MAZMUR 23:4 - Hakcipta - Biatah Bidayuh

⁴ Sunggu kambŭi aku panu nyuso karŭm patŭ', aku dŭh re taru, TUHAN, amai Kaam agi ngga aku. Sikud ngga pakung Mai grindung aku.

MAZMUR 23:4 ပူးပေါင်းရင်းမြစ်များ

JOB 24:17

Ngara taru jawa sandu, pak pinyikarŭm mating taru ngara dieh.

JOB 3:5

Bada-i jadi andu adi nyabūk ka karŭm patŭ'; nutu-i ngga abun, ka kadi jawa so batŭh andu.

MAZMUR 110:2

So Zion TUHAN re bada bayah kuasa-raja mai. “Kaam re nguasa pinganyu mai,” Ayŭh nang.

MAZMUR 118:6

TUHAN agi ngga aku, aku dŭh re taru; ani tungang daya ndai di aku?

MAZMUR 138:7

Kan aku dog kirurung pinyusah, Kaam grindung aku. Kaam nyakar bara pinganyu ku ka nyiramat aku ngga kuasa Mai.

MAZMUR 14:5

Pak ngara re tikaran, amai Tapa inŭh agi ngga ngara adi tunda pinganang-I.

MAZMUR 3:6

Aku dŭh taru ribu ribu pinganyu adi kirurung aku so barang parad.

MAZMUR 44:19

Pak Kaam tagan kieh adi rumuh di dupan dāng tarun; Kaam tagan kieh di darŭm karŭm patŭ'.

MAZMUR 46:11

TUHAN Bisa-pŭrŭg agi ngga ata; Tapa Jacob inŭh pinyigrindung ta.

ISAIAH 41:10

Dŭhnyah taru — Aku agi ngga angān! Aku ati Tapa ngan — dŭhnyah bada ani ani pitaru angān! Aku re bada angān bake ka turung angān; Aku re grindung angān ka nyiramat angān.

JEREMIAH 2:6

Ngara dŭh piduri Aku, sunggu Aku pirupas ngara so Egypt ka taban ngara mutas tarun tana-pajam: tana sumat ngga sandah sumat, tarun adi badŭh buang rapā yŭn kayuh adi arap adi mating daya rŭŭ dieh ka mating daya raan mutas.

MICAH 7:14

Jadi pingingat yŭn daya Mai, TUHAN, daya adi Kaam mbŭh mien. Sunggu ngara rŭŭ jeh di tarun tana-pajam, tana damŭn agi maning ngara. Tandah ngara man di tarun tana kupai Bashan ka Gilead, nimun ngara ko jah-i.

ZECHARIAH 11:10

Komŭnŭ aku tambit sikud adi dog kadŭn “Pinyirasi” ka mata-i, ngga kinating simanya adi TUHAN mbŭh ndai ngga sopŭrŭg bangsa.

ZECHARIAH 11:14

Komŭnŭ aku mata sikud adi numbor duwŭh anŭ, adi aku kadŭn “Bisindi”, ka udip bisindi Judah ngga Israel meh patŭd.

ZECHARIAH 8:23

Di tipuh anŭ simŭng naan daya tami re mandŭg ka ndi naan daya Jahudi ka nang, ‘Kieh raan sua dog nyiberkat ngga angān sabab kieh mbŭh dingah Tapa agi ngga angān.’ ”

MATTHEW 1:23

“Ndi naan dayung tibŭn re bite ka biranak ndi anak dari, ka Ayŭh re dog kadŭn Immanuel” (rati-i, “Tapa agi ngga ata”).

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

LUKE 1:79

Ayŭh nggen jawa-I di sopŭrŭg daya adi udip darŭm karŭm buang di ribo singangi pinyikabŭs, ka jaga kaja ta panu mŭrŭt aran damai.”

2 TIMOTHY 4:22

Tuhan agi ngga simangi ngan. Pinyirasi-mandis Tapa agi ngga sopŭrŭg ngan.