MAZMUR 112:9 - Hakcipta - Biatah Bidayuh

⁹ Ayŭh nggen ngga siabo asŭng di daya adi sirata, ka atin mandis-i dŭh re arah; ayŭh re puno ngga kuasa buang dog stabi.

MAZMUR 112:9 ပူးပေါင်းရင်းမြစ်များ

MAZMUR 111:3

Sopŭrŭg pingandai-I inŭh puno ngga stabi ngga kuasa; pinŭnggŭn-I inŭh tan adu adu.

MAZMUR 112:3

Rawang-i re jadi kaya, ka ayŭh re adu adu mujur.

MAZMUR 75:10

Ayŭh re bada asur kuasa daya ginaka, pak kuasa daya tŭnggŭn re dog nambah.

MAZMUR 92:10

Kaam mbŭh bada aku bake mun dari sapi adi siga; Kaam mbŭh nyiberkat aku ngga udip sanang.

MAZMUR 92:11

Aku mbŭh kiris pinganyu ku arah ka dingah sien ngara adi ginaka.

PITAS 14:24

Daya bijak dog muji amai pinyibijak ngara, pak daya budo dog puan amai budo bawa ngara.

PITAS 19:17

Kan kuu turung daya adi sirata, anŭ inŭh keya ka nginjam kayuh ka TUHAN, ka adŭp TUHAN re bayar kuu.

PITAS 21:26

daya adi mun anŭ, adŭ-i ari bipikir di kayuh adi raan-i biyŭn. Pak daya tŭnggŭn dapŭd nggen ka raan nggen bagŭ kayuh di daya.

EKLISIASTIS 11:6

Purun bine mu ngga isan isan ka ngga singumi andu. Kuu dŭh re puan bait-i sopŭrŭg-i re timbu, bait kah aki ndi adi re piruah bagŭ dŭ buwa.

EKLISIASTIS 3:6

Ayŭh natu tika yŭn dapŭd ka tika yŭn kinanyap, tika yŭn nyikŭn ka tika yŭn taran,

ISAIAH 32:8

Pak daya adi dog stabi ndai kayuh ngga atin batur ka bijijŭ yŭn kayuh adi batur.

ISAIAH 58:10

Kambŭi angān nggen pinguman di daya adi sibŭrŭk ka pimunos asŭng ngara adi dog kinanyuh, karŭm adi maning angān re marui jadi jawa yun kumbeng.

ISAIAH 58:7

Samah pinguman ngan ngga daya adi sibŭrŭk ka kambat daya sirata adi dŭh biyŭn ramin arŭn ka darŭm ramin ngan. Nggen piraka di ngara adi dŭh biyŭn piraka, ka dŭhnyah abah turung madis adŭp ngan.

MATTHEW 6:4

Mun anŭ pingandai ngan mbŭh darŭm bisukan. Ka Sama ngan, adi kiris pingandai ngan darŭm bisukan, re ngupah angān.

MARK 14:7

Angān re siraru biyŭn daya sirata ngga angān, ka di tadŭ nga-i angān raan, angān bisa turung ngara. Pak Aku dŭh re siraru agi ngga angān.

LUKE 11:41

Pak nggen di daya sirata kayuh anŭ adi darŭm saker ka pinggen ngan, ka angān ngga sopŭrŭg adi angān dapu re jadi bisig.

LUKE 12:33

Jua sopŭrŭg kayuh adi angān biyŭn ka nggen duit anŭ di daya sirata. Ndai yŭn adŭp ngan kambut duit adi dŭh bisa rusak, ka nyikŭn buat-rata ngan di shorga. Diginŭ rata ngan dŭh bisa kurang, amai pinaku dŭh dapŭd nyindŭk-i ka gŭgŭt dŭh dapŭd pirusak-i.

LUKE 16:9

Ka Jesus pijuu minyu, nang-I, “Ngapŭi Aku kidaan di angān: pakai meh pinyikaya ong ati ngga ndai dingan, isa kan-i mbŭh abo, angān re dog kambat ka darŭm arŭn adi tan adu adu.

LUKE 18:22

Kan Jesus dingah sakanŭ, Ayŭh nang di ayŭh, “Dŭm ndi kayuh adi patut kuu ndai. Jua sopŭrŭg kayuh adi kuu biyŭn ka nggen duit anŭ di daya sirata, ka kuu re dapŭd buat-rata di shorga; ko ndai simŭnŭ, kuu bisa tunda Aku.”

JOHN 13:29

Amai Judas mbŭh daya tukang digŭng duit, kada murid pikir Jesus bada ayŭh di miris kayuh yŭn andu gawai, puan kah di nggen kayuh di daya sirata.

PINGANDAI 20:35

Aku mbŭh kiren di angān darŭm bagŭ masam kayuh, so ka bandar nyiraja mun ati ata dŭh siŭn dŭh an turung daya adi ramah, buang ingat pinganang Jesus adi nang, ‘Sanang dŭ inŭh daya adi nggen so daya adi kambat.’ ”

PINGANDAI 4:35

ngara taban ka bara pinyuruh. Duit anŭ ngara kutung di barang naan nanyam adi-i biguna.

ROME 12:13

Samah kayuh ngan ngga daya adi sirata ka kambat pinami ka darŭm arŭn ngan.

2 CORINTH 8:9

Angān puan pinyirasi-mandis Tuhan ta Jesus Kristus; Ayŭh adi kaya, pak sabab angān Ayŭh bada adŭp-I sirata, siŭn angān bisa jadi kaya.

DITRONOMI 15:11

Taŭn re agi kada daya Israel adi sirata ka adi sutok, jadi aku pesan angān bada dŭhnyah bidagis ngga ngara.

DITRONOMI 15:14

Nggen di ayŭh ngga sanang asŭng kayuh adi TUHAN mbŭh nggen di angān, mun biri, gandom, ka wain.

DITRONOMI 24:13

Pari jipo anŭ barang ngumi, isa agi ngga-i sitabun bŭŭs singarŭm. Simŭnŭ ayŭh re raru sanang asŭng di angān, ka TUHAN adi Tapa ngan re munos asŭng-I di angān.

1 TIMOTHY 6:18

Ngajar ngara da ndai kayuh kana, da jadi kaya darŭm kraja kana, da dŭh bidagis buang sidia an samah kayuh ngga daya bŭkŭn.

HEBREW 13:16

Dŭhnyah kambŭt ndai pingandai kana ka turung dingan ngan, sabab anŭ inŭh sadis adi pimunos asŭng Tapa.

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

PINANDŬNG 22:11

Asi asi adi arap re adu adu ndai arap, ka asi asi adi sembar re adu adu sembar; asi asi adi kana re adu adu ndai kana, ka asi asi adi kudus re adu adu kudus.”

1 SAMUEL 2:1

Hannah bidua, “TUHAN mbŭh bada atin ku gaŭn; munki raru gaŭn aku amai kayuh adi Ayŭh mbŭh ndai! Aku tawŭh pinganyu ku; munki raru gaŭn atin ku amai Tapa mbŭh turung aku!

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.