MATTHEW 6:20 - Hakcipta - Biatah Bidayuh

²⁰ Pak, nugung buat-rata ngan di shorga, di yŭn gŭgŭt ka tagar dŭh bisa pirusak, ka pirupak dŭh bisa mirupak ka naku.

MATTHEW 6:20 ပူးပေါင်းရင်းမြစ်များ

ISAIAH 33:6

ka nggen damai di daya-I. Ayŭh ari grindung daya-I ka nggen pinyibijak ngga pinyipuan di ngara. Rata bās ngara inŭh udip stabi buang taru di TUHAN.

MATTHEW 19:21

Jesus nang di ayŭh, “Kambŭi kuu raan jadi sukup kana, panu di jua sopŭrŭg adi kuu biyŭn ka nggen duit anŭ di daya adi sirata, ka kuu re biyŭn pinyikaya di shorga; komŭnŭ ja, tunda Aku.”

MATTHEW 6:19

“Dŭhnyah nugung buat-rata ngan di ong, di yŭn gŭgŭt ngga tagar bisa pirusak, ka pirupak bisa mirupak ka naku.

MARK 10:21

Jesus tirek ayŭh ngga atin rindu ka nang, “Dŭm ndi kayuh adi kuu patut ndai. Di jua sopŭrŭg kayuh adi kuu biyŭn ka nggen duit anŭ di daya sirata, ka kuu re biyŭn rata di shorga; komŭnŭ ja tunda Aku.”

LUKE 12:33

Jua sopŭrŭg kayuh adi angān biyŭn ka nggen duit anŭ di daya sirata. Ndai yŭn adŭp ngan kambut duit adi dŭh bisa rusak, ka nyikŭn buat-rata ngan di shorga. Diginŭ rata ngan dŭh bisa kurang, amai pinaku dŭh dapŭd nyindŭk-i ka gŭgŭt dŭh dapŭd pirusak-i.

LUKE 18:22

Kan Jesus dingah sakanŭ, Ayŭh nang di ayŭh, “Dŭm ndi kayuh adi patut kuu ndai. Jua sopŭrŭg kayuh adi kuu biyŭn ka nggen duit anŭ di daya sirata, ka kuu re dapŭd buat-rata di shorga; ko ndai simŭnŭ, kuu bisa tunda Aku.”

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

1 TIMOTHY 6:19

Simuti ngara re nguruk yŭn adŭp-i rata adi re jadi pimŭnŭs adi tagap yŭn tipuh adi re mandŭg. Mun anŭ ngara re dapŭd upah, anŭ inŭh udip adi sawŭ adi tan adu adu.

HEBREW 10:34

Angān mbŭh samah kinyam pinyusah daya-takap, ka kan sopŭrŭg rata ngan dog sirapas, angān nyijŭn ngga sanang asŭng, sabab angān puan nang adŭp ngan babŭ biyŭn anŭ adi kana dŭ, adi tan adu adu.

HEBREW 11:26

Ayŭh puan nang kinyam sangsara yŭn Kristus mbŭh jo biguna dŭ so sopŭrŭg pinyikaya Egypt, amai ayŭh nŭtŭn tingga upah adi re mandŭg jŭ.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

1 PETER 1:4

Ngapŭi ata harap adŭp ta re dapu berkat bās anŭ adi Tapa mbŭh sidia yŭn daya-I. Ayŭh nyikŭn-i di shorga yŭn ngan, di yŭn-i dŭh bisa madam, rusak, puan kah asab.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

PINANDŬNG 2:9

Aku puan pinyusah mu; Aku puan kuu sirata, pak kuu sawŭ kaya! Aku puan pinganang arap adi daya nang maka kuu. Ngara nang adŭp-i daya Jahudi pak sibandar-i dŭh. Ngara inŭh tibaran adi dog dapu Shetan!