MAZMUR 19:7 - Hakcipta - Biatah Bidayuh

⁷ Ukum-adat TUHAN inŭh siabo batur; ukum-adat anŭ nggen pinyibake bauh. Pesan TUHAN dapŭd dog sabah, nggen pinyibijak di daya adi dŭh biyŭn-i ngga sukup.

MAZMUR 19:7 ပူးပေါင်းရင်းမြစ်များ

2 SAMUEL 23:5

Ngga simŭnŭ inŭh Tapa re nyiberkat bara sesang ku, sabab Ayŭh mbŭh ndai simanya adi tan adu adu ngga aku, pekat-janji adi dŭh bisa dog miranggar, janji adi dŭh bisa dog ngubah. Anŭ adŭ adi raan ku; anŭ adi re jadi pimanang ku, ka Tapa re bada-i jadi bitŭtŭk.

JOB 23:12

Aku ari ndai kayuh adi Tapa pesan; aku tunda pinyiraan-I, dŭh pinyiraan adŭp ku.

MAZMUR 111:7

Ayŭh tŭtŭd buang tŭnggŭn darŭm sopŭrŭg pingandai-I; sopŭrŭg pesan-I bisa yŭn bisangan.

MAZMUR 119:105

Pinganang Mai inŭh prita adi nyiruton aku ka jawa adi nyekar aran ku.

MAZMUR 119:111

Pinyipesan Mai inŭh buat-rata ku adi tan adu adu; anŭ inŭh pinyiraan atin ku.

MAZMUR 119:130

Rati ajar Mai nggen jawa ka taban pinyibijak di daya adi mapung braŭg.

MAZMUR 119:14

Aku gaŭn tunda pesan Mai rabis so biyŭn rata bās.

MAZMUR 119:152

Ndun jah aku birajar pasar ajar Mai; Kaam bada-i tan adu adu.

MAZMUR 119:24

Ajar Mai aku angan; sopŭrŭg-i jadi keya ka tukang pitayan yŭn ku.

MAZMUR 119:72

Ukum-adat adi Kaam nggen inŭh biguna dŭ di aku so sopŭrŭg duit di ong.

MAZMUR 119:9

Simuki daya mara dapŭd bada pimudip ngara bisig? So ka tunda pesan Mai.

MAZMUR 18:30

Tapa ati — munki masam sukup kana-i pingandai-I! pinganang-I bisa dog sabah! Ayŭh keya ka pinangin yŭn sopŭrŭg adi jiroh pinyigrindung.

MAZMUR 23:3

Ayŭh nggen pinyibake bauh di aku. Ayŭh kayak aku di aran adi batur, nanyam adi mbŭh-I janji.

MAZMUR 93:5

Ukum-adat Mai tan adu adu, TUHAN, ka Ramin Mai inŭh sawŭ kudus, ndŭg situi tui.

PITAS 1:4

Pitas ati dapŭd bada daya adi dŭh sukup birakar jadi birakar, ka ngajar daya adi mara jadi daya pitar pandai.

ISAIAH 8:16

Angān, adi bara pinunda ku, an jaga ka kingat pinganang adi Tapa mbŭh nggen di aku.

ISAIAH 8:20

Angān dŭh siŭn dŭh nam ngara, “Dingah kayuh adi TUHAN ngajar di angān! Dŭhnyah dingah pinganang daya adi minyu ngga simangi daya adi mbŭh kabŭs. Kayuh adi ngara kidaan di angān dŭh dapŭd pijo pinyusah.”

JOHN 5:39

Angān birajar Surat-kudus, sabab angān pikir darŭm-i angān bisa dapŭd udip adi sawŭ adi tan adu adu. Ka Surat-kudus ati inŭh adi mbŭh minyu pasar Aku!

PINGANDAI 10:43

Sopŭrŭg nabi mbŭh minyu pasar Ayŭh, nang sopŭrŭg adi sabah di Ayŭh re dapŭd pingapun dosa so ka kuasa adŭn-I.”

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

ROME 15:4

Sopŭrŭg kayuh adi dog nuris darŭm Surat-kudus mbŭh dog nuris ngga ngajar ata, siŭn ata bisa biyŭn pingarap so ka atin sabar ngga pingatat adi Surat-kudus nggen di ata.

ROME 3:2

Taŭn-i kana darŭm bagŭ yŭn-i! Sibungas-i Tapa nggen pinganang-I ka daya bangsa Jahudi.

DITRONOMI 32:4

“TUHAN inŭh pingibān ngan adi bikuasa, sukup kana ka tŭnggŭn darŭm sopŭrŭg kayuh, Tapa ngan inŭh tŭtŭd ngga sawŭ, Ayŭh ndai kayuh adi batur ngga patut.

COLOSSAE 3:16

Isa-i ajar Kristus darŭm sopŭrŭg pinyikana-i ngisi atin ngan. Ngajar ka pitayan dingan ngga sopŭrŭg pinyibijak. Nang ragu mazmur, nang nyanyi, ka ragu kudus; biragu ka Tapa ngga atin trima kaseh.

2 TIMOTHY 1:8

Dŭhnyah mangŭh bisaksi yŭn Tuhan ta; dŭhnyah gŭh mangŭh ngarun aku adi mbŭh dog jer amai Kristus. Pak ngga pinyibake adi Tapa mbŭh nggen di kuu, kuu patut sua jera yŭn Agah Kana anŭ.

2 TIMOTHY 2:19

Pak pinagap-rasan adi tagap anŭ adi Tapa ko na dŭh dapŭd dog ngugoh; ka di tunduh pimŭnŭs anŭ agi dog nuris sakati: “Tuhan puan bara daya adi-I dapu” ka “Ngara adi nang adŭp-i mbŭh dog dapu Tapa dŭh siŭn dŭh taran pingandai sarah.”

JAMES 1:17

Sopŭrŭg pinganggen adi sukup kana mandŭg so shorga; ayŭh mūn so Tapa adi Pinapa jawa shorga. Ayŭh Tapa adi dŭh birubah ka bŭn re kinarŭm darŭm-I marik adŭp-I.

JOSHUA 1:8

Nakit ingat surat Ukum adat an ari dog basa darŭm angān tikuruk simayang. Birajar-i sandu singarŭm, ka nakit tunda barang kayuh adi dog nuris dieh. Simŭnŭ inŭh angān re sanang buang mujur.

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.