MAZMUR 1:3 - Hakcipta - Biatah Bidayuh

³ Ngara keya ka dudu tŭngŭn kayuh adi timbu di pang anak sungi, adi buān buwa di tipuh adi batur, ka dawŭn dawŭn-i adi dŭh rayu. Ngara mujur di sopŭrŭg kayuh adi ngara ndai.

MAZMUR 1:3 ပူးပေါင်းရင်းမြစ်များ

TIBIRIK 39:23

Daya adi tukang jaga ramin jer dŭhsah ngatur tadŭ tadŭ kayuh adi darŭm pingatur Joseph, sabab TUHAN agi ngga Joseph ka bada ayŭh mujur di sopŭrŭg kayuh adi ndai-i.

TIBIRIK 39:3

adi kiris TUHAN agi ngga Joseph ka mbŭh bada ayŭh mujur darŭm sopŭrŭg kayuh adi ndai-i.

2 RAJA 18:7

Jadi TUHAN agi ngga ayŭh, ka ayŭh mujur di sopŭrŭg kayuh adi ndai-i. Ayŭh rawan raja-empaya Assyria ka abah-i nundok di ayŭh.

1 KRONIKEL 22:11

David pijuu nang, “Madin, nak, isa-i TUHAN adi Tapa mu agi ngga kuu, ka isa-i Ayŭh ingat janji-I an bada kuu mujur pijog ramin yŭn-I.

1 KRONIKEL 22:13

Kambŭi kuu tunda sopŭrŭg ukum-adat adi TUHAN nggen di Moses yŭn Israel, kuu re mujur. Kuu dŭh siŭn dŭh birani ka dŭhnyah atin mu arot, ka dŭhnyah taru tadŭ tadŭ kayuh.

2 KRONIKEL 31:21

Ayŭh mujur, sabab sopŭrŭg kayuh adi-i ndai di Ramin TUHAN bait adi nanyam ka Ukum-adat, ayŭh ndai ngga siabo asŭng ka ngga rindu di Tapa-i.

2 KRONIKEL 32:23

Bagŭ daya mandŭg ka Jerusalem, taban pinganggen sadis ka TUHAN ngga pinganggen ka Hezekiah. So nganŭ sopŭrŭg bangsa bŭkŭn stabi di Hezekiah.

JOB 14:9

ngga piin ayŭh re timbu dinge.

JOB 22:28

Kuu re mujur darŭm sopŭrŭg kayuh adi kuu ndai, ka jawa re nyekar di aran mu.

MAZMUR 128:2

Pingandai ngan re taban utung ka angān; angān re sanang ka mujur.

MAZMUR 129:8

Mating daya adi murah-i re nang, “Isa-i TUHAN nyiberkat kuu! Kieh nyiberkat kuu ngga adŭn TUHAN.”

MAZMUR 92:14

adi babŭ piruah buwa darŭm-i mbŭh minyamba ka babŭ barŭm buang tagap.

MAZMUR 92:15

Ati kiren nang TUHAN inŭh tŭnggŭn, ka mating sarah Ayŭh adi grindung aku.

ISAIAH 27:11

Daan daan tŭngŭn kayuh mbŭh rayu ka pata, ka bara dayung sun-i ndu uwang. Sabab daya dŭh mirati ani ani, Tapa adi Pinapa ngara dŭh re masi bait apun ngara.

ISAIAH 3:10

Daya tŭnggŭn re sanang ka siramat. Ngara re dapŭd pimunos adŭp ngara ngga kayuh adi ngara dapŭd so turang udas adŭp ngara.

ISAIAH 44:4

Ngara re timbu mun kupai di tana adi bisa, mun tŭngŭn poplar di bŭngŭn sungi adi aman piin-i.

ISAIAH 58:11

Ka Aku re ari nyiruton angān ka pimunos asŭng ngan ngga kayuh kana. Aku re bada angān bake ka bua. Angān re keya ka teya adi biyŭn bagŭ piin, mun rubang piin adi dŭh pandai badŭh.

JEREMIAH 17:8

Ngara mbŭh keya ka tŭngŭn tŭngŭn kayuh adi timbu sindŭk anak sungi ka uat-i prijireu ndŭg piin. dŭh-i taru tipuh paras, sabab dawŭn-i adu adu barŭm; dŭh-i bipito kan andu dŭh ujen; ka-i marar buān.

EZEKIEL 17:8

Pak tŭngŭn anggor anŭ mbŭh dog purun di tana adi damŭn, sukup piin dieh isa-i pidawŭn ka buān buwa ka jadi tŭngŭn anggor adi sukup ramus.

EZEKIEL 19:10

Sindŭ mu keya ka tŭngŭn anggor dog purun sindŭk ndi anak sungi. Sabab diginŭ bagŭ piin, tŭngŭn-i pidawŭn ka buān.

EZEKIEL 31:5

Sabab piin-i sukup, ayŭh timbu bigatung dŭ so tŭngŭn tŭngŭn kayuh adi bŭkŭn. Daan daan-i bitambah baga buang ambu.

EZEKIEL 47:12

Di soduwŭh tabing anak sungi anŭ bagŭ masam tŭngŭn kayuh adi bisa buān re timbu. Dawŭn-i re dŭh rayu, ka-i re dŭh rŭŭ buān. Tŭngŭn tŭngŭn anŭ re biyŭn buwa bauh barang buran, sabab-i dog misa piin so anak sungi adi aman so Ramin TUHAN. Buwa buwa tŭngŭn kayuh anŭ re jadi pinguman, ka dawŭn dawŭn-i re dog pakai ngga pibua daya.”

PINYIKIANG 24:6

Mun ated baris tŭngŭn kurma, puan kah teya di pang sungi, mun tŭngŭn gaharu adi TUHAN purun, puan kah tŭngŭn sedar di pang piin.

MATTHEW 13:6

Pak kan batŭh andu makat, ayŭh dog paras sura; ka sabab uat-i dŭh tŭrŭp, ayŭh rayu ka kabŭs.

MATTHEW 21:19

Ayŭh kiris ndi tŭngŭn ara di bŭngŭn aran ka di tudu-i, pak mating buwa dieh adŭ-i dudu dawŭn. Jadi Ayŭh nang di tŭngŭn ara anŭ, “Kuu dŭh re tia buān!” Di jam anŭ gŭh tŭngŭn ara anŭ rayu.

MATTHEW 21:34

Kan-i mbŭh tika adi ngga daya sun buwa anggor, ayŭh pait urun urun-i ka yŭn bara pinyewa teya an kambat jangi utung so buwa buwa adi dog sun.

MATTHEW 21:41

“Ayŭh manŭn re siŭ bara adi ginaka anŭ,” ngara nam, “ka nyewa teya anggor anŭ di pinyewa teya adi bŭkŭn, adi re nggen jangi utung so buwa buwa adi dog sun di tipuh sun buwa.”

JOHN 15:6

Ngara adi dŭh rŭŭ darŭm Aku dog taran keya ka daan kayuh; daan anŭ rayu ka dog nguruk ka dog taran ka darŭm apui da sau.

DITRONOMI 28:8

“TUHAN adi Tapa ngan re nyiberkat sopŭrŭg kraja pingandai ngan, ka ngisi panggau ngan ngga gandom. Ayŭh re nyiberkat angān di tarun tana adi Ayŭh nggen di angān.

JUDE 1:12

Ngga urah ngara adi mangŭh nŭŭh ngarun ngara mbŭh keya ka takar kais di dupan angān di tika tikuruk man. Ngara rada adŭp-i adŭ. Ngara mbŭh keya ka kruman dog poh sabak, pak dŭh taban ujen. Keya ka tŭngŭn kayuh adi dŭh buān, ndŭg ka di tipuh jaya ani, ka adi dog dimbut ndŭg uat-i ka kabŭs.

PINANDŬNG 22:2

ka aman di yun aran raya di kupo. Di so-duwŭh parad sungi anŭ agi tŭngŭn kayuh adi nggen udip, adi buān simŭng-duwŭh kari darŭm ndi sawa, anŭ inŭh ndi buran ndi sidah. Dawŭn-i bisa dog pakai ngga pibua barang bangsa.