MATTHEW 5:19 - Hakcipta - Biatah Bidayuh

¹⁹ Jadi meh, asi asi adi nyibireu sirabi ka Pinyipesan adi siabo kurang biguna ka ngajar daya bŭkŭn da ndai simŭnŭ, re jadi siabo kurang biguna di dupan ngara adi kinyam Pinyipritah Tapa. Pak ngara adi sita Ukum-adat ka ngajar daya bŭkŭn da ndai simŭnŭ, re jadi bās di dupan ngara adi kinyam Pinyipritah Tapa.

MATTHEW 5:19 ပူးပေါင်းရင်းမြစ်များ

MAZMUR 119:128

Jadi aku tunda sopŭrŭg ajar Mai; aku tiru di sopŭrŭg aran adi sarah.

MAZMUR 119:6

Kambŭi aku nakit pirati sopŭrŭg pesan Mai, aku re dŭh dog pimangŭh.

DANIEL 12:3

Pinguru adi bijak re nyirinyak ngga sopŭrŭg jawa rangit. Ka ngara adi mbŭh ngajar bagŭ daya ndai kayuh adi batur re nyirinyak mun bitang ndŭg situi tui.”

MATTHEW 11:11

Puan meh! Gi-mating daya darŭm ong ati re rabis bās so John Pembaptisa. Pak sianŭ adi siabo sŭ di dupan ngara adi kinyam Pinyipritah Tapa agi bās dŭ so John.

MATTHEW 19:28

Jesus nang di ngara, “Sabah meh, kan Anak Manusia guru di takta-I adi bragah darŭm Ong Bauh Tapa, angān adi simŭng-duwŭh naan pinunda Ku re guru gŭh di takta, mritah simŭng-duwŭh tibaran-asar Israel.

MATTHEW 20:26

Pak dŭh-i patut simŭnŭ di dupan angān. Kambŭi agi so angān raan jadi bās, ayŭh dŭh siŭn dŭh an jadi urun daya;

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

LUKE 1:15

Ayŭh re jadi daya adi bās di batŭh Tuhan. Ayŭh dŭh siŭn nok wain bait tadŭ kayuh nok adi bisā. So tika-i dog biranak ayŭh re brisi ngga Roh Kudus,

LUKE 11:42

“Mbŭh payah inŭh angān daya Pharisee! Angān jugan ka Tapa ndi utung darŭm simŭng so rapah rapah, mun silaseh, adar manis, jintan ka rapah rapah adi bŭkŭn, pak angān dŭh rada pinyitŭnggŭn ngga pinyirindu yŭn Tapa. Kayuh anŭ angān patut ndai, buang dŭh kambŭt adi bŭkŭn.

LUKE 9:48

ka nang di ngara, “Asi asi adi kambat anak ati ngga adŭn Ku, kambat Aku; ka asi asi adi kambat Aku, kambat Ayŭh adi bada Aku mandŭg. Amai sianŭ adi siabo sŭ dupan sopŭrŭg ngan inŭh adi siabo bās.”

PINGANDAI 1:1

Tabi Theophilus: Darŭm surat ku adi sibungas-i, aku agi nuris pasar sopŭrŭg kayuh adi Jesus ko ndai ka ngajar so andu-I piguru ndai kraja-I

ROME 3:8

Mani dŭh nang, “Ja ata ndai arap isa kayuh kana timbur”? Agi daya, taŭn mbŭh pimangŭh aku darŭm-i nyarah aku nang aku agi minyu sakanŭ! Ngara re dog nunggu, nimun patut.

ROME 6:1

Ani re ta nang, garang? Patut kah ata pijuu udip darŭm dosa isa pinyirasi-mandis Tapa bitambah?

ROME 6:15

Ani, meh? Patut kah ata ndai dosa, sabab ata dŭh di ribo ukum-adat pak di ribo pinyirasi-mandis Tapa? Mating aran-i re patut!

DITRONOMI 12:32

“Ndai sopŭrŭg kayuh adi aku muko pesan di angān. Dŭhnyah nambah tadŭ tadŭ kayuh, puan kah kadi tadŭ tadŭ kayuh so pesan anŭ.

DITRONOMI 27:26

“Pangu Tapa nyatŭk tadŭ tadŭ daya adi dŭh tunda sopŭrŭg ukum-adat ngga ajar Tapa.’ “Ka sopŭrŭg daya re nam, ‘Amen!’

1 TIMOTHY 6:11

Pak kuu, daya Tapa, pijo adŭp mu so sopŭrŭg kayuh adi mun anŭ. Kuu patut gruwŭn: pinŭnggŭn, udip nimun ka pinyiraan Tapa, sabah di Kristus, rindu dingan, biyŭn pinyitŭtŭd atin di tika sangsara, ka atin duduh ngga daya.

TITUS 3:8

Pinganang anŭ sawŭ. Aku raan kuu mbit bat di kayuh anŭ, isa sinadan adi sabah di Tapa bisa ngga siabo asŭng ngara pakai masā ngara ngga ndai pingandai kana buang adi biguna yŭn sopŭrŭg daya.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

1 JOHN 3:4

Asi asi adi bidosa taŭn mbŭh miranggar ukum-adat Tapa, sabab dosa taŭn-i miranggar ukum-adat.

PINANDŬNG 2:20

Pak ati inŭh kayuh adi yŭn Ku nyarah kuu: kuu nurut dayung anŭ adi dŭn Jezebel, adi kadŭn adŭp-i pinyisung Tapa. Ngga ajar-i ayŭh kinanyap bara urun Ku ka darŭm pimudip adi dŭh tatu darŭm pingandai kais ka man pinguman adi ko dog jugan ka tibudo.

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.