MATTHEW 9:33 - Hakcipta - Biatah Bidayuh

³³ Pak kan umot anŭ mbŭh dog pibu, daya anŭ piguru minyu, ka sopŭrŭg daya mbŭh inga inga. “Gi-bŭn ata kiris kayuh mun ati di Israel!” ngara sigara.

MATTHEW 9:33 ပူးပေါင်းရင်းမြစ်များ

2 RAJA 5:8

Kan nabi Elisha dingah kayuh adi mbŭh jadi, ayŭh pait pinganang ka raja: “Mani kuu susah? Bada daya anŭ ka yŭn ku, ka aku re kiren di ayŭh agi ndi naan nabi di Israel!”

MAZMUR 76:1

Tapa inŭh dog puan di Judah; adŭn-I dog stabi di Israel.

ISAIAH 35:6

Daya bajang re mirupat ka bitanda, ka ngara adi dŭh pandai minyu re nyirais ngga gaŭn. Anak anak sungi re aman di tarun tana-pajam;

JEREMIAH 32:20

Ndun jah, Kaam ndai pingandai-nginga ngga pingandai-saruh di Egypt, ka Kaam babŭ ndai-i ndŭg andu ati, di Israel ngga di bangsa bangsa bŭkŭn, siŭn madin Kaam dog puan di barang yŭn.

MATTHEW 8:10

Kan Jesus dingah sakanŭ, Ayŭh gŭgŭh ka nang di bara daya adi tunda Ayŭh, “Aku kidaan di angān, gi-bŭn Aku dapŭd daya di Israel biyŭn pinyabah mun ati.

MATTHEW 9:32

Darŭm ngara aŭn bu, kada daya taban ka Jesus ndi naan daya adi dŭh bisa minyu sabab mbŭh dog mŭrŭt umot.

MARK 2:12

Di sirung jawin bara daya bagŭ, ayŭh makat, mbit ambok-i, ka bigaut bu. Sopŭrŭg daya diginŭ mbŭh inga inga ka muji Tapa, nang, “Gi-bŭn ata kiris kayuh mun ati!”

LUKE 11:14

Jesus pibu umot so daya adi bawa. Kan umot mbŭh ruah, daya anŭ piguru minyu. Bara daya bagŭ mbŭh inga inga,

LUKE 7:9

Jesus mbŭh inga inga kan-I dingah ayŭh sakanŭ; Ayŭh bigiring ka nang di bara daya adi tunda Ayŭh, “Aku kidaan di angān, gi-bŭn Aku dapŭd pinyabah adi mun ati; di dupan daya Israel bŭn gŭh!”