MATTHEW 6:1 - Hakcipta - Biatah Bidayuh

¹ “Ingat meh, dŭhnyah angān ndai kraja adat di sirung jawin daya bagŭ isa daya kiris pingandai ngan. Kambŭi angān ndai simŭnŭ, angān dŭh re kambat upah so Sama ngan adi di shorga.

MATTHEW 6:1 ပူးပေါင်းရင်းမြစ်များ

2 RAJA 10:16

buang nang, “Tunda aku ka tingga ngga batŭh adŭp mu munki masam tŭtŭd aku di TUHAN.” Ka ngara samah pakai krita kuda anŭ di ka Samaria.

2 RAJA 10:31

Pak Jehu dŭh tunda ngga siabo asŭng-i ukum-adat TUHAN, adi Tapa Israel. Tibarik ayŭh tunda urah Jeroboam, adi taban Israel bidosa.

MAZMUR 112:9

Ayŭh nggen ngga siabo asŭng di daya adi sirata, ka atin mandis-i dŭh re arah; ayŭh re puno ngga kuasa buang dog stabi.

EZEKIEL 33:31

Jadi daya Ku tikuruk an dingah kayuh adi kuu nang, pak ngara dŭh ndai kayuh adi kuu bada ngara ndai. Pinganang adi kana ruah so baba ngara, pak ngara babŭ udip tama.

DANIEL 4:27

Jadi meh, Tuan Raja, tunda pinyitayan ku. Dŭh tia bidosa, ndai kayuh adi batur, ka masi di daya adi sirata. Simŭnŭ kaam re adu adu mujur.”

ZECHARIAH 13:4

Kan tika anŭ mbŭh mandŭg, mating nabi re ngangŭn kayuh adi-i kiris keya ka darŭm pŭmŭh, bait ndai adŭp-i bada mun nabi, puan kah nēn piraka nabi adi piburuh ngga-i nipu daya.

ZECHARIAH 7:5

Ayŭh nang, “Kidaan di bara daya tarun tana rais ati ngga bara imam nang kan ngara bipusa ka ngurid darŭm buran rimŭh ngga buran ju darŭm tipuh ju puru sawa ati, dŭh-i ngga stabi di Aku.

MATTHEW 16:27

Amai Anak Manusia mbŭh re rikas mandŭg darŭm bragah Sama-I ngga bara Malaikat-I, ka-I re ngupah barang naan daya nanyam ka pingandai-i.

MATTHEW 16:6

Jesus nang di ngara, “Ingat nŭh; nakit jaga adŭp ngan so ragi daya Pharisee ka daya Sadducee.”

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [

MATTHEW 23:5

Ngara ndai bagŭ masam kayuh isa daya kiris. Tingga nŭh anak kutak adi brisi ngga ayat ayat pinganang Surat-kudus adi ngara na di arŭ ka di tangan ngara, ka tingga munki masam ramba-i! Ka ngatin gŭh munki masam ambu-i taris taris-abuh di jipo ngara!

MATTHEW 25:40

Raja anŭ re nam, ‘Aku kidaan di angān, tiap kari angān ndai simŭnŭ di ndi naan so bara pinunda Ku ati adi siabo sŭ darŭm pangkat-i, angān mbŭh ndai-i di Aku!’

MATTHEW 5:16

Simŭnŭ gŭh jawa ngan dŭh siŭn dŭh nyirinyak di sirung jawin daya, isa ngara kiris kraja kana ngan ka muji Sama ngan di shorga.

MATTHEW 5:46

Re ngga mani Tapa ngupah angān kambŭi angān rindu daya adi rindu angān adŭ? Adŭp daya pinsuke ndai gŭh simŭnŭ!

MATTHEW 5:48

Angān dŭh siŭn dŭh an sukup kana, nimun Sama ngan di shorga agi sukup kana.

MATTHEW 6:16

“Kan angān bipusa, dŭhnyah kiren raŭn ngan susah mun ngara adi pingadong. Ngara ndai adŭp-i mun adi sangsara isa daya puan ngara bipusa. Puan meh, ngara mbŭh dog bayar ngga sipuno-i.

MATTHEW 6:9

Sakati inŭh angān patut bidua: ‘Sama ami di shorga: Isa-i adŭn kudus Mai dog kibās.

MARK 8:15

“Ingat angān,” Jesus bakan ngara, “jaga adŭp ngan so ragi daya Pharisee ka ragi Herod.”

LUKE 11:35

Nakit jaga meh, isa jawa darŭm angān dŭh jadi karŭm.

LUKE 12:1

Darŭm biribu ribu bara daya mbŭh tikuruk, ndŭg ka agi adi digang kaja dingan-i, Jesus diŭ kidaan di bara murid-I, “Jaga adŭp ngan so ragi daya Pharisee, anŭ inŭh pingandai kadong ngara.

LUKE 12:15

Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 16:15

Jesus nang di ngara, “Angān inŭh bara adi ndai adŭp-i mun adi batur di batŭh daya, pak Tapa puan atin ngan. Amai kayuh adi dog nyirundeng raru brega di manusia agi au-tarun di batŭh Tapa.

JOHN 12:43

Ngara rindu dŭ dapŭd puji so manusia so dapŭd puji so Tapa.

JOHN 5:44

Angān suka kambat puji so dingan ngan, pak angān bŭn suba jiroh puji so sianŭ adi sadi-I Tapa; simuki meh garang angān re tungang sabah Aku?

PINGANDAI 3:12

Kan Peter kiris bara daya anŭ, ayŭh nang, “Bara dingan ku daya Israel, mani angān gŭgŭh kiris kayuh adi mun ati, ka mani angān tirek kieh? Angān pikir kieh ndai kayuh ati ngga kuasa adŭp ami kah, puan kah sitagar ami ati raru kana di batŭh Tapa?

GALATIA 6:12

Daya adi suba an takan angān da bisunat taŭn-i mbŭh daya adi raan mirawa buang mingangŭn pasar kayuh adi tungang dog kiris. Ngara ndai simŭnŭ ngga-i mangān adŭp-i dog kisiis sitagar rigang Kristus.

DITRONOMI 24:13

Pari jipo anŭ barang ngumi, isa agi ngga-i sitabun bŭŭs singarŭm. Simŭnŭ ayŭh re raru sanang asŭng di angān, ka TUHAN adi Tapa ngan re munos asŭng-I di angān.

HEBREW 11:26

Ayŭh puan nang kinyam sangsara yŭn Kristus mbŭh jo biguna dŭ so sopŭrŭg pinyikaya Egypt, amai ayŭh nŭtŭn tingga upah adi re mandŭg jŭ.

HEBREW 2:1

Anŭ inŭh sabab ata dŭh siŭn dŭh an rabis tagap bidigŭng di ajar ajar anŭ adi ata ko dingah, isa ata dŭh manyap.

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

2 JOHN 1:8

Bijaga meh, isa kuu ngga bara anak mu dŭh kinanyap kayuh adi kieh ko ndai yŭn ngan; kambŭi angān dŭh kinanyap-i, angān re kambat upah ngan ngga sipuno-i.