MAZMUR 103:8 - Hakcipta - Biatah Bidayuh

⁸ TUHAN inŭh puno ngga pinyirasi ngga pinyirindu, sais baji buang puno ngga pinyirindu adi dŭh bisa birubah.

MAZMUR 103:8 ပူးပေါင်းရင်းမြစ်များ

NEHEMIAH 9:17

Ngara abah dingah pinganang; ngara kambŭt sopŭrŭg kayuh adi Kaam mbŭh ndai; ngara kambŭt pingandai-nginga adi Kaam mbŭh ndai. Darŭm sambuh, ngara mien ndi naan pinguru bada taban ngara pari jadi urun di Egypt. Pak Kaam inŭh Tapa adi an apun; Kaam inŭh mandis buang rindu daya, ka sais baji. Masi Mai inŭh bās; Kaam dŭh tagan ngara.

MAZMUR 130:7

Israel, sabah di TUHAN, sabab pinyirindu-I dŭh bisa birubah ka Ayŭh taŭn ari raan nyiramat.

MAZMUR 145:8

TUHAN inŭh pinyirindu ka masi, sais baji ka puno ngga pinyirindu adi dŭh bisa birubah.

MAZMUR 31:20

Kaam sukan ngara di yŭn pinyirŭŭ Mai so pekat daya; darŭm pinyigrindung adi siramat Kaam sukan ngara so dog pimangŭh pinganyu ngara.

MAZMUR 86:15

Pak Kaam, O TUHAN, inŭh Tapa adi masi buang pinyirindu, siraru sabar, siraru mandis ka tŭtŭd.

MAZMUR 86:5

Kaam kana ngga kieh buang an apun kieh, puno ngga pinyirindu adi dŭh bisa birubah di sopŭrŭg daya adi bidua ka Kaam.

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

JEREMIAH 32:18

Kaam mbŭh kiren pinyirindu Mai adi dŭh bisa birubah di biribu ribu daya, pak Kaam gŭh ngukum daya amai dosa pimas ngara. Kaam inŭh Tapa adi bās ka bikuasa; Kaam inŭh TUHAN Bisa-pŭrŭg.

JOEL 2:13

Bada atin ngan anŭ adi keya ka asur kiren susah ngan; nyiratak piraka ngan dŭh-i sadang.” Pari ka TUHAN adi Tapa ngan. Ayŭh inŭh mandis ka raru masi; Ayŭh tŭtŭd ka ingat janji-I; Ayŭh ari sidia an apun ka dŭh-I an ngukum.

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

NAHUM 1:3

TUHAN dŭh udah baji, pak Ayŭh bikuasa ka bŭn tandah daya adi sarah dŭh dog ukum. Di yŭn TUHAN panu, sabak ribut makat; Abun inŭh dabu so yŭn kaja-I bidigang!

PINYIKIANG 14:18

‘Aku adi TUHAN, dŭh re udah baji, ka Aku kiren pinyirindu adi bās ngga pinyitŭtŭd ka apun dosa ngga urah adi birawan. Pak Aku dŭh re kambŭt ngukum bara pinanak ngga bara sukuh ndŭg taruh ngga pat turap sitagar dosa pimas pimas ngara.’

DITRONOMI 5:10

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

JAMES 5:11

Kieh kadŭn ngara sanang sabab ngara tan. Angān ko dingah pasar atin sabar Job, ka munki Tuhan di pinŭbŭn-i turung ayŭh. Ayŭh simŭnŭ amai Tuhan mandis buang puno ngga atin masi.