MATTHEW 4:14 - Hakcipta - Biatah Bidayuh

¹⁴ Kayuh ati jadi ngga bada bitŭtŭk kayuh adi nabi Isaiah ko nang,

MATTHEW 4:14 ပူးပေါင်းရင်းမြစ်များ

MATTHEW 1:22

Ka kayuh anŭ jadi simŭnŭ siŭn pinganang Tuhan so baba nabi jadi bitŭtŭk,

MATTHEW 2:15

di yŭn ngara rŭŭ ndŭg ka Herod mbŭh kabŭs. Ayŭh mbŭh simŭnŭ ngga bada bitŭtŭk kayuh adi Tuhan ko nang so baba nabi, “Aku bagan Anak Ku da ruah so Egypt.”

MATTHEW 2:23

ka piramin di kupo dŭn Nazareth. Ka sawŭ kayuh adi nabi nabi ko nang mbŭh jadi bitŭtŭk: “Ayŭh re dog kadŭn daya Nazareth.”

MATTHEW 26:54

Pak kambŭi simŭnŭ, simuki meh Surat-kudus re bisa jadi bitŭtŭk adi nang kayuh ati dŭh siŭn dŭh jadi?”

MATTHEW 26:56

Pak sopŭrŭg ati mbŭh jadi siŭn kayuh adi bara nabi ko nuris di Surat-kudus jadi bitŭtŭk.” Komŭnŭ sopŭrŭg murid babak bu, tingge Ayŭh.

MATTHEW 4:13

Ayŭh dŭh rŭŭ di Nazareth, pak matak di rŭŭ di Capernaum, kupo di bŭngŭn Danu Galilee, di tarun tana Zebulun ka Naphtali.

MATTHEW 4:15

“Tana Zebulun ngga tana Naphtali, di aran nuju rawŭt, di pah mandi Yang Jordan, Galilee, tarun tana daya adi dŭh bangsa Jahudi!

MATTHEW 8:17

Ayŭh ndai simŭnŭ ngga bada jadi bitŭtŭk kayuh adi nabi Isaiah ko nang, “Adŭp-I tambit sangsara ta ka taban andam ta ngga bu.”

LUKE 22:37

Ingat meh, pinganang Surat-kudus ati dŭh siŭn dŭh jadi bitŭtŭk di Aku: ‘Ayŭh sua trima ukum daya arap.’ Kayuh ati adi dog nuris pasar Aku mbŭh re an jadi bitŭtŭk.”

LUKE 24:44

Komŭnŭ Ayŭh nang di ngara, “Ati inŭh kayuh adi Aku ko kidaan di angān sitadŭn Aku gibabŭ ngga angān: sopŭrŭg kayuh adi dog nuris pasar Aku di Ukum-adat Moses, di surat surat nabi, ka di Mazmur, dŭh siŭn dŭh jadi bitŭtŭk.”

JOHN 15:25

Kayuh anŭ simŭnŭ isa kayuh adi mbŭh dog nuris di Ukum-adat bisa jadi bitŭtŭk: ‘Ngara tiru di Aku ngga dŭh biyŭn sabab.’

JOHN 19:28

Jesus taŭn mbŭh puan nang di jam anŭ sopŭrŭg-i mbŭh kamas. Ka siŭn pinganang Surat-kudus jadi bitŭtŭk, Ayŭh nang, “Badŭh asŭng Ku.”