MATTHEW 6:16 - Hakcipta - Biatah Bidayuh

¹⁶ “Kan angān bipusa, dŭhnyah kiren raŭn ngan susah mun ngara adi pingadong. Ngara ndai adŭp-i mun adi sangsara isa daya puan ngara bipusa. Puan meh, ngara mbŭh dog bayar ngga sipuno-i.

MATTHEW 6:16 ပူးပေါင်းရင်းမြစ်များ

2 SAMUEL 12:16

David bidua ka Tapa mite anak anŭ bua. Ayŭh dŭh an man tadŭ tadŭ kayuh, ka barang ngarŭm di birit-i ayŭh guring di samen.

2 SAMUEL 12:21

“Kieh dŭh mirati kayuh ati,” bara pinurung-i nang di ayŭh. “Sitadŭn anak anŭ gibabŭ udip, kaam sien buang dŭh an man; pak kan ayŭh mbŭh kabŭs, kaam makat ka man!”

1 RAJA 21:27

Kan Elijah muko minyu, Ahab nyiratak piraka-i, pirukos-i, ka kasŭk banang guni. Ayŭh abah man, ka bŭŭs nēn banang guni, ka panu susah buang bipito.

NEHEMIAH 1:4

Kan aku dingah sopŭrŭg anŭ, aku guru ka sien. Barang andu aku sien ka dŭh raan man. Aku bidua ka Tapa,

ESTHER 4:16

“Panu di bada sopŭrŭg daya Jahudi tikuruk di Susa. Bada ngara bipusa ka bidua yŭn ku. Dŭhnyah man bait nok tadŭ tadŭ kayuh sitŭkŭd taruh andu taruh ngarŭm. Bara dayung ku adi mara ngga adŭp ku re ndai simŭnŭ gŭh. Ripas anŭ, aku re di ka yŭn raja, sunggu-i miranggar ukum-adat aku ndai simŭnŭ. Kambŭi aku patut kabŭs amai aku ndai simŭnŭ, isa-i aku kabŭs.”

MAZMUR 109:24

Karŭb ku ramah amai dŭh man; aku ati kurit ngga turang adŭ.

MAZMUR 35:13

Pak kan ngara mandam, aku nēn piraka ngurid; aku pijo adŭp ku so pinguman; aku bidua ka mutu ubak ku;

MAZMUR 69:10

Aku pirapat adŭp ku ngga bipusa, ka daya pimangŭh aku;

DANIEL 9:3

Aku bidua ngga siabo asŭng ku ka TUHAN Tapa, mite masi so Ayŭh, buang aku bipusa, nēn banang guni, ka guru di apŭk.

MALACHI 3:14

Angān mbŭh nang, ‘Dŭh-i biguna nŭŭh bituan di Tapa. Ani utung-i nŭŭh ndai kayuh adi-I bada nŭŭh ndai, bait suba kiren di TUHAN Bisa-pŭrŭg nŭŭh nyesar amai kayuh adi nŭŭh mbŭh ndai?

MATTHEW 6:1

“Ingat meh, dŭhnyah angān ndai kraja adat di sirung jawin daya bagŭ isa daya kiris pingandai ngan. Kambŭi angān ndai simŭnŭ, angān dŭh re kambat upah so Sama ngan adi di shorga.

MATTHEW 6:2

“Jadi kan angān nggen kayuh di daya adi sutok, dŭhnyah ndai-i ngga atin mirawa, nimun bara pingadong ndai urah-i di ramin simayang ka di aran passar. Ngara ndai simŭnŭ isa daya muji ngara. Puan meh, ngara mbŭh dog bayar ngga sipuno-i.

MATTHEW 6:5

“Kan angān simayang, dŭhnyah mun daya adi pingadong! Ngara suka mijog simayang di ramin simayang ka di sikuh tarun di aran passar, isa daya kiris ngara. Puan meh, ngara mbŭh dog bayar ngga sipuno-i.

MARK 2:18

Ko ndi sidah kan bara pinunda John Pembaptisa ka pinunda bara daya Pharisee bipusa, kada daya mandŭg tudu Jesus ka siken Ayŭh, “Mani bara murid John Pembaptisa ka murid daya Pharisee bipusa, ka jamai dŭh?”

LUKE 18:12

Aku bipusa piduwŭh kari darŭm ndi minggu, ka aku jugan ka Kaam ndi utung darŭm simŭng so pinyidapŭd ku.’

PINGANDAI 10:30

Cornelius nang, “Kira ka taruh andu adi mbŭh ripas, ngga arong jam ati gŭh, kan aku simayang di ramin ku ngga arong pukor taruh ripas kumbeng, gŭgŭh agi ndi naan daya nēn piraka adi bringam mijog di sirung jawin ku

PINGANDAI 14:23

Di barang eklisia ngara tijuan nyamba nyamba eklisia, ka ngga simayang ka bipusa ngara nyerah ngara ka darŭm tangan Tuhan, adi ngara sabah.

1 CORINTH 7:5

Dŭhnyah abah pimunos dingan ngan, adŭ-i kambŭi so-duwŭh ngan ko samah situju an mbit pluang nyitiro yŭn simayang; pak ripas anŭ angān an pari mun adi mbŭh ngga dingan ngan. Simŭnŭ angān re bisa pijo adŭp ngan so pinyisuba Shetan adi an dog angān sitagar kurang jaga adŭp so pinyiripong adi sarah.

2 CORINTH 11:27

Aku mbŭh bandar nyiraja ka siraru dŭh bŭŭs; aku mbŭh darŭm sibŭrŭk ngga badŭh asŭng; aku siraru dŭh biyŭn sukup pinguman, puan kah sutok tarun yŭn rŭŭ, puan kah kurang piraka.

2 CORINTH 6:5

Kieh mbŭh dog pukong, dog jer, dog tawa; kieh mbŭh nyiraja rabis so patut, ndŭg dŭh bŭŭs bait man.