MATTHEW 5:44 - Hakcipta - Biatah Bidayuh

⁴⁴ Pak madin Aku kidaan di angān: rindu pinganyu ngan ka simayang yŭn ngara adi kisiis angān,

MATTHEW 5:44 ပူးပေါင်းရင်းမြစ်များ

2 RAJA 6:22

“Dŭhnyah,” Elisha nam. “Sopŭrŭg soldadu adi kuu nakap darŭm biperang kuu dŭh siŭn siŭ. Bada ngara man nok, komŭnŭ bada ngara pari ka yŭn raja ngara.”

PITAS 19:11

Kambŭi kuu bijak, kuu dapŭd jaga baji tuas mu. Kan daya ndai sarah di kuu, pinyikana bās inŭh kuu apun ayŭh.

LUKE 23:34

Jesus nang, “Sama, apun ngara! Ngara dŭh puan kayuh adi ndai-i.” Ngara kutung piraka-I dupan adŭp ngara, pakai dadu.

JOHN 13:34

Madin Aku nggen di angān Pinyipesan adi bauh: rindu dingan ngan. Nimun Aku mbŭh rindu angān, simŭnŭ gŭh angān rindu dingan ngan.

PINGANDAI 16:28

Pak Paul nang ngga sirŭŭn bana, “Dŭhnyah ida ida ngga adŭp mu! Sopŭrŭg ami agi digiti!”

PINGANDAI 7:60

Ka ayŭh sidikang ka nyirais nang, “Tuhan, apun dosa ngara!” Ko-i nang sakanŭ, ayŭh kabŭs.

ROME 12:14

Mite Tapa nyiberkat ngara adi kisiis angān; sawŭ, mite Tapa nyiberkat ngara ka dŭh mangu ngara.

1 THESSALONICA 5:15

Dŭhnyah angān maras arap ngga arap, pak isa-i barang naan angān gruwŭn ndai kana di dingan ngan ka di sopŭrŭg daya.

1 PETER 2:23

Kan Ayŭh dog pimangŭh, Ayŭh dŭh maras ngga pinganang adi arap; kan Ayŭh jera-birasa Ayŭh dŭh natang daya, pak na pingarap-I di Tapa, arang adi tŭnggŭn.

1 PETER 3:9

Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

1 SAMUEL 24:17

Komŭnŭ ayŭh nang di David, “Batur kuu, ka aku inŭh adi sarah. Kuu mbŭh raru kana ngga aku darŭm aku mbŭh ndai sarah di kuu!