MATTHEW 7:15 - Hakcipta - Biatah Bidayuh

¹⁵ “Jaga adŭp ngan so bara nabi kadong; ngara mandŭg ka angān mun biri tura ka sapa, pak tura ka darŭm ngara mbŭh keya ka kasong tarun.

MATTHEW 7:15 ပူးပေါင်းရင်းမြစ်များ

1 RAJA 13:18

Komŭnŭ nyamba nabi so Bethel anŭ nang di ayŭh, “Aku nabi gŭh mun kuu, ka so ka pesan TUHAN malaikat kidaan di aku bada taban kuu ngga maad ka arŭn ku.” Pak nyamba nabi anŭ kadong.

JEREMIAH 29:21

“TUHAN Bisa-pŭrŭg, adi Tapa Israel, mbŭh minyu pasar Ahab anak Kolaiah ngga Zedekiah anak Maaseiah, adi kadong angān pakai adŭn-I. Ayŭh mbŭh nang Ayŭh re nyerah ngara ka darŭm kuasa Nebuchadnezzar adi raja Babylonia, adi re nggen ukum kabŭs di ngara di sirung jawin ngan.

EZEKIEL 13:16

bara nabi anŭ adi kidaan di Jerusalem nang sopŭrŭg kayuh agi siramat, kan sopŭrŭg kayuh dŭh siramat!” TUHAN Raja mbŭh minyu.

EZEKIEL 13:22

“Ngga pinganang kadong ngan angān pijimŭ atin daya adi kana, adi Aku dŭh an ida ida ngga. Angān ngasu daya arap ndai kraja arap ndŭg ka ngara dŭh dapŭd dog nyiramat.

EZEKIEL 22:25

Bara pinguru mbŭh keya ka dudu singah nyidaong ripas-i mbŭh siŭ dangah-i. Ngara siŭ daya, tambit sopŭrŭg duit ngga buat-rata adi ngara dapŭd, ka bada bagŭ dayung jadi dayung uban.

EZEKIEL 22:27

Bara pinurung pritah mbŭh keya ka kasong tarun nyirigat dāng dāng adi ngara mbŭh siŭ. Ngara siŭ daya ngga pikaya adŭp-i.

DANIEL 11:34

Di tipuh ngara dog siŭ, daya Tapa re kambat nisŭ pinurung, sunggu bagŭ adi sua ngga ngara batur-i ndai simŭnŭ ngga atin sibut adŭ.

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

ZECHARIAH 13:4

Kan tika anŭ mbŭh mandŭg, mating nabi re ngangŭn kayuh adi-i kiris keya ka darŭm pŭmŭh, bait ndai adŭp-i bada mun nabi, puan kah nēn piraka nabi adi piburuh ngga-i nipu daya.

MATTHEW 10:17

Ingat, re agi daya an nakap angān ka taban angān ka yŭn bisara, ka re madŭs angān di ramin simayang-Jahudi.

MATTHEW 16:11

Mani angān dŭh mirati Aku dŭh minyu ngga angān pasar ruti? Jaga adŭp ngan so ragi daya Pharisee ka daya Sadducee!”

MATTHEW 16:6

Jesus nang di ngara, “Ingat nŭh; nakit jaga adŭp ngan so ragi daya Pharisee ka daya Sadducee.”

MATTHEW 24:11

Ka bagŭ nabi kadong re timbur ka nyibudo bagŭ daya.

MATTHEW 7:14

Pak tiban nuju udip adi sawŭ adi tan adu adu agi sapit ka aran adi di kamanŭ agi mbar, ka daya dŭh bagŭ dapŭd-i.

LUKE 12:15

Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 6:26

“Payah inŭh angān kambŭi sopŭrŭg daya nganju angān, amai tayung-babuk ngara mbŭh nang sakanŭ gŭh pasar bara nabi kadong.

JOHN 10:12

Kan kuri adi nguan biri, adi dŭh pingingat-biri, kiris kasong tarun mandŭg, ayŭh bikaduh bu tingge kaban biri. Kasong tarun nakap biri ka bada-i pambar.

PINGANDAI 13:40

Ingat meh, garang, isa kayuh adi bara nabi ko nang dŭh dog angān:

PINGANDAI 13:6

Ngara panu mutas purau anŭ nuju Paphos, di yŭn ngara bidapŭd ngga ndi naan daya biruri karŭm dŭn Bar-Jesus, daya Jahudi adi kadŭn adŭp-i nabi.

GALATIA 2:4

sunggu agi daya raan bada ayŭh bisunat. Bara daya anŭ bada adŭp-i mun bara adi sabah di Jesus, mbŭh mŭrŭt ka darŭm tibaran ta keya ka pinyiong, an puan pasar pinyirupas adi ata biyŭn darŭm udip ndi ngga Kristus Jesus. Ngara raan piurun ata,

EPHESUS 4:14

Ka ata dŭh re tia mun anak-anya, udah anyut kamati kamanŭ da sabak ajar daya pinipu, adi taban daya ka aran pimudip adi sarah ngga akar tipu adi ngara nimbu.

EPHESUS 5:6

Dŭhnyah bada daya nyibudo angān ngga pinganang au-tarun; kayuh adi mun ati inŭh adi re bada baji Tapa nyatŭk ngara adi dŭh an dingah pinganang-I.

PHILIPPI 3:2

Jaga adŭp ngan so ngara adi ndai arap, so tibaran kasong, so tibaran adi takan daya da bisunat.

COLOSSAE 2:8

Dŭhnyah bada daya piurun angān ngga pinyibijak manusia adi dŭh biguna adi bisa kinanyap angān. Ajar anŭ dŭh-i mandŭg so Kristus, pak ajar manusia adi mūn so sesang ndi ndŭg sesang andi, buang-i ajar adi mandŭg so roh roh adi nguasa rangit ngga ong.

2 TIMOTHY 3:13

buang bara daya adi arap samŭn bara pingadong re jadi rabis arap, nyibudo daya pak adŭp-i sua tibudō.

2 TIMOTHY 4:3

Tika-i re mandŭg kan daya re dŭh an dingah ajar adi batur, pak tunda pinyiraan adŭp ngara ka re nguruk bagŭ gurū adi an kidaan di ngara kayuh adi ngara gruwŭn an dingah.

2 PETER 3:17

Pak angān, bara dingan ku, mbŭh puan kayuh ati. Bijaga meh, isa angān dŭh miriseu da sarah daya adi arap, ka rabu so yŭn ngan adi siramat.

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.

PINANDŬNG 16:13

Komŭnŭ aku kiris taruh roh kais adi mun tigarag. Ngara ruah so baba naga anŭ, so baba dāng anŭ, ka so baba nabi kadong anŭ.

PINANDŬNG 17:6

Ka aku kiris dayung anŭ mabuk ngga deya bara daya adi Tapa mbŭh mien ka ngga deya ngara adi dog siŭ sabab ngara nundok ka bituan di Jesus. Kan aku kiris ayŭh aku gŭgŭh buang nginga.

PINANDŬNG 19:20

Pak dāng anŭ dog nakap, samah ngga nabi kadong adi ko ndai pingandai-nginga di sirung jawin-i. (Ngga pingandai-nginga anŭ ayŭh ko nyibudo ngara adi biyŭn tandā dāng anŭ samŭn ngara adi ko nyambah tibudo dāng anŭ.) Dāng ngga nabi kadong anŭ dog taran udip udip-i ka darŭm danu apui adi bijagu ngga mirirang.

PINANDŬNG 20:10

Komŭnŭ Siarap, adi nipu ngara, dog taran ka darŭm danu apui ngga mirirang, di yŭn dāng anŭ ngga nabi kadong anŭ dog taran. Diginŭ ngara re dog pijera sandu singarŭm ndŭg situi tui.