MAZMUR 132:12 - Hakcipta - Biatah Bidayuh

¹² Kambŭi anak anak mu sita simanya Ku samŭn pesan adi Aku nggen di ngara, anak ngara, gŭh, re adu adu gati kuu jadi raja.”

MAZMUR 132:12 ပူးပေါင်းရင်းမြစ်များ

1 RAJA 2:4

Kambŭi kuu tunda pinganang-I, TUHAN re sita janji adi-I ndai di tika Ayŭh kidaan di aku nang sesang ku re mritah Israel sitian ngara nakit tunda ngga tŭtŭd pinyipesan-I ngga siabo atin ka asŭng ngara.

1 RAJA 8:25

Ka madin, TUHAN adi Tapa Israel, aku bidua mite Kaam ingat gŭh janji Mai adi bŭkŭn adi Kaam mbŭh ndai ngga sama ku di andu Kaam kidaan nang taŭn re ari agi ndi naan so sesang-i re jadi raja ka mritah Israel, atas ngara nakit tunda pinganang Mai nimun adŭp-i.

2 KRONIKEL 7:18

Aku re pijadi janji adi Aku muko ndai ngga sama mu David kan Aku kidaan di ayŭh nang Israel re ari dog mritah sesang-i.

MAZMUR 102:28

Bara anak ami re udip ngga siramat, ka di ribo pinyigrindung Mai sesang ngara re pagŭng.

MAZMUR 115:14

Isa-i TUHAN nggen di angān anak — angān ngga bara sesang ngan!

ISAIAH 59:21

Aku ndai simanya ngga angān: Aku mbŭh nggen di angān kuasa Ku ngga Ajar Ku adi re jadi jangān ndŭg situi tui, ka so madin angān re tunda pinganang Ku ka ngajar anak anak ngan ka sesang sesang ngan bada tunda pinganang Ku ndŭg situi tui.”

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

JEREMIAH 33:17

Aku, adi TUHAN, bijanji nang re ari agi ndi naan so sesang David jadi raja Israel

PINGANDAI 2:30

David mbŭh nabi, buang puan janji Tapa di ayŭh: Tapa bipayu ngga ayŭh an bada ndi naan so bara sesang-i jadi raja mun adŭp-i.