MATTHEW 6:10 - Hakcipta - Biatah Bidayuh

¹⁰ Kaam inŭh adi raja ami. Isa-i Kaam mritah di ong, ka isa-i pinyiraan Mai jadi di ong nimun di shorga.

MATTHEW 6:10 ပူးပေါင်းရင်းမြစ်များ

NEHEMIAH 9:6

Komŭnŭ daya Israel nang dua ati: “Kaam, TUHAN, Kaam sadi adŭ TUHAN; Kaam napa rangit ka bitang bitang di rangit. Kaam napa tana ka rawŭt ka sopŭrŭg isi-i; Kaam bada sopŭrŭg kayuh udip. Kuasa kuasa di rangit mutu ka nyambah Kaam.

MAZMUR 2:6

“Di Zion, sandah kudus Ku,” Ayŭh nang, “Aku mbŭh piguru raja Ku.”

MAZMUR 40:8

Aku rindu ndai pinyiraan Mai, Tapa ku! Aku nyikŭn ajar Mai darŭm atin ku.”

ISAIAH 2:2

Di tipuh adi re mandŭg sandah di yŭn Ramin TUHAN mijog re jadi adi siabo bigatung, bigatung so sopŭrŭg sandah. Bagŭ bangsa re birumbek kamanŭ,

JEREMIAH 23:5

TUHAN nang, “Tika-i re mandŭg adi ngga Ku re mien bada jadi raja ndi naan sesang David adi tŭnggŭn. Raja anŭ re mritah ngga bijak ka ndai kayuh adi batur ka tŭnggŭn di ndi tarun tana rais.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 7:13

Darŭm kayuh anŭ adi dog kiris keya ka darŭm pŭmŭh ngarŭm anŭ, aku kiris kayuh mun manusia. Ayŭh mandŭg tudu aku, dog kirurung abun, ka ayŭh di ka sianŭ adi udip ndŭg situi tui ka dog taban ka yŭn-I.

DANIEL 7:27

Kuasa ngga sangŭn sopŭrŭg pritah di ong re dog nggen di daya Tapa adi Siabo Bigatung. Kuasa-raja ngara dŭh re mungan ka sopŭrŭg pimritah di ong re bituan ka nundok di ngara.”

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MATTHEW 12:50

Asi asi adi ndai pinyiraan Sama Ku adi di shorga inŭh jurud dari Ku, jurud dayung Ku, ka sindŭ Ku.”

MATTHEW 16:28

Puan meh! Agi kada ngara digiti dŭh re kabŭs sibayuh ngara kiris Anak Manusia mandŭg nimun Raja.”

MATTHEW 26:42

Jesus pari dinge di simayang, “Sama Ku, kambŭi makuk jera-birasa ati dŭh bisa dog kadi adŭ-i Aku nok-i, isa-i jadi nanyam pinyiraan Mai.”

MATTHEW 3:2

“Dŭh tia bidosa pak marik pimudip ngan pari ka Tapa,” ayŭh nang, “sabab dŭm dŭh tui Tapa re mritah!”

MATTHEW 4:17

So nganŭ Jesus piguru nyuse ajar-I: “Dŭh tia bidosa pak marik pimudip ngan pari ka Tapa, sabab dŭm dŭh tui Tapa re mritah!”

MATTHEW 7:21

“Dŭh sopŭrŭg daya adi bagan Aku ‘Tuhan, Tuhan’ re kinyam Pinyipritah Tapa, adŭ-i ngara adi ndai pinyiraan Sama Ku adi di shorga.

MARK 11:10

Biberkat inŭh pinyipritah-I adi re mandŭg, pinyipritah Raja David adi babuk ta! Puji ka Tapa!”

MARK 3:35

Asi asi adi ndai kayuh adi Tapa bada ayŭh ndai inŭh jurud dari Ku, jurud dayung Ku, sindŭ Ku.”

LUKE 19:11

Darŭm daya babŭ nyiringa Ayŭh, Jesus pijuu ka nyidundan ndi upama di ngara. Ayŭh madin mbŭh dŭh jo so Jerusalem, ka ngara pikir Tapa mbŭh re rikas mritah.

LUKE 19:38

“Tapa nyiberkat raja adi mandŭg ngga adŭn Tuhan! Damai di shorga ngga bragah ka Tapa!”

LUKE 22:42

“Sama,” Ayŭh nang, “kambŭi Kaam raan, tambit makuk jera-birasa ati so Aku. Sunggu mŭnŭ dŭhnyah nurut pinyiraan Ku, pak ndai adŭ pinyiraan Mai.”

JOHN 4:34

“Pinguman Ku,” Jesus nang di ngara, “inŭh tunda pinyiraan-I adi pait Aku, ka ngamas kraja adi-I bada Aku ndai.

JOHN 6:40

Amai pinyiraan Sama Ku inŭh ngara adi kiris Anak ka sabah di Ayŭh patut dapŭd udip adi sawŭ adi tan adu adu. Ka Aku re pakat ngara di andu sikasŭn.”

JOHN 7:17

Asi asi adi raan ndai pinyiraan Tapa re puan so ki kayuh adi Aku ngajar mandŭg, so Tapa kah so kuasa adŭp Ku.

PINGANDAI 13:22

Ka kan-I ko kadi ayŭh, Tapa bada David jadi raja ngara. Ati inŭh kayuh adi Tapa nang pasar ayŭh: ‘Aku mbŭh dapŭd David anak Jesse daya adi Aku suka, adi re ndai sopŭrŭg kayuh adi Aku bada ayŭh ndai.’

PINGANDAI 21:14

Kieh dŭh tungang bitan ayŭh, ka kieh tandah buang nang, “Isa-i kayuh jadi nanyam pinyiraan Tuhan.”

PINGANDAI 22:14

Ayŭh nang, ‘Tapa tayung-babuk ta mbŭh mien kuu da puan pinyiraan-I, da kuu kiris Urun-I adi tŭnggŭn, ka da kuu dingah Ayŭh minyu ngga sirŭŭn adŭp-I.

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

EPHESUS 6:6

Nurut pinganang ngara dŭh di tika ngara nyibatŭh angān adŭ, amai an kana di batŭh ngara; pak ngga siabo asŭng ngan ndai pinyiraan Tapa, nimun urun Kristus.

COLOSSAE 1:13

Ayŭh nyiramat ata so kuasa karŭm ka taban ata darŭm siramat ka darŭm pinyipritah Anak-I adi-I rindu;

COLOSSAE 1:9

Sabab anŭ meh, kieh mbŭh siraru simayang yŭn ngan, so andu kieh dingah pasar angān. Kieh mite Tapa ngisi angān ngga pinyipuan pasar pinyiraan-I, ngga sopŭrŭg pinyibijak ngga pinyimirati adi Roh-I nggen.

1 THESSALONICA 4:3

Amai pinyiraan Tapa inŭh, angān jadi kudus, buang jo so pimudip adi dŭh tatu darŭm pingandai kais.

1 THESSALONICA 5:18

an ari biyŭn atin trima kaseh di tadŭ nga-i darŭm sopŭrŭg kayuh. Ati inŭh kayuh adi Tapa raan di angān darŭm angān udip ndi ngga Kristus Jesus.

HEBREW 1:14

Ani bara malaikat? Ngara anŭ roh adi bituan di Tapa, adi-I pait da turung sinadan daya adi re kambat pinyiramat.

HEBREW 10:36

Angān an sabar, siŭn angān tungang ndai pinyiraan Tapa ka kambat kayuh adi-I bijanji an nggen.

HEBREW 10:7

Jadi Aku nang, ‘Ta Aku, O Tapa, an ndai pinyiraan Mai, nimun adi dog nuris pasar Aku darŭm surat Ukum-adat,’ ”

1 PETER 2:15

Amai Tapa raan angān pirŭŭ piminyu bawa daya adi budo ngga pingandai kana ngan.

1 PETER 4:2

So madin meh, sitŭkŭd angān udip di ong ati, angān dŭh siŭn dŭh dog nguasa pinyiraan Tapa, dŭh pinyiraan manusia.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 12:10

Komŭnŭ aku dingah sirŭŭn bana di shorga nang, “Madin pinyiramat so Tapa mbŭh mandŭg! Madin Tapa mbŭh kiren kuasa-I nimun Raja! Madin Kristus-I mbŭh kiren kuasa-I! Amai sianŭ adi mijog sandu singarŭm di sirung jawin Tapa ka nyarah bara adi sabah, mbŭh dog taran so shorga.

PINANDŬNG 19:6

Komŭnŭ aku dingah jawŭn kayuh sak bara daya bagŭ, sak jawŭn piin ribuan, sak dudū. Aku dingah ngara nang, “Puji Tapa! Amai Tuhan adi Tapa Bisa-pŭrŭg, inŭh Raja!

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.