MAZMUR 20:4 - Hakcipta - Biatah Bidayuh

⁴ Isa-i Ayŭh nggen di kuu kayuh adi raan mu ka bada sopŭrŭg pusar mu mujur.

MAZMUR 20:4 ပူးပေါင်းရင်းမြစ်များ

2 SAMUEL 24:23

Araunah nggen sopŭrŭg-i di raja ka nang di ayŭh, “Isa-i TUHAN adi Tapa mai trima sadis mai.”

2 KRONIKEL 9:12

Raja Solomon nggen di rani so Sheba tadŭ kayuh adi-i mite. Anŭ ngga nambah anŭ adi-i nggen di ayŭh ngga maras pinganggen adi-i taban ka ayŭh. Komŭnŭ ayŭh ngga bara pinurung-i pari ka tarun tana Sheba.

MAZMUR 145:19

Ayŭh nggen pinyiraan ngara adi stabi di Ayŭh; Ayŭh dingah sien ngara ka nyiramat ngara.

MAZMUR 21:2

Kaam mbŭh nggen di ayŭh kayuh adi ruai-i raan; Kaam mbŭh nam pimite-i.

MAZMUR 37:4

Jiroh udip sanang ngan di TUHAN, ka Ayŭh re nggen di angān pinyiraan atin ngan.

PITAS 11:23

Kayuh adi daya kana raan, ari pijadi kayuh adi kana; kan daya ginaka dapŭd kayuh adi ngara raan, sopŭrŭg daya baji.

MATTHEW 21:22

Kan angān bidua ka sabah Tapa re ndai nanyam pimite ngan, Tapa taŭn re ndai-i.”

JOHN 11:42

Aku puan Kaam ari dingah Aku. Ka Aku nang sakanŭ yŭn kana ngara adi agi digiti, isa ngara bisa sabah Kaam sawŭ pait Aku.”

JOHN 16:23

“Kan andu anŭ mandŭg, angān dŭh re siken kayuh di Aku. Aku kidaan di angān kayuh adi sawŭ: Sama re nggen di angān tadŭ kayuh adi angān mite ngga adŭn Ku.

AKIM 13:23

Pak sawŭn-i nam, “Kambŭi TUHAN sawŭ raan siŭ ata, Ayŭh dŭh kambat sadis ta; ka Ayŭh dŭh gŭh an kiren sopŭrŭg kayuh ati di ata bait kidaan kayuh adi mun ati di tipuh ati.”

1 SAMUEL 26:19

Tuan Raja, dingah kayuh adi re ku nang. Kambŭi TUHAN inŭh adi bada kaam simŭnŭ ngga aku, ndi sadis bisa bada Ayŭh nukar pikir-I. Pak kambŭi-i so manusia, isa-i pangu TUHAN nyatŭk ngara. Amai ngara mbŭh pibu aku so tarun tana TUHAN di ka rais adi yŭn aku kaŭs tungang nyambah tapa tapa saruh adŭ.