MATTHEW 5:46 - Hakcipta - Biatah Bidayuh

⁴⁶ Re ngga mani Tapa ngupah angān kambŭi angān rindu daya adi rindu angān adŭ? Adŭp daya pinsuke ndai gŭh simŭnŭ!

MATTHEW 5:46 ပူးပေါင်းရင်းမြစ်များ

MATTHEW 11:19

Kan Anak Manusia mandŭg, Ayŭh man nok, ka sopŭrŭg daya nang, ‘Tingga daya ati! Ayŭh daya pirusong ka pimabuk, bidingan ngga daya pinsuke ka daya adi dog tirawan!’ Pinyibijak Tapa, sunggu mŭnŭ, taŭn tatŭng sawŭ darŭm kraja pingandai daya adi trima pinyibijak anŭ.”

MATTHEW 18:17

Ka kambŭi ayŭh abah dingah pinganang ngara, kuu bisa kidaan sopŭrŭg-i di eklisia. Sikasŭn-i, kambŭi ayŭh abah dingah pinganang eklisia, bada ayŭh jadi keya ka daya adi dŭh puan Tapa puan kah mun daya pinsuke.

MATTHEW 5:47

Ka kambŭi angān minyu di jerā ngan adŭ, ani bŭkŭn-i? Daya adi dŭh puan Tapa pandai gŭh ndai simŭnŭ!

MATTHEW 6:1

“Ingat meh, dŭhnyah angān ndai kraja adat di sirung jawin daya bagŭ isa daya kiris pingandai ngan. Kambŭi angān ndai simŭnŭ, angān dŭh re kambat upah so Sama ngan adi di shorga.

MARK 2:15

Ripas anŭ Jesus guru man di ramin Levi. Bagŭ pinsuke samŭn daya adi dog tirawan tunda Jesus. Ka bagŭ ngara sua man ngga Ayŭh samah bara murid-I.

MARK 2:16

Agi kada so bara gurū Ukum-adat Jahudi, adi bara Pharisee, kiris Jesus man ngga bara daya adi dog tirawan anŭ samŭn bara pinsuke, ka ngara siken bara murid-I, “Mani Ayŭh biruman ngga bara daya adi mun anŭ?”

LUKE 15:1

Ndi andu, kan bagŭ daya pinsuke ka daya adi dog tirawan mandŭg an dingah Jesus,

LUKE 18:13

Pak daya pinsuke anŭ mijog jo, dŭh-i an nyigura ka rangit, pak nupap sudo-i ka nang, ‘Tapa, masi di aku daya bidosa!’

LUKE 19:2

Diginŭ agi pingubak pinsuke adi kaya, dŭn Zacchaeus.

LUKE 19:7

Sopŭrŭg daya adi kiris piguru mingungut, “Daya ati mbŭh jadi pingabang di ramin daya bidosa!”

LUKE 3:12

Kada daya pinsuke, mandŭg an kambat baptisa, siken ayŭh, “Gurū, ani re ami ndai?”

LUKE 5:29

Komŭnŭ Levi ndai gawai bās di ramin-i yŭn Jesus, ka di dupan bara pingabang mbŭh bagŭ bara pinsuke samŭn daya bŭkŭn.

LUKE 5:30

Kada daya Pharisee samŭn kada gurū Ukum-adat Jahudi adi so tibaran Pharisee, ngadu di murid murid Jesus. “Mani angān man nok ngga bara pinsuke ka bara daya adi dog tirawan?” ngara siken.

LUKE 7:29

Sopŭrŭg daya samŭn bara pinsuke dingah Jesus nang kayuh anŭ. Ngara inŭh adi mbŭh tunda pinyiraan Tapa buang mbŭh kambat Baptisa John.

LUKE 7:34

Anak Manusia mandŭg, Ayŭh man nok, ka angān nang, ‘Tingga daya ati! Ayŭh pirusong buang pimabuk, bidingan ngga daya pinsuke ka daya adi dog tirawan!’