi sabah di TUHAN yŭn pinurung re dapŭd pinyibake ngara dog pibauh. Ngara re mun beuh mikabur ngga pinyibake urad-i. Ngara re bikaduh ka dŭh re rarah; ngara re panu ka dŭh re kawŭk.

ISAIAH 49:23

Raja raja re keya ka sama di angān; rani rani re keya ka sindŭ. Ngara re mutu ubak ngara ka stabi di angān; ngara re pirapat adŭp ngara buang kiren stabi di angān. Ka angān re puan nang Aku ati TUHAN; mating daya adi kajŭn pinurung so Aku re asa.”

JEREMIAH 20:11

Pak Kaam, TUHAN, agi parad ka aku, bake buang bikuasa, ka ngara adi kisiis aku re rabu ka dŭh bigaya. Ngara re dog pimangŭh ndŭg situi tui, sabab ngara dŭh mujur di pingandai ngara anŭ. Mangŭh ngara re dŭh dog kambŭt.

PUĀS 3:25

TUHAN inŭh kana ngga barang naan daya adi sabah di Ayŭh,

MICAH 7:7

Pak aku re kajŭn TUHAN ngga sukup sabah Ayŭh re nyiramat aku. Tapa ku re dingah aku.

JOHN 15:25

Kayuh anŭ simŭnŭ isa kayuh adi mbŭh dog nuris di Ukum-adat bisa jadi bitŭtŭk: ‘Ngara tiru di Aku ngga dŭh biyŭn sabab.’

ROME 8:25

Pak kambŭi ata harap kayuh adi ata dŭh tungang kiris, ata kajŭn ngga atin sabar.