MAZMUR 15:5 - Hakcipta - Biatah Bidayuh

⁵ Ngara nginjam duit ka daya ka dŭh kira anak duit, ka dŭh dapŭd dog nyuap da nggen taksi kadong rawan daya adi dŭh sarah. Asi asi adi ndai simŭnŭ re ari siramat.

MAZMUR 15:5 ပူးပေါင်းရင်းမြစ်များ

MAZMUR 106:3

Sanang inŭh ngara adi tunda pinyipesan-I, adi siraru ndai kayuh adi batur.

MAZMUR 112:6

Daya adi kana dŭh re arah di pingandai-i; ayŭh re siraru dog ingat.

MAZMUR 16:8

Aku ari puan TUHAN agi ngga aku; Ayŭh agi sindŭk, ka mating kayuh dapŭd ngugoh aku.

MAZMUR 55:22

Pasan pinyusah mu di TUHAN, ka Ayŭh re ngibān kuu; Ayŭh dŭh re bada daya adi jujur dog ngarah.

PINYIRUAH 22:24

ka Aku re baji ka siŭ angān darŭm perang. Sawŭn ngan re uban, ka anak ngan re tumang.

PINYIRUAH 22:25

“Kambŭi angān nginjam duit di tadŭ tadŭ daya Ku adi sirata, dŭhnyah bada adŭp ngan mun daya adi tukang nginjam duit di daya yŭn an dapŭd anak duit.

PITAS 10:30

Daya tŭnggŭn re ari udip siramat, pak daya ginaka re kinanyap tana ngara.

PITAS 12:3

Daya dŭh dapŭd siramat so udip ginaka, pak daya tŭnggŭn inŭh keya ka tŭngŭn kayuh adi tagap buang tŭrŭp uat pinamai-i.

PITAS 15:27

Kambŭi kuu suba an dapŭd utung so kraja pingandai adi sarah, kuu re bada rawang mu dog pinyusah. Dŭhnyah trima suap ka kuu re tui udip.

ISAIAH 33:15

Angān re siramat kambŭi angān nang ka ndai kayuh adi batur. Dŭhnyah pakai kuasa ngan ngga nipu daya sirata bait trima suap. Dŭhnyah mŭrŭt pekat daya adi bisatur an siŭ daya puan kah ndai tadŭ masam pingandai adi arap.

EZEKIEL 18:17

Ayŭh abah ndai arap ka dŭh nginjam duit di daya ngga dapŭd utung. Ayŭh sita ukum-adat ka tunda pesan Ku. Ayŭh re dŭh kabŭs sabab dosa sama-i, pak manŭn re udip.

EZEKIEL 18:27

Kan daya arap ko bidosa ka ndai kayuh adi kana ka adi batur, ayŭh nyiramat asŭng-i.

EZEKIEL 18:8

Ayŭh nginjam duit di daya dŭh ngga dapŭd utung. Ayŭh abah ndai arap pak nggen pikir-kira adi jujur darŭm ngatur har daya.

EZEKIEL 22:12

Agi kada so daya mu siŭ daya sabab an dog ngupah. Agi adi sun anak duit so duit adi ngara nginjam di daya adi samah daya Israel ka jadi kaya darŭm ngara ndai simŭnŭ. Ngara mbŭh kambŭt Aku.” TUHAN Raja mbŭh minyu.

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.

MATTHEW 26:15

ka siken, “Ani re ngan nggen di aku kambŭi aku jua Jesus ka angān?” Ngara ngitong taruh puru kiping duit pirak ka nggen-i di ayŭh.

JOHN 13:17

Amai madin angān puan kayuh ati, munki masam sanang angān kambŭi angān ndai simŭnŭ!

DITRONOMI 16:19

Ngara dŭh siŭn taban atin adi bidikok puan kah marad kambŭi matŭd itong; ka ngara dŭh siŭn trima suap, amai anŭ bada karak batŭh daya adi bijak ngga adi batur, ka bada ngara matŭd itong ngga aran adi sarah.

DITRONOMI 23:21

“Kan angān muko bipayu ngga TUHAN adi Tapa ngan, dŭhnyah dŭh ndai kayuh adi angān muko bijanji an ndai; TUHAN re digŭng payu ngan anŭ, ka-i re jadi dosa kambŭi angān dŭh ndai-i.

1 SAMUEL 12:3

Ta aku. Kambŭi aku agi ndai sarah, angān bisa nyarah aku di sirung jawin TUHAN ka di sirung jawin raja adi-I mbŭh mien. Mbŭh kah aku tambit sapi daya bait kaldi daya? Mbŭh kah aku nipu bait kinanyuh daya? Kambŭi aku agi ndai kayuh anŭ, aku bisa bayar pari.”