MAZMUR 16:6 - Hakcipta - Biatah Bidayuh

⁶ Munki masam grua-i pinganggen Mai di aku; mbŭh raru kana inŭh sopŭrŭg-i!

MAZMUR 16:6 ပူးပေါင်းရင်းမြစ်များ

MAZMUR 61:6

Nambah umbur raja; bada ayŭh adu adu udip!

MAZMUR 78:55

Ayŭh pibu daya adi rŭŭ di tarun tana anŭ darŭm daya-I masang mŭrŭt; Ayŭh kutung tana ngara di dupan tibaran tibaran-asar Israel ka nggen ramin arŭn ngara di daya-I.

JEREMIAH 3:19

TUHAN nang, “Israel, Aku raan trima kuu jadi anak Ku ka nggen di kuu tana adi pimunos asŭng, tana adi siabo ramus di ndi ong ong. Aku raan kuu bagan Aku Sama, ka dŭhnyah tia nyipunok Aku.

AMOS 7:17

Ngapŭi meh, Amaziah, TUHAN nang di kuu, ‘Sawŭn mu re jadi dayung sundar di aran kupo, ka bara anak mu re dog siŭ darŭm biperang. Tana mu re dog kutung ka dog nggen di daya bŭkŭn, ka adŭp mu re kabŭs di rais daya adi dŭh puan Tapa. Ka daya Israel taŭn re dog taran jo so rais adŭp ngara.’ ”

JOHN 20:17

“Dŭhnyah tama Aku,” Jesus nang di ayŭh, “sabab Aku gibayuh maad ka Sama. Pak di ka bara jurud Ku ka kidaan di ngara Aku re pari ka Ayŭh adi Sama Ku ka adi Sama ngara, Tapa Ku ka Tapa ngara.”

ROME 8:17

Amai ata bara anak-I, ata re dapu berkat adi-I sidia yŭn daya-I, ka ata re dapu gŭh ngga Kristus kayuh adi Tapa mbŭh sidia yŭn-I; amai kambŭi ata sua dapu jera-birasa Kristus, ata gŭh re sua dapu bragah-I.

EPHESUS 1:18

Aku mite pikir ngan tikuka yŭn kiris jawa-I, isa angān adi-I mbŭh mien puan ani anŭ adi angān harap, munki masam grua berkat adi-I mbŭh bijanji an nggen di daya-I,

2 TIMOTHY 2:12

Kambŭi ata bijijŭ ngga atin tŭtŭd, ata gŭh re mritah ngga Ayŭh. Kambŭi ata miman Ayŭh, Ayŭh gŭh re miman ata.

HEBREW 12:2

Ja ata adu adu nyigura ka Jesus, di yŭn pinyabah ta bisangan so sibungas-i ndŭg sikasŭn-i. Ayŭh dŭh arah da rigang! Pak, sabab pinyigaŭn adi kajŭn Ayŭh, Ayŭh dŭh kira mangŭh kabŭs di atuh rigang, ka madin Ayŭh mbŭh guru tura ka tauh takta Tapa.

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.