1 Biragu yŭn TUHAN, sopŭrŭg ong!
Aku re piagah bās Mai, Tapa ku ka Raja ku; aku re nggen trima kaseh di Kaam adu adu.
Angān adi tŭnggŭn, jadi gaŭn ka pawŭn sabab kayuh adi TUHAN mbŭh ndai. Angān adi tunda pinganang-I, nyirais ngga gaŭn!
Nupap tangan ngan amai gaŭn, sopŭrŭg bangsa! Muji Tapa ngga ragu adi bana!
Tapa maad ka takta-I. Agi jawŭn sirais pinyigaŭn ngga jawŭn trompet, darŭm Ayŭh maad.
Muji meh Tapa ngga sirais gaŭn, sopŭrŭg daya!
Sopŭrŭg daya di ong nyambah Kaam; ngara biragu muji Kaam, ngara biragu muji adŭn Mai.”
Isa-i bangsa bangsa rami ka biragu amai gaŭn, sabab Kaam nggen bisara ngga pinyitŭnggŭn ka nyiruton barang bangsa di ong.
Biragu ka Tapa, sopŭrŭg pritah ong, nang ragu puji ka TUHAN,
Biragu ngga gaŭn yŭn TUHAN, sopŭrŭg ong; muji Ayŭh ngga ragu ka ngga sirais darŭm gaŭn!
Biragu ka nyirais amai gaŭn, daya Israel! Pawŭn ngga siabo atin mu, Jerusalem!
Komŭnŭ TUHAN re jadi raja yŭn ndi ong ong; barang naan daya re nyambah Ayŭh mun Tapa ka puan Ayŭh ngga adŭn anŭ gŭh.
Kan Ayŭh mbŭh sindŭk Jerusalem, di aran adi mūn Sandah Kanā, bara bara murid-I piguru nggen trima kaseh di Tapa buang muji Ayŭh ngga sirŭŭn bana amai sopŭrŭg kayuh bās adi ngara ko kiris:
Agi gŭh dog nang, “Gaŭn meh angān, daya adi dŭh bangsa Jahudi, ngga bara daya adi Tapa mbŭh mien!”
“O bangsa bangsa, angān dŭh siŭn dŭh muji daya TUHAN. Ayŭh ngukum sopŭrŭg daya adi siŭ ngara; Ayŭh maras bara pinganyu-I ka apun dosa daya-I.”
