MAZMUR 146:9 - Hakcipta - Biatah Bidayuh

⁹ Ayŭh grindung daya saruh adi udip di tarun tana ta; Ayŭh turung dayung uban ngga anak tumang, pak pirabur daya adi ginaka.

MAZMUR 146:9 ပူးပေါင်းရင်းမြစ်များ

2 SAMUEL 15:31

Kan David dog kidaan nang Ahithophel mbŭh tunda Absalom, ayŭh bidua, “Turung, TUHAN, bada pinyitayan Ahithophel marui jadi au-tarun!”

2 SAMUEL 17:23

Kan Ahithophel kinyam pinyitayan-i dŭh dog tunda, ayŭh na tapas-pinyiguru di tunduh kaldi-i ka pari ka kupo adŭp-i. Ripas-i muko nyirase sopŭrŭg kayuh-i, ayŭh tangid adŭp-i. Ayŭh dog kubur di kubur rawang-i.

ESTHER 5:14

Jadi sawŭn-i ngga sopŭrŭg dingan-i nang, “Mani kuu dŭh pijog ndi tiang yŭn tangid daya, adi duwŭh puru mita bigatung? Isan isan andu sipagi kuu bisa mite raja nggen ukum bada Mordecai dog tangid dieh, ka ripas anŭ kuu bisa di ka gawai ngga atin gaŭn.” Haman pikir anŭ atur adi kana, jadi ayŭh bada tiang adi yŭn tangid daya dog pijog.

ESTHER 7:10

Jadi Haman dog tangid di tiang adi adŭp-i mbŭh pijog an-i yŭn tangid Mordecai. Komŭnŭ atin raja pari madŭd.

ESTHER 9:25

Pak Esther di ka yŭn raja, ka raja piruah ukum adi dog nuris adi bada Haman kabŭs bada kayuh adi adŭp-i mbŭh ndai yŭn daya Jahudi. Ayŭh ngga bara anak-i dog tangid di uros adi yŭn tangid daya.

MAZMUR 10:14

Pak Kaam taŭn kiris; Kaam kiris pinyusah ngga sangsara daya ka ari sidia an turung. Adi dŭh biyŭn nasip bisangan di Kaam; Kaam ari turung daya adi sirata.

MAZMUR 145:20

Ayŭh grindung barang naan daya adi rindu Ayŭh, pak Ayŭh re pirabur daya ginaka.

MAZMUR 147:6

Ayŭh pakat ngara adi pirapat adŭp-i, pak bada asur di tana daya ginaka.

MAZMUR 18:26

Kaam kiren adŭp Mai bisig di ngara adi bisig, pak gaok ngga ngara adi ginaka.

MAZMUR 68:5

Tapa, adi rŭŭ di Ramin kudus-I, kingat anak tumang ka grindung dayung uban.

PITAS 15:25

TUHAN re nyirubuh ramin daya adi sambuh, pak Ayŭh re grindung tana dayung uban.

PITAS 4:19

Aran adi daya ginaka kadŭg, inŭh karŭm mun singarŭm. Ngara rabu, pak dŭh dapŭd kiris kayuh adi ngara sikak.

JEREMIAH 49:11

Tingge anak tumang ngan ngga Aku, ka Aku re kingat ngara. Bara dayung uban ngan dapŭd bisangan di Aku.

HOSEA 14:3

Assyria dŭh dapŭd nyiramat kieh, ka kuda perang dŭh dapŭd grindung kieh. Kieh dŭh re tia nang di tibudo ami nang ngara inŭh Tapa ami. O TUHAN, Kaam masi di daya adi dŭh biyŭn daya adi bisa-i sabah.”

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

1 CORINTH 3:19

Amai kayuh adi ong ati nyirundeng pinyibijak agi au-tarun di batŭh Tapa. Sak adi nang Surat-kudus, “Tapa mirakap ngara adi bijak darŭm pinyipitar ngara”;

DITRONOMI 16:11

Gaŭn meh di sirung jawin TUHAN, samah ngga bara anak ngan, daya-gaji ngan, ngga bara daya Levi, daya pinami, bara anak tumang, ngga bara dayung uban adi rŭŭ di kupo kupo ngan. Ndai kayuh anŭ di tarun yŭn anŭ adi ndi adŭ yŭn bisambah.

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.