MATTHEW 6:9 - Hakcipta - Biatah Bidayuh

⁹ Sakati inŭh angān patut bidua: ‘Sama ami di shorga: Isa-i adŭn kudus Mai dog kibās.

MATTHEW 6:9 ပူးပေါင်းရင်းမြစ်များ

2 SAMUEL 7:26

Adŭn Mai re jadi timagah, ka daya re adu adu nang, ‘TUHAN Bisa-pŭrŭg inŭh Tapa Israel.’ Ka Kaam re bada takta ku tan adu adu yŭn barang turap sesang ku.

1 RAJA 8:43

dingah dua-i. So shorga, di yŭn Mai rŭŭ, dingah ka ndai yŭn-i kayuh adi ayŭh mite Kaam ndai, isa sopŭrŭg daya di ong bisa puan Kaam ka nundok di Kaam, nimun daya Mai Israel nundok di Kaam. Ka ngara re puan nang Ramin ati adi aku mbŭh pijog inŭh tarun yŭn Kaam dog nyambah.

1 KRONIKEL 17:24

Adŭn Mai re jadi bās, ka daya re adu adu nang, ‘TUHAN Bisa-pŭrŭg inŭh Tapa Israel.’ Ka Kaam re bada takta ku tan adu adu yŭn barang turap sesang ku.

2 KRONIKEL 20:6

ka bidua bana, “O TUHAN adi Tapa tayung-babuk ami, Kaam mritah so shorga sopŭrŭg bangsa di ong. Kaam adi bikuasa ka bake, ka mating daya tungang rawan Kaam.

NEHEMIAH 9:5

Bara daya Levi ati bagan bara daya bada simayang: Jeshua, Kadmiel, Bani, Hashabneiah, Sherebiah, Hodiah, Shebaniah, ngga Pethahiah. Ngara nang: “Mijog ka nggen puji ka TUHAN adi Tapa ngan; muji Ayŭh ndŭg situi tui! Muji adŭn-I adi bibragah sopŭrŭg ngan, sunggu puji manusia dŭh re sukup bās.”

MAZMUR 111:9

Ayŭh pirupas daya-I ka ndai simanya adi tan adu adu ngga ngara. Kudus buang bikuasa inŭh Ayŭh!

MAZMUR 115:3

Tapa ami agi di shorga; Ayŭh ndai tadŭ tadŭ kayuh nanyam pinyiraan adŭp-I.

MAZMUR 72:18

Muji meh TUHAN, adi Tapa Israel! Ayŭh sadi adŭ adi ndai pingandai bās ati.

ISAIAH 37:20

Madin, TUHAN adi Tapa ami, nyiramat kieh so daya Assyria, isa sopŭrŭg bangsa di ong puan nang Kaam sadi adŭ adi Tapa.”

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ISAIAH 6:3

Ngara bagan dingan-i sakati: “Kudus, kudus, kudus! TUHAN adi Bisa-pŭrŭg inŭh kudus! Bragah-I ngisi ong.”

ISAIAH 63:16

Kaam inŭh sama ami. Tayung-babuk ami Abraham ngga Jacob dŭh ngaku kieh; pak Kaam, TUHAN, inŭh sama ami, adi ari nyiramat kieh.

ISAIAH 64:8

Pak Kaam inŭh sama ami, TUHAN. Kieh keya ka tana-riyat, ka Kaam keya ka tukang priok. Kaam napa kieh,

ISAIAH 66:1

TUHAN nang, “Rangit inŭh takta Ku, ka ong inŭh bangan kaja Ku. Ramin adi munki an ngan pijog yŭn Ku, tarun yŭn adi munki re Aku yŭn rŭŭ?

EZEKIEL 36:23

Kan Aku kiren di bangsa bangsa pinyikudus adŭn Ku adi bās — adŭn adi angān nyembar di dupan ngara — nŭ angān re puan nang Aku ati TUHAN. Aku, adi TUHAN Raja, mbŭh minyu. Aku re pakai angān ngga kiren di bangsa bangsa anŭ nang Aku ati kudus.

EZEKIEL 38:23

Simŭnŭ inŭh Aku re kiren di sopŭrŭg bangsa nang Aku ati bās ka kudus. Ngara re puan nang Aku ati TUHAN.”

LEVITICUS 10:3

Komŭnŭ Moses nang di Aaron, “Ati inŭh kayuh adi TUHAN mbŭh kidaan kan-I nang, ‘Sopŭrŭg daya adi bituan di Aku, dŭh siŭn dŭh an stabi di pinyikudus Ku; Aku re pinandŭng bragah Ku di daya Ku.’ ” Pak Aaron pirŭŭ adŭp-i adŭ.

HABAKKUK 2:14

Pak ong re puno ngga pinyipuan pasar bragah TUHAN nimun rawŭt puno ngga piin.

ZECHARIAH 14:9

Komŭnŭ TUHAN re jadi raja yŭn ndi ong ong; barang naan daya re nyambah Ayŭh mun Tapa ka puan Ayŭh ngga adŭn anŭ gŭh.

MALACHI 1:11

Daya so bŭngŭn ong di parad ndi ndŭg bŭngŭn ong di parad andi stabi di Aku. Di barang yŭn ngara badang kimanyan ka Aku, ka jugan sadis adi patut dog trima. Sopŭrŭg ngara stabi di Aku!

MATTHEW 10:29

Ngga ndi sen kuu bisa miris duwŭh manuk piit, pak ndi manuk piit dŭh gŭh rabu ka tana kambŭi dŭh so pinyibada Sama.

MATTHEW 23:9

Ka angān dŭh siŭn kadŭn tadŭ tadŭ daya di ong ‘Sama,’ sabab angān biyŭn ndi adŭ Sama di shorga.

MATTHEW 26:29

Aku kidaan di angān, Aku dŭh re tia nok wain ati ndŭg andu adi ngga Aku nok wain adi bauh ngga angān darŭm Ong Bauh Sama Ku.”

MATTHEW 26:42

Jesus pari dinge di simayang, “Sama Ku, kambŭi makuk jera-birasa ati dŭh bisa dog kadi adŭ-i Aku nok-i, isa-i jadi nanyam pinyiraan Mai.”

MATTHEW 5:16

Simŭnŭ gŭh jawa ngan dŭh siŭn dŭh nyirinyak di sirung jawin daya, isa ngara kiris kraja kana ngan ka muji Sama ngan di shorga.

MATTHEW 5:48

Angān dŭh siŭn dŭh an sukup kana, nimun Sama ngan di shorga agi sukup kana.

MATTHEW 6:14

“Kambŭi angān apun daya adi ndai sarah di angān, Sama ngan di shorga re apun gŭh angān.

MATTHEW 6:6

Pak kan angān simayang, di ka birit ngan, tŭŭp tiban, ka bidua ka Sama ngan adi dŭh tatŭng. Ka Sama ngan, adi kiris pingandai ngan darŭm bisukan, re ngupah angān.

MATTHEW 7:11

Angān adi arap, angān puan adŭp ngan nggen kayuh kana di anak ngan. Ka rabis-i Sama ngan adi di shorga, an nggen kayuh kana di ngara adi mite so Ayŭh!

LUKE 15:18

Kiang ku matak adŭ ka yŭn sama ku ka nang, “Sama, aku mbŭh bidosa rawan Tapa ka rawan kaam.

LUKE 15:21

‘Sama,’ anak anŭ nang, ‘Aku mbŭh bidosa rawan Tapa ka rawan kaam. Aku mbŭh dŭh patut dog kadŭn anak mai tia.’

LUKE 2:14

“Bragah ka Tapa di rangit siabo bigatung ka damai di ong yŭn ngara adi pimunos asŭng-I!”

JOHN 20:17

“Dŭhnyah tama Aku,” Jesus nang di ayŭh, “sabab Aku gibayuh maad ka Sama. Pak di ka bara jurud Ku ka kidaan di ngara Aku re pari ka Ayŭh adi Sama Ku ka adi Sama ngara, Tapa Ku ka Tapa ngara.”

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

ROME 8:15

Amai Roh adi Tapa nggen di angān dŭh-I bada angān jadi urun ka bada angān taru; Roh Kudus bada angān jadi bara anak Tapa kidŭ-i, ka sabab Roh Kudus ata bagan Tapa, “Sama! Sama ku!”

GALATIA 1:1

So Paul, adi jadi pinyuruh dŭh so pinyiraan manusia puan kah so pingatur manusia, pak so adŭp Jesus Kristus samŭn so Tapa Sama, adi pakat Ayŭh so kabŭs.

GALATIA 4:6

Ngga kiren adŭp ngan mbŭh bara anak-I, Tapa mbŭh pait Roh Anak-I ka darŭm atin ta, adi bagan, “Sama, Sama ku.”

1 TIMOTHY 6:16

Ayŭh sadi adi udip adu adu; Ayŭh agi darŭm jawa adi mating daya tungang nyindŭk. Gi-mating daya tungang kiris Ayŭh. Di Ayŭh inŭh stabi ngga kuasa adi tan adu adu! Amen.

1 PETER 1:17

Angān bagan Ayŭh Sama, kan angān simayang nyambah Ayŭh. Ayŭh ngayag sopŭrŭg daya nanyam ka kraja ngara, dŭh mien asi asi. Ngapŭi meh, sitian angān babŭ di ong ati, angān an stabi di Ayŭh.

PINANDŬNG 4:11

“Tuhan ami ka Tapa ami! Kaam inŭh adi patut kambat bragah, stabi, ngga kuasa. Amai Kaam inŭh adi napa sopŭrŭg kayuh, ka ngga pinyiraan Mai ngara mbŭh agi, buang udip.”

PINANDŬNG 5:12

ka biragu ngga sirŭŭn bana, nang: “Anak Biri adi ko dog siŭ inŭh patut kambat kuasa, pinyikaya, pinyibijak, ka pinyibake, stabi, bragah, ngga puji!”