Moses pakat tangan-i tiju rawŭt, ka TUHAN turak piin rawŭt ngga sabak adi daras so timor. Sabak anŭ poh ndi ngarŭm ngarŭm ka bada rawŭt badŭh jadi deyŭh. Rawŭt mbŭh tipire,
Tapa inŭh adi ndai sopŭrŭg darŭd ka adi napa sabak. Ayŭh bada pikir kira-I dog puan manusia; Ayŭh ngubah sandu jadi ngarŭm. Ayŭh panu di tibung tibung ong. TUHAN Tapa Bisa-pŭrŭg, anŭ inŭh adŭn-I!
TUHAN Raja bada aku kiris dinge kayuh keya ka darŭm pŭmŭh. Aku kiris Ayŭh aŭn sidia re ngukum daya-I ngga apui. Apui anŭ man rawŭt bās di ribo tana, ka mbŭh piguru man tana.
Bara adi tukang pimanu kapar taru ka nyirais bagan mite turung, masin masin di tapa adŭp-i. Komŭnŭ, ngga pijangan kapar, ngara taran barang ka darŭm rawŭt. Atan anŭ, Jonah mbŭh di ka rasan kapar ka bŭŭs rŭrŭ.
Darŭm daya Amor bikaduh mūn ateng darŭd mangān soldadu daya Israel, TUHAN bada ujen batuh adi baga rabu nyatŭk ngara ndi aran aran ndŭg Azekah. Bagŭ dŭ kabŭs dog ujen batuh so adi kabŭs da daya Israel.
Ujen batuh adi bangat rabu so rangit nyatŭk daya. Barang batuh anŭ agi rimŭh puru kilogram bat-i. Daya mangu Tapa amai dog susah ujen batuh anŭ, adi mbŭh raru bisā-i.