MATTHEW 6:24 - Hakcipta - Biatah Bidayuh

²⁴ “Mating daya bisa jadi urun duwŭh naan tuan; ayŭh re tiru di sianŭ ndi ka rindu di sianŭ ndi; ayŭh re tŭtŭd ngga sianŭ ndi ka ngamun sianŭ ndi. Angān dŭh bisa bituan di Tapa buang bituan di duit.

MATTHEW 6:24 ပူးပေါင်းရင်းမြစ်များ

TIBIRIK 47:17

Jadi ngara taban dāng kudip ngara ka yŭn Joseph, ka ayŭh nggen pinguman di ngara ngga nyambi kuda, biri, kambing, sapi, ka kaldi ngara. Di sawa anŭ ayŭh nggen di ngara pinguman ngga nyambi sopŭrŭg dāng ngara.

1 RAJA 18:21

Elijah di ka yŭn bara daya ka nang, “Ndŭg sinde angān gibabŭ ndai pikir ngan? Kambŭi TUHAN inŭh Tapa, nyambah Ayŭh; pak kambŭi Baal inŭh Tapa, nyambah Baal!” Bara daya dŭh nang ani ani.

2 RAJA 17:41

Jadi sunggu ngara nyambah TUHAN, ngara babŭ gŭh nyambah tibudo ngara; ka ndŭg andu ati bara sesang ngara babŭ ndai simŭnŭ.

EZEKIEL 20:39

TUHAN Raja nang, “Ka madin, sopŭrŭg ngan daya Israel, ndai adŭ nanyam pinyiraan adŭp ngan! Nyambah tibudo ngan! Pak Aku bakan angān nang ripas anŭ angān re dŭh siŭn dŭh nundok di Aku ka dŭh tia nyembar adŭn kudus Ku ngga kraja ngan adi dŭh stabi di Aku, anŭ inŭh jugan pinganggen ngan ka tibudo ngan.

ZEPHANIAH 1:5

Aku re pirabur tadŭ tadŭ daya adi maad ka tibung ramin ka nyambah batŭh andu, buran, ka bitang bitang. Aku gŭh re pirabur daya adi nyambah Aku ka bipayu an tŭtŭd di Aku, pak komŭnŭ bipayu ngga dŭn tapa Molech.

MATTHEW 4:10

Ka Jesus nam, “Bu, Shetan! Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

LUKE 16:11

Jadi meh, kambŭi angān dŭh tŭtŭd darŭm ngatur kaya ong, simuki meh angān re bisa dog sabah di pinyikaya adi sawŭ?

LUKE 16:13

“Mating daya-gaji bisa jadi urun duwŭh naan tuan, amai ayŭh re tiru di ndi, ka rindu di sianŭ ndi; puan kah tŭtŭd di siati, ka ngamun sianŭ ndi. Angān dŭh bisa bituan di Tapa buang bituan di duit.”

LUKE 16:9

Ka Jesus pijuu minyu, nang-I, “Ngapŭi Aku kidaan di angān: pakai meh pinyikaya ong ati ngga ndai dingan, isa kan-i mbŭh abo, angān re dog kambat ka darŭm arŭn adi tan adu adu.

GALATIA 1:10

Darŭm aku minyu sakanŭ, agi kah aku sak adi jiroh daya nyibandar adŭp ku? Taŭn aku dŭh! Kayuh adi aku raan inŭh pinyibandar so Tapa! Agi kah aku ati sak adi suba an pimunos asŭng daya? Kambŭi mun anŭ, aku dŭh urun Kristus.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

2 TIMOTHY 4:10

Demas mbŭh awang ong ati ka mbŭh tagan aku, di ka Thessalonica. Crescens di ka Galatia, ka Titus di ka Dalmatia.

JAMES 4:4

Angān daya adi dŭh tŭtŭd di Tapa! Dŭh kah angān puan nang bidingan ngga ong sirati-i jadi pinganyu Tapa? Kambŭi angān raan bidingan ngga ong, angān mbŭh bada adŭp ngan jadi pinganyu Tapa.

JOSHUA 24:15

Kambŭi angān dŭh raan bituan di Ayŭh, natu pikir-kira ngan andu ati, asi adi re ngan yŭn bituan; tapa tapa adi tayung-babuk ngan nyambah di Mesopotamia, puan kah tapa tapa daya Amor adi muko dapu tarun tana adi yŭn ngan rŭŭ madin. Pak aku ngga rawang ku, kieh re bituan di TUHAN.”

1 SAMUEL 7:3

Samuel nang di daya Israel, “Kambŭi angān an pari ka TUHAN ngga siabo atin ngan, angān dŭh siŭn dŭh taran sopŭrŭg tapa saruh ngga gayŭn gayŭn tapa Astart. Nitah adŭp ngan ngga sipuno puno-i ka TUHAN ka nyambah Ayŭh sadi adŭ, ka Ayŭh re piruah angān so kuasa daya Philistine.”