MATTHEW 5:10 - Hakcipta - Biatah Bidayuh

¹⁰ Sanang inŭh ngara adi dog kisiis sabab ngara ndai pinyiraan Tapa; ngara inŭh adi kinyam Pinyipritah Tapa.

MATTHEW 5:10 ပူးပေါင်းရင်းမြစ်များ

MAZMUR 37:12

Adi ginaka bipekat an rawan daya adi kana ka nyitŭrŭng ngara ngga atin tiru.

ISAIAH 66:5

Dingah kayuh adi TUHAN nang, angān adi taru Ayŭh ka adi dingah pinganang-I: “Sabab angān tŭtŭd di Aku, agi so daya adŭp ngan re tiru di angān ka re tirawan angān. Ngara nyirimbe angān ka nang, ‘Bada TUHAN kiren di angān bās-I ka nyiramat angān, isa kieh bisa kiris angān pawŭn.’ Pak adŭp ngara inŭh adi re dog pimangŭh!

MATTHEW 10:23

Kan ngara kisiis angān di ndi kupo, bikaduh bu ka kupo bŭkŭn. Puan meh, angān dŭh re ngamas kraja ngan darŭm sopŭrŭg kupo Israel diŭ so Anak Manusia mandŭg.

MATTHEW 19:14

Jesus nang, “Bada bara anak-sŭ anŭ mandŭg ka Aku ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.”

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

MATTHEW 5:3

“Sanang inŭh ngara adi puan adŭp-i biguna di Tapa; ngara inŭh adi kinyam Pinyipritah Tapa!

MARK 10:14

Kan Jesus kiris, Ayŭh tuas ka nang di bara murid-I, “Bada bara anak-sŭ anŭ mandŭg ka Aku, ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.

MARK 10:30

re kambat rabis bagŭ-i di jaman ati. Ngara re kambat siratus rupet bagŭ-i ramin, jurud dari, jurud dayung, sindŭ, anak, ka teya; samŭn pinyikisiis ani. Ka di jaman adi re mandŭg ngara re kambat udip adi sawŭ adi tan adu adu.

LUKE 21:12

Pak diŭ so sigara kayuh ati tambus, angān re dog nakap ka dog kisiis; angān re dog dawa di ramin simayang-Jahudi ka dog na darŭm jer; angān re dog taban ka sirung jawin raja ngga pinguasa sitagar adŭn Ku.

LUKE 22:29

ka nimun Sama Ku mbŭh nggen di Aku hak ngga mritah, simŭnŭ gŭh Aku re nggen-i di angān.

LUKE 6:20

Jesus tingga bara murid-I ka nang, “Sanang inŭh angān adi sirata, amai angān kinyam Pinyipritah Tapa!

LUKE 6:22

“Sanang inŭh angān kan daya tiru di angān, tirawan angān, pimangŭh angān, ka kinarap angān, sitagar Anak Manusia!

JOHN 15:20

Ingat kayuh adi Aku ko kidaan di angān: ‘Daya urun dŭh-i bās dŭ so tuan-i.’ Kambŭi daya kisiis Aku, daya re kisiis gŭh angān; kambŭi daya tunda ajar Ku, daya re tunda gŭh tung jangān.

PINGANDAI 5:40

Jadi ngara bagan bara pinyuruh da mŭrŭt. Ripas madŭs ngara, Kunsil mritah ngara da dŭh tia minyu ngga adŭn Jesus, ka komŭnŭ pirupas ngara.

PINGANDAI 8:1

Ka Saul mbŭh situju di pinyikabŭs-i. Di andu anŭ gŭh eklisia di Jerusalem piguru dog kisiis. Sopŭrŭg adi sabah di Jesus, adŭ-i bara pinyuruh, mbŭh papar sasah di ndi tarun tana darŭm utung utung rais Judea ngga Samaria.

2 CORINTH 4:17

Ka pinyusah ami ati, adi siit buang adi dŭh tui kieh kinyam re taban bragah adi tan adu adu ka kieh, bās dŭ so pinyusah anŭ.

PHILIPPI 1:28

Dŭhnyah taru pinganyu ngan; ari bada adŭp ngan pagan ngga kiren di ngara adŭp ngan re manang ka adŭp ngara re arah, sabab Tapa inŭh adi nggen pimanang di angān.

2 TIMOTHY 2:12

Kambŭi ata bijijŭ ngga atin tŭtŭd, ata gŭh re mritah ngga Ayŭh. Kambŭi ata miman Ayŭh, Ayŭh gŭh re miman ata.

2 TIMOTHY 3:11

pinyikisiis adi dog aku, ka sangsara ku. Kuu puan sopŭrŭg anŭ dog aku di Antioch, di Iconium, ka di Lystra, pinyikisiis adi raru mandam ku kinyam! Pak Tuhan agi nyiramat aku so sopŭrŭg-i.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

JAMES 5:11

Kieh kadŭn ngara sanang sabab ngara tan. Angān ko dingah pasar atin sabar Job, ka munki Tuhan di pinŭbŭn-i turung ayŭh. Ayŭh simŭnŭ amai Tuhan mandis buang puno ngga atin masi.

1 JOHN 3:12

Ata dŭh siŭn mun Cain; ayŭh dog dapu Siarap ka mbŭh siŭ sude adŭp-i Abel. Mani Cain siŭ ayŭh? Sabab kayuh adi adŭp-i ndai agi sarah, ka kayuh adi sude-i ndai agi batur.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.