MAZMUR 128:3 - Hakcipta - Biatah Bidayuh

³ Sawŭn ngan re keya ka tŭngŭn anggor adi pimuah di ramin arŭn ngan, ka anak anak ngan re jadi keya ka tŭngŭn tŭngŭn kanā adi mara maning mija ngan.

MAZMUR 128:3 ပူးပေါင်းရင်းမြစ်များ

TIBIRIK 49:22

“Joseph inŭh keya ka kaldi tarun di bŭngŭn rubang piin, anak kaldi tarun di sigŭn sandah.

1 KRONIKEL 8:40

Bara anak dari Ulam inŭh bara soldadu adi pagan buang pandai nimbak reja-panah. Ayŭh biyŭn 150 madis anak dari samŭn bara sukuh-i. Sopŭrŭg dŭn adi mbŭh dog nyabŭt anŭ inŭh bara adi so tibaran-asar Benjamin.

MAZMUR 127:3

Bara anak inŭh pinganggen so TUHAN; ngara inŭh sawŭ berkat.

MAZMUR 127:5

Sanang inŭh daya adi biyŭn reja-panah anŭ. Ayŭh re dŭh dog ngarah kan ayŭh bidapŭd ngga pinganyu-i di tarun yŭn bisara.

MAZMUR 144:12

Isa-i anak anak dari ta adi babŭ mara jadi keya ka anak kayuh timbu jadi tagap bake. Isa-i anak anak dayung ta jadi keya ka tiang tiang adi ramus adi ngabuh sikuh sikuh istana.

MAZMUR 52:8

Pak aku mbŭh keya ka tŭngŭn kanā udip di ramin Tapa; aku adu adu sabah di pinyirindu-I adi dŭh bisa birubah.

JEREMIAH 11:16

Aku ko ndi sidah kadŭn ngara dawŭn tŭngŭn kayuh kanā, puno ngga buwa adi kana; pak madin, buang Aku ngŭr sak kijat Aku re badang dawŭn-i ka mata daan daan-i.

EZEKIEL 19:10

Sindŭ mu keya ka tŭngŭn anggor dog purun sindŭk ndi anak sungi. Sabab diginŭ bagŭ piin, tŭngŭn-i pidawŭn ka buān.

ROME 11:24

Angān daya adi dŭh bangsa Jahudi agi keya ka daan so tŭngŭn kanā tuān adi dog kadi so tŭngŭn-i, ka dŭh nanyam ka asar-i, dog tubu di tŭngŭn kanā adi taŭn daya purun. Daya Jahudi agi keya ka tŭngŭn adi taŭn daya purun; ka-i re rabis udah Tapa tubu daan daan-i pari di tŭngŭn-i.