MAZMUR 17:3 - Hakcipta - Biatah Bidayuh

³ Kaam puan atin ku. Kaam mbŭh mandŭg ka yŭn ku singarŭm; Kaam muko nakit piruh aku ka dapŭd mating pinyiraan adi arap darŭm aku.

MAZMUR 17:3 ပူးပေါင်းရင်းမြစ်များ

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

1 KRONIKEL 29:17

Aku puan nang Kaam suba atin barang naan daya, ka taŭn munos asŭng di daya adi jujur. Ngga atin jujur ka tŭnggŭn aku mbŭh ngga siabo asŭng nggen sopŭrŭg ati ka Kaam, ka aku mbŭh kiris munki masam daya Mai adi agi tikuruk digiti ngga sanang asŭng taban sadis ka Kaam.

JOB 23:10

Pak Tapa puan kayuh adi ndai ku; kambŭi Ayŭh suba aku, Ayŭh re dapŭd aku bisig keya ka mas.

JOB 24:14

Ngga siri jawa pinyiŭ makat ka matak di siŭ daya sirata, ka singarŭm ayŭh naku.

MAZMUR 11:5

Ayŭh piruh sopŭrŭg daya, adi kana ngga adi ginaka; daya gaok adi rindu pinyiganas Ayŭh tiru ngga siabo atin-I.

MAZMUR 119:106

Aku re bidigŭng di payu ku ka tunda ajar Mai adi tŭnggŭn.

MAZMUR 139:1

TUHAN, Kaam mbŭh piruh aku ka puan aku.

MAZMUR 139:23

Piruh aku, O Tapa, ka puan meh pikir ku; suba aku, ka puan meh pikir-kira ku.

MAZMUR 16:7

Aku muji TUHAN, sabab Ayŭh nyiruton aku, ka singarŭm pikir-kira atin ku agi bakan aku.

MAZMUR 26:2

Piruh aku ka suba aku, O TUHAN; pirasa pinyiraan ka pikir-kira ku,

MAZMUR 39:1

Aku nang, “Aku re nakit ngga pingandai ku ka dŭh re bada jura ku bada aku bidosa; aku dŭh re nang ani ani sitadŭn daya arap agi sindŭk.”

MAZMUR 66:10

Kaam mbŭh suba kieh, Tapa; nimun pirak dog pibisig ngga apui simŭnŭ gŭh Kaam ngga kieh.

PITAS 13:3

Nakit piruah pinganang mu ka jaga adŭp mu. Daya adi dŭh nakit minyu re bada adŭp-i binasa.

JEREMIAH 12:3

Pak, TUHAN, Kaam puan aku; Kaam kiris pingandai ku, ka munki masam aku rindu Kaam. Tarik ngara adi arap anŭ ngga bu mun biri adi re dog siŭ; nguan ngara ndŭg tika adi ngga ngara dog ninong.

JEREMIAH 50:20

Di tika anŭ, dosa re mating tia dog dapŭd di Israel, ka mating tia udip ginaka di Judah, sabab Aku re apun ngara adi Aku mbŭh nyiramat. Aku, adi TUHAN, mbŭh minyu.”

HOSEA 7:6

Sawŭ, ngara mbŭh paras bireh bam apui mun oven-tana ngga pekat ngara. Ndi ngarŭm atin baji ngara mbŭh bireh, ka ngga isan isan baji anŭ rutop jadi apui.

MICAH 2:1

Munki masam sipŭ-i re yŭn ngara adi singadu dŭh bŭŭs amai bisatur an ndai kayuh arap! Kan-i mbŭh isan isan, ka kambŭi agi pluang, ngara ndai kayuh arap anŭ adi ngara mbŭh bisatur an ndai.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

MALACHI 3:2

Pak asi re tan kinyam andu adi ngga-I mandŭg? Asi re tan kan Ayŭh pinandŭng adŭp-I? Ayŭh re keya ka sabun adi bake, keya ka apui adi pibisig basi.

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

PINGANDAI 16:9

Ngarŭm anŭ Paul agi kiris keya ka darŭm pŭmŭh ndi naan daya Macedonia mijog ka mite ayŭh, nang-i, “Mandŭg ka Macedonia ka turung kieh!”

1 CORINTH 4:4

Pikir-kira atin ku agi bisig, pak dŭh sirati-i aku ati batur. Adŭp Tuhan inŭh adi bisa natu sarah kah dŭh aku.

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

JAMES 3:2

Sopŭrŭg ta siraru ndai sarah. Pak kambŭi daya bŭn ndai sarah darŭm piminyu-i, ayŭh anŭ mbŭh sukup kana ka mbŭh tungang jaga adŭp-i samŭn ndi pŭrŭng ganan-i.

1 PETER 1:7

Tujuan-i inŭh ngga tingga batur kah dŭh pinyabah ngan anŭ. Mas bina, adi bisa dog pirusak babŭ gŭh dog suba ngga apui; ngapŭi pinyabah ngan, adi brega dŭ so mas, dŭh siŭn dŭh gŭh dog suba, isa-i jadi tan. Komŭnŭ angān re trima puji ngga bragah ka stabi di Andu anŭ kan Jesus Kristus dog pinandŭng.

1 SAMUEL 24:10

Adŭp mai bisa tingga, tejah di darŭm tāng TUHAN mbŭh na kaam ka darŭm tangan ku. Kada daya ku bada aku siŭ kaam, pak aku masi di kaam ka nang aku dŭh siŭn kinaman kaam, sabab kaam inŭh daya adi TUHAN mbŭh mien bada jadi raja.

1 SAMUEL 24:12

Isa-i TUHAN tingga asi so ata duwŭh manak adi sarah! Isa-i Ayŭh ngukum kaam sabab pingandai mai di tunduh aku, amai aku manŭn dŭh re kinaman kaam.

1 SAMUEL 26:11

TUHAN kijaman aku siŭ daya adi-I mbŭh bada jadi raja! Ata tambit jarok ngga bŭrŭh piin-i adŭ ka bu”

1 SAMUEL 26:23

TUHAN ngupah daya adi tŭtŭd ka adi tŭnggŭn. Andu ati Ayŭh na kaam ka darŭm tangan ku, pak aku dŭh ida ida ngga kaam, kaam adi TUHAN mbŭh bada jadi raja.