MATTHEW 5:22 - Hakcipta - Biatah Bidayuh

²² Pak madin Aku kidaan di angān: kambŭi angān baji di jurud ngan, angān re dog bisara; kambŭi angān nang di jurud ngan ‘Kuu dŭh biguna!’ angān re dog taban ka Kunsil, ka kambŭi angān nang jurud ngan sibudo adi dŭh biguna, angān re dog taran ka apui neraka.

MATTHEW 5:22 ပူးပေါင်းရင်းမြစ်များ

TIBIRIK 37:4

Kan bara jurud-i kiris sama ngara rindu Joseph rabis dŭ so ayŭh rindu ngara, ngara tiru kiris sude ngara ndŭg ka ngara dŭh raan kana minyu kirakar ngga ayŭh.

TIBIRIK 37:8

Bara jurud-i siken ayŭh, “Kuu natis adŭp mu re jadi raja ka mritah kieh kah?” Jadi ngara mbŭh jadi rabis dinge tiru di ayŭh sabab pŭmŭh-i ka sabab kayuh adi-i nang pasar ngara.

2 SAMUEL 16:7

Shimei mangu ayŭh ka nang, “Bu so ti! Bu so ti! Pinyiŭ! Pinyamun!

2 SAMUEL 6:20

Ripas anŭ, kan David maad di nggen tabi di rawang adŭp-i, Michal ruah di tudu ayŭh. “Raja Israel mbŭh bandar bandar bada adŭp-i dog stabi andu ati!” ayŭh nang. “Ayŭh pirapa adŭp-i mun daya budo di sirung jawin bara daya-gaji dayung pinurung-i!”

1 RAJA 21:4

“Ahab maad, susah buang tuas amai kayuh adi Naboth mbŭh nang di ayŭh. Ayŭh guring di ambok, nura sindung, ka dŭh raan man.

2 KRONIKEL 16:10

Anŭ bada Asa raru baji di nabi anŭ ka bada ayŭh dog muak ngga parik basi. Di tika anŭ gŭh Asa piguru kinanyuh kada rayat-i.

2 KRONIKEL 19:5

Ayŭh tijuan akim di barang kupo adi bikuta di Judah

NEHEMIAH 5:8

ka nang, “Ngga situngang tungang ta, ata mbŭh miris pari bara madis ta adi samah daya Jahudi adi ko jua adŭp ngara di daya tami. Ka madin angān takan madis adŭp ngan jua adŭp ngara di angān, adi bangsa adŭp ngara!” Bara pinguru pirŭngŭt ka dŭh dapŭd nang ani ani.

MAZMUR 109:3

ka ngara nang kayuh arap pasar aku, nyerang aku ngga dŭh biyŭn pada.

MAZMUR 14:1

Sibudo nang di adŭp ngara, “Mating inŭh Tapa.” Sopŭrŭg ngara arap, ka ngara mbŭh ndai kayuh adi sipŭ; mating adŭ adi mbŭh ndai kayuh adi batur.

MAZMUR 25:3

Ngara adi sabah di Kaam dŭh re arah, pak ngara adi rikas rawan Kaam inŭh.

MAZMUR 35:19

Dŭhnyah bada pinganyu ku, bara pingadong anŭ, tawŭh aku arah. Dŭhnyah bada ngara adi tiru di aku ngga dŭh biyŭn pada tawŭh aku di punok ku.

MAZMUR 37:8

Dŭhnyah udah bipito puan kah baji; anŭ batur-i taban pinyusah adŭ.

MAZMUR 49:10

Daya siŭn tingga, daya adi bijak re kabŭs gŭh, samŭn adi budo ngga adi bawa. Sopŭrŭg ngara tingge pinyikaya ngara di sesang sesang ngara.

MAZMUR 69:4

Ngara adi tiru di aku ngga dŭh biyŭn pada agi bagŭ dŭ so sirah ubok ku. Pinganyu ku kidaan pinganang kadong rawan aku; ngara bake ka raan siŭ aku. Ngara bada aku pari kayuh adi aku dŭh naku.

MAZMUR 92:6

Anŭ inŭh kayuh adi daya budo dŭh puan; ka daya adi bawa dŭh tungang mirati:

PITAS 14:16

Daya bijak nakit kingat adŭp-i buang pijo adŭp-i so pinyusah, pak daya budo dŭh nakit kingat adŭp-i buang paŭh girungos ndai kayuh.

PITAS 18:6

Kan daya budo nimbur karit, ayŭh mite pukong.

JEREMIAH 17:11

Daya adi dapŭd duit so aran adi dŭh batur inŭh keya ka manuk mupus turoh adi dŭh adŭp-i ruwan. Kan umbur-i mbŭh piaŭn pinyikaya-i re miyap ka pinŭbŭn-i ayŭh anŭ daya budo.

PUĀS 3:52

“Aku keya ka manuk dog mirakap bara pinganyu ku adi tiru di aku ngga dŭh biyŭn pada.

DANIEL 3:13

Dingah sakanŭ, raja rasu baji ka mritah bada ngara dog taban ka yŭn adŭp-i.

DANIEL 3:19

Komŭnŭ Nebuchadnezzar mbŭh raru baji, ka jawin-i marui bireh baji di Shadrach, Meshach, ngga Abednego. Jadi ayŭh nggen ukum bada marak apui anŭ ju kari rabis paras so adi mbŭh.

OBADIAH 1:10

“Sabab angān mirupak ka siŭ jurud adŭp ngan, adi sesang Jacob, angān re dog pirabur ka dog ngamun adu adu.

OBADIAH 1:12

Angān dŭh patut angan nasip arap jurud ngan di Judah. Angān dŭh patut gaŭn di andu pinyirubuh ngara. Angān dŭh patut tawŭh ngara dog nyatŭk pinyusah.

MATTHEW 10:17

Ingat, re agi daya an nakap angān ka taban angān ka yŭn bisara, ka re madŭs angān di ramin simayang-Jahudi.

MATTHEW 10:28

Dŭhnyah taru ngara adi siŭ pŭrŭng pak dŭh biyŭn kuasa ngga siŭ simangi; pak taru meh Tapa, adi bisa pirabur pŭrŭng ngga simangi di apui neraka.

MATTHEW 12:24

Kan bara daya Pharisee dingah ati, ngara nam, “Ayŭh pibu umot sabab raja umot, Beelzebul mbŭh nggen di Ayŭh kuasa ngga ndai simŭnŭ.”

MATTHEW 17:5

Darŭm ayŭh minyu, abun adi jawa mandŭg ka nyayung ngara, ka sirŭŭn so abun nang, “Ati inŭh Anak nyirot Ku, di Ayŭh asŭng Ku munos; dingah pinganang-I!”

MATTHEW 18:21

Komŭnŭ Peter tudu Jesus ka siken, “Tuhan, kambŭi dingan ku adu adu ndai dosa di tunduh ku, pikudu kari aku patut apun ayŭh? Ju kari?”

MATTHEW 18:35

Ka Jesus nang, “Simŭnŭ inŭh Sama Ku re ngga barang naan angān kambŭi angān dŭh apun dingan ngan so atin ngan.”

MATTHEW 23:15

“Mbŭh raru paya inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān birayar mutas rawŭt ka tambus barang rais ramŭn an pibŭrŭt ndi naan daya ka darŭm adat ngan; ka kan angān mbŭh dapŭd, angān bada ayŭh piduwŭh kari arap mun adŭp ngan yŭn patut dog taran ka apui neraka!

MATTHEW 23:33

Angān jippŭh ka bara anak jippŭh! Simuki meh angān re pirupas adŭp ngan so dog taran ka apui neraka?

MATTHEW 25:41

“Komŭnŭ Ayŭh re nang di ngara adi tura ka bait-I, ‘Bu so Aku angān, angān adi dog pangu Tapa! Bu angān ka apui neraka adi mbŭh dog sidia yŭn Siarap ngga bara malaikat-i!

MATTHEW 26:59

Bara pingubak imam ngga bara Kunsil suba an jiroh taksi kadong rawan Jesus yŭn dapŭd nggen ukum kabŭs di Ayŭh;

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

MATTHEW 5:34

Pak madin Aku kidaan di angān: dŭhnyah bipayu kan angān ndai janji. Dŭhnyah bipayu pakai rangit, amai rangit inŭh takta Tapa;

MATTHEW 5:44

Pak madin Aku kidaan di angān: rindu pinganyu ngan ka simayang yŭn ngara adi kisiis angān,

MARK 14:55

Bara pingubak imam ka bara Kunsil anŭ suba jiroh taksi ngga nyarah Jesus, siŭn ngara bisa nggen ukum kabŭs di Ayŭh; pak ngara dŭh tungang dapŭd ani ani.

MARK 15:1

Awar isan isan bara pingubak imam bigaut ngudung ngga bara nyamba bangsa Jahudi, gurū Ukum-adat Jahudi, ka bara Kunsil, bisatur munki ngara re ngga Jesus. Ngara muak Jesus ngga parik basi ka taban Ayŭh bu, ka nyerah Ayŭh ka Pilate.

LUKE 12:5

Aku kidaan di angān asi adi angān patut taru: Taru meh Tapa, Ayŭh, ripas-I ko siŭ, biyŭn kuasa taran daya ka darŭm apui neraka. Sawŭ, Aku nang di angān, Ayŭh inŭh adi angān patut taru!

LUKE 22:66

Kan andu mbŭh jawa, bara nyamba bangsa Jahudi, bara pingubak imam, ka bara gurū Ukum-adat Jahudi mandŭg tikuruk; ka Jesus meh dog taban ka Kunsil.

JOHN 11:47

Jadi bara daya Pharisee ngga bara pingubak imam ngudung ngga Kunsil. Ngara nang, “Ani re ta ndai? Tingga no, sopŭrŭg pingandai nginga-I.

JOHN 15:25

Kayuh anŭ simŭnŭ isa kayuh adi mbŭh dog nuris di Ukum-adat bisa jadi bitŭtŭk: ‘Ngara tiru di Aku ngga dŭh biyŭn sabab.’

JOHN 7:20

“Kaam pirumot!” bara daya nam. “Asi an siŭ Kaam?”

JOHN 8:48

Ngara siken Jesus, “Dŭh kah kieh batur kan kieh nang Kuu daya Samaria ka mbŭh dog mŭrŭt umot?”

PINGANDAI 17:18

Agi kada gurū Epicurean ngga gurū Stoic sitama pinyipuan ngga ayŭh. Agi kada so ngara siken, “Ani pinyipuan-i? Mating pimandai-i pak ayŭh minyu mun daya adi pandai!” Adi bŭkŭn nang, “Ayŭh mun adi minyu pasar tapa adi saruh.” Ngara nang sakanŭ sabab Paul ngajar pasar Jesus ka pasar pinyimakat so kabŭs.

PINGANDAI 22:30

Pingibās soldadu anŭ an puan tatu-i, ani sabab daya Jahudi nyarah Paul; jadi andu anŭ ndi ayŭh nggen ukum bada parik basi dog kadi so ayŭh, ka pesan pingubak pingubak imam ngga bara Kunsil da tikuruk. Komŭnŭ ayŭh taban Paul ka bada ayŭh mijog di sirung jawin ngara.

PINGANDAI 23:1

Paul, buang-i tirek bara daya Kunsil, ayŭh nang, “Bara dingan ku daya Israel! Ndŭg andu ati, gibabŭ bisig pikir-kira atin ku pasar munki pimudip ku di sirung jawin Tapa.”

PINGANDAI 24:20

Kambŭi dŭh, isa adŭp ngara ati kidaan sarah ku adi ko ngara dapŭd di andu aku mijog di sirung jawin Kunsil;

PINGANDAI 4:15

Jadi ngara bada ngara ruah so birit Kunsil, ka dupan adŭp-i ngara piguru kirakar pasar ani re ngara ndai.

PINGANDAI 5:21

Ngara tunda pinganang malaikat, ka awar isan isan ngara di mŭrŭt Ramin Tuhan ka piguru ngajar. Imam Bās ngga bara adi samah ngga ayŭh bagan da tikuruk sopŭrŭg nyamba bangsa Jahudi, yŭn ndai udung Kunsil. Komŭnŭ ngara pait pinganang bada bara pinyuruh dog taban ka yŭn ngara so ramin jer.

PINGANDAI 5:27

Ngara taban bara pinyuruh mŭrŭt, ka bada ngara mijog di sirung jawin Kunsil; ka Imam Bās nang di ngara,

PINGANDAI 6:12

Simŭnŭ ngara ngasut daya, bara nyamba bangsa Jahudi, ka bara gurū Ukum-adat Jahudi. Ngara nakap Stephen ka taban ayŭh ka sirung jawin Kunsil.

PINGANDAI 6:15

Sopŭrŭg adi guru di Kunsil tirek Stephen ka kiris jawin-i mun jawin malaikat.

PINGANDAI 7:37

Moses inŭh adi nang di daya Israel, ‘Tapa re pait ka angān ndi naan nabi, nimun Ayŭh mbŭh pait aku; ka ayŭh re so bangsa adŭp ngan.’

ROME 12:10

Rindu di dingan ngan nimun daya Kristen, ka gruwŭn adŭp ngan stabi di dingan ngan.

1 CORINTH 6:10

adi naku, puan kah adi tama, puan kah adi pimabuk, puan kah adi an napŭ dingan-i, puan kah pirupak; mating katŭn so ngara anŭ re kinyam Pinyipritah Tapa.

1 CORINTH 6:6

Gŭt-i agi so angān adi samah Kristen taban dingan-i ngga bisara ka bada daya adi dŭh Kristen ngatur har-i!

DITRONOMI 15:11

Taŭn re agi kada daya Israel adi sirata ka adi sutok, jadi aku pesan angān bada dŭhnyah bidagis ngga ngara.

DITRONOMI 16:18

“Tijuan bara akim ngga bara pinurung adi bŭkŭn di barang kupo adi TUHAN adi Tapa ngan nggen di angān. Bara daya anŭ siŭn ngatur har daya ngga tŭnggŭn.

1 THESSALONICA 4:6

Di kayuh ati, meh, daya dŭh siŭn ndai sarah di dingan-i adi samah Kristen puan kah nyibudo ngara. Kieh muko kidaan kayuh ati di angān dawŭ-i, ka bandar bakan angān nang Tuhan re ngukum sinadan daya adi ndai simŭnŭ.

TITUS 3:2

Kidaan di ngara da dŭh kinarap ngamun tadŭ daya, pak udip darŭm damai buang pinyijerā, ka siraru duduh ngga sopŭrŭg daya.

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!

HEBREW 5:9

Kan Ayŭh mbŭh jadi sukup kana, Ayŭh jadi atak pinyiramat adi tan adu adu yŭn sopŭrŭg daya adi tunda pinyiraan-I,

JAMES 2:20

Angān budo! Angān an dog kidaan kah nang pinyabah mating pingandai dŭh-i biguna?

JAMES 3:6

Ka jura agi keya ka apui. Darŭm ata, jura agi keya ka ong adi dog nguasa kayuh arap ka mbŭh taban arap-i ka ndi pŭrŭng ganan ta. Jura inŭh badang pimudip ta ngga apui so neraka.

1 PETER 2:23

Kan Ayŭh dog pimangŭh, Ayŭh dŭh maras ngga pinganang adi arap; kan Ayŭh jera-birasa Ayŭh dŭh natang daya, pak na pingarap-I di Tapa, arang adi tŭnggŭn.

1 PETER 3:9

Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

1 JOHN 2:9

Kambŭi ata nang adŭp ta darŭm jawa, pak tiru di dingan ta, ata taŭn babŭ darŭm karŭm.

1 JOHN 3:10

Simuti inŭh angān bisa ngatŭn aki ndi anak Tapa ka aki ndi anak Siarap: ngara adi dŭh puan kayuh adi batur, puan kah adi dŭh rindu dingan-i dŭh-i anak Tapa.

1 JOHN 5:16

Kambŭi angān kiris dingan ngan adi sabah ndai dosa adi dŭh taban pinyikabŭs, angān patut bidua ka Tapa, adi re nggen udip adi sawŭ adi tan adu adu di ayŭh. Angān ndai simŭnŭ yŭn ngara adi ndai dosa adi dŭh taban pinyikabŭs. Pak agi dosa adi taban pinyikabŭs, ka aku dŭh minyu nang angān patut bidua ka Tapa pasar anŭ.

JUDE 1:9

Pingubak malaikat, Michael, bŭn-i ndai simŭnŭ. Darŭm kaii-i ngga Siarap, pasar asi so ngara adi re tambit pŭrŭng Moses, Michael dŭh birani nunggu Siarap ngga pinganang adi arap; adŭ-i nang, “Tuhan re ngukum kuu!”

PINANDŬNG 20:14

Komŭnŭ Pinyikabŭs ngga Sibayan dog taran ka darŭm danu apui anŭ. (Danu apui ati inŭh pinyikabŭs adi numbor duwŭh.)