MATTHEW 4:18 - Hakcipta - Biatah Bidayuh

¹⁸ Darŭm Jesus panu kadŭg bŭngŭn Danu Galilee, Ayŭh kiris duwŭh naan bijurud adi pinakap iken, Simon (adi dog kadŭn Peter) ngga jurud-i Andrew, nakap iken ngga jaring di danu.

MATTHEW 4:18 ပူးပေါင်းရင်းမြစ်များ

PINYIRUAH 3:1

Ndi andu kan Moses nguan biri ka kambing damŭh-i Jethro, imam di Midian, ayŭh taban kaban dāng anŭ ngga mutas tarun tana-pajam di ka Sinai, darŭd kudus.

PINYIRUAH 3:10

Ngapŭi madin Aku pait kuu ka raja Egypt isa kuu taban daya Ku ngga ruah so rais-i.”

EZEKIEL 47:10

So rubang piin Engedi ndŭg ka rubang piin Eneglaim, diginŭ re agi pinakap iken di tabing rawŭt, ka ngara re dawan jaring diginŭ. Diginŭ re bagŭ masam iken nimun anŭ adi di Rawŭt Mediterranean.

PINYIKIANG 34:11

So nŭ-i re mūn ka siratan ka Harbel, tura ka timor Ain, ka radus ndŭg tarun tana sandah tura ka timor tabing Danu Galilee,

MATTHEW 10:2

Ati inŭh dŭn ngara adi simŭng-duwŭh naan pinyuruh: Adi diŭ, Simon (adi dog kadŭn Peter) ngga jurud-i Andrew; James ngga jurud-i John, adi duwŭh madis anak Zebedee;

MATTHEW 15:29

Jesus bu so nŭ ka panu kadŭg bŭngŭn Danu Galilee. Ayŭh maad sandah ka guru.

MATTHEW 16:18

Ngapŭi Aku kidaan di kuu, Peter: kuu inŭh batuh, ka di tunduh batuh pinagap-rasan ati Aku re pijog eklisia Ku, ka pinyikabŭs bina dŭh re tungang ngarah-i.

MATTHEW 4:19

Jesus nang di ngara, “Ja tunda Aku, Aku re ngajar angān nakap manusia.”

MARK 7:31

Komŭnŭ Jesus bu so tarun tana maning Tyre, pijuu pimanu-I tambus Sidon ka nuju Danu Galilee, panu so ka tarun tana Kupo-Simŭng.

LUKE 6:14

Simon (adi-I kadŭn Peter) ngga jurud-i Andrew; James ngga John, Philip ngga Bartholomew,

JOHN 21:1

Ripas anŭ, Jesus pinandŭng adŭp-I dinge di bara murid-I di Rawŭt Tiberias. Ka simuti inŭh Ayŭh pinandŭng adŭp-I.

JOHN 6:1

Ripas anŭ, Jesus mutas Danu Galilee (puan kah Danu Tiberias, dŭn-i anŭ ndi).

JOHN 6:8

Murid-I anŭ ndi, Andrew, adi jurud Simon Peter, nang,

DITRONOMI 3:17

Di tura ka barat, buka tarun tana ngara jeh ndŭg Yang Jordan so Danu Galilee di tura ka utara mūn ka Rawŭt Pide tura ka siratan, ka ndŭg sigŭn Darŭd Pisgah tura ka timor.