MATTHEW 5:29 - Hakcipta - Biatah Bidayuh

²⁹ Jadi kambŭi batŭh tauh ngan bada angān bidosa, tuket-i ka taran! Kana dŭ inŭh angān kambet so ndi pŭrŭng ganan ngan dog taran ka darŭm apui neraka.

MATTHEW 5:29 ပူးပေါင်းရင်းမြစ်များ

MATTHEW 10:28

Dŭhnyah taru ngara adi siŭ pŭrŭng pak dŭh biyŭn kuasa ngga siŭ simangi; pak taru meh Tapa, adi bisa pirabur pŭrŭng ngga simangi di apui neraka.

MATTHEW 11:6

Munki masam sanang inŭh ngara adi dŭh kurang sabah di Aku!”

MATTHEW 16:26

Re agi kah utung ngan kambŭi angān dapu ndi ong ong pak kinanyap udip adi sawŭ adi tan adu adu? Manŭn dŭh! Mating kayuh bisa ngan ngga nyambi udip adi sawŭ anŭ.

MATTHEW 17:27

Ata dŭh an nggen mangŭh di daya. Di ka danu ka tŭŭn pisis. Tambit sibungas iken adi nakap pisis mu, ka di baba-i kuu re dapŭd ndi kiping duit dang ngga bayar suke Ramin Tuhan ta duwŭh. Tambit-i ka bayar di ngara suke ta.”

MATTHEW 19:12

Amai agi bagŭ masam sabab-i dari dŭh dapŭd sawan: agi adi sabab ngara mbŭh dog biranak mun anŭ; adi bŭkŭn, sabab daya ndai ngara da mun anŭ; ka adi bŭkŭn dŭh sawan sabab an bituan di Tapa. Isa-i ayŭh adi tungang trima ajar ati ndai simŭnŭ.”

MATTHEW 23:15

“Mbŭh raru paya inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān birayar mutas rawŭt ka tambus barang rais ramŭn an pibŭrŭt ndi naan daya ka darŭm adat ngan; ka kan angān mbŭh dapŭd, angān bada ayŭh piduwŭh kari arap mun adŭp ngan yŭn patut dog taran ka apui neraka!

MATTHEW 23:33

Angān jippŭh ka bara anak jippŭh! Simuki meh angān re pirupas adŭp ngan so dog taran ka apui neraka?

MATTHEW 5:22

Pak madin Aku kidaan di angān: kambŭi angān baji di jurud ngan, angān re dog bisara; kambŭi angān nang di jurud ngan ‘Kuu dŭh biguna!’ angān re dog taban ka Kunsil, ka kambŭi angān nang jurud ngan sibudo adi dŭh biguna, angān re dog taran ka apui neraka.

MATTHEW 5:30

Kambŭi tangan tauh ngan bada angān bidosa, kapŭg-i ka taran! Kana dŭ inŭh angān kipang so ndi pŭrŭng ganan ngan di ka apui neraka.

MARK 8:36

Ani utung-i kambŭi daya dapŭd ndi ong ong, pak kinanyap udip adi sawŭ adi tan adu adu?

LUKE 12:5

Aku kidaan di angān asi adi angān patut taru: Taru meh Tapa, Ayŭh, ripas-I ko siŭ, biyŭn kuasa taran daya ka darŭm apui neraka. Sawŭ, Aku nang di angān, Ayŭh inŭh adi angān patut taru!

ROME 6:6

Ka ata puan nang pimudip amba ta mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog pirabur, isa ata dŭh tia jadi urun dosa.

ROME 8:13

Amai kambŭi angān udip nunda ka pinyiraan tibiat manusia, angān re kabŭs; pak kambŭi ngga Roh Kudus angān siŭ pingandai ngan adi bidosa, angān re udip.

1 CORINTH 9:27

Aku pirates adŭp ku isa aku tungang nguasa adŭp ku. Aku ndai simŭnŭ siŭn aku dŭh dog kinabah kan aku ko piagah Agah Kana di daya bŭkŭn.

GALATIA 5:24

Ka sinadan daya adi mbŭh tung Kristus Jesus mbŭh siŭ tibiat pŭrŭng ngara samŭn sopŭrŭg pinyiripong ngga pinyiraan-i.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).